¹ Nangabe Simakadze Nkulunkulu wakho ajuba letive, labo labanendzawo Simakadze Nkulunkulu wakho akunika yona, phindze nawubalandzela uhlale emadolobheni abo nasetindlini, ² kumele utikhetsele emadolobha lamatsatfu emkhatsini wendzawo latakunika yona Simakadze Nkulunkulu wakho kutsi uyiphatse. ³ Kumele wakhe umgwaco phindze uhlukanise imincele yalendzawo ibe tigamu letintsatfu, lendzawo Simakadze latakwenta kutsi ibeyindlalifa, khona kutsi wonkhe lobulala lomunye umuntfu abalekele lapho. ⁴ Lona ngumtsetfo lophatselene naloyo lobulala lomunye phindze abaleke lapho khona atophephisa imphilo yakhe-loyo lobulala makhelwane wakhe angakacondzi ngaphambi kwekutsi amnyanye ngalesikhatsi salengoti. ⁵ Ngesibonelo, nangabe indvodza iya ehlatsini namakhelwane wayo bayojuba tinkhuni, phindze ajube ngelizembe kujuba lesihlahla, bese inhloko yelizembe iyaphunyuka kulesibambo iyoshaya makhelwane imbulale-ngako leyo ndvodza kumele ibaleke iye kulinye lalamadolobha iyophephisa imphilo yayo. ⁶ Ngako ke lesihlobo salomufi singamlandzela lolobulele, phindze ngekutfukutsela lokusenhlitiyweni kungamengca yena, nangabe umgamu akahle, amshaye phindze ambulale, nomangabe leyondvodza beyingakafaneli ife, ngako akazange asatondze makhelwane wakhe phambilini. ⁷ Ngako ke ngiyalayetela kutsi utikhetsele emadolobha lamatsatfu. ⁸ Nnangabe Simakadze Nkulunkulu wakho akhulisa imincele, njengoba afungile emadlotini akho kutsi utakwenta, phindze akunike yonkhe lendzawo latsembisa kuyinika emadloti enu; ⁹ nangabe nigcina yonkhe lemilayeto kutsi niyente, lelenginilayetela yona namuhla-umlayeto wekutsandza Simakadze Nkulunkulu wakho phindze nangekuhamba ngetimiso takhe sonkhe sikhatsi, ngako kume nitingetele emadolobha lamatsatfu, ngaphandla kwalawa lamatsatfu. ¹⁰ Yenta loku khona kungatocitseka ingati yalabamsulwa emkhatsini walendzawo Simakadze Nkulunkulu wakho lakunika yona njengendlalifa, khona kubebete kutisola kwekubulala kuwe. ¹¹ Khepha nangabe kukhona lonyanya makhelwane wakhe, amcalele emanga, amsukele, phindze amlimate aze afe, bese nangabe ubalekela kulinye lalamadolobha- ¹² ngako labadzala bakulelidolobha kumele bamjikise bamyise emuva lapho, phindze bamnikete lesihlobo lesitsembekile, khona atokufa. ¹³ Emehlo akho kumele angamveli; kepha, kumele nimbulale loyo lobulele kuma Israyeli, khona kutonihambala kahle. ¹⁴ Ungasusi luphawu lwendzawo yamakhelwane wakho labatibeka kadzeni, kulendlalifa yakho lotayitfola, kulendzawo Simakadze Nkulunkulu wakho lataninika yona kutsi niyibuse. ¹⁵ Munye fakazi akukamele asukume ahlulele lenye indvodza ngekungacondzi kwayo, nome kungaba ngusiphi sono, noma angona ngayiphi indlela; emlonyeni wabofakazi lababili, nome emlonyeni wabofakazi labatsatfu, noma nguyiphi inkinga ayibikwe. ¹⁶ Cabanga nje kutsi fakazi longakalungi asukuma amelane nendvodza kutofakaza ngalokubi lakwentako. ¹⁷ Omabili lamadvodza, loyo longavumelani nalomunye, kumele eme phambi kwa Simakadze, phambi kweba phristi phindze nemajaji labekakhonta kulawo malanga. ¹⁸ Lamajaji kumele asebente kamatima; buka, nangabe fakazi angufakazi wemanga phindze ufakaze ngalokungemanga ngemnakabo, ¹⁹ ngako yentanjalo nakuye, njengoba abefuna kukwenta kumnakabo; phindze utawususa bubi kini. ²⁰ Ngako labo labasalako batokuva phindze besabe, phindze sukela lapho kangeke bente nomangukuphi lokubi kini. ²¹ Emehlo enu akangabi naluvelo; imphilo itobhadala imphilo, liso esweni, litinyo etinyweni, sandla esandleni, linyawo enyaweni.