¹ Baphristi, labama Levi, phindze nasosonkhe sive sema Levi, kangeke babe nendzawo noma batfole lutfo nema Israyeli; kumele badle umnikelo wa Simakadze lowentiwe ngemlilo njengelifa labo. ² Akukameli babenelifa kulabomnakabo; Simakadze lifa labo, njengoba asho kubo. ³ Loku ngulokuhleshuliwe kwanikwa baphristi, kuniketwa bona bantfu labanikela ngemhlatjelo, kungaba yinkhomo noma imvu: lihlombe, siphanga, phindze nekwangekhatsi. ⁴ Sitselo sekucala semabele, liwayini lelisha, phindze nangemafutsa, phindze neboya bekucala betimvu, kumele nimnike. ⁵ Ngoba Simakadze Nkulunkulu wenu umkhetsile kuletive tenu kutsi eme akhonte egameni la Simakadze, yena nemadvodzana akhe kuze kubephakadze. ⁶ Nangabe umLevi achamuka kunoma nguliphi lemadolobha enu kuwo wonkhe ema Israyeli kusuka lahlalakhona, phindze ufuna ngawo wonkhe umphefumulo wakhe kuta kulendzawo Simakadze latayikhetsa, ⁷ ngako kumele akhonte egameni la Simakadze Nkulunkulu wakhe njengabo bonkhe bomnakabo ema Levi benta, lomako lapho phambi kwa Simakadze. ⁸ Kumele babe nalokulinganako labangakudla, ngaphandle kwalokuchamuka emndenini wakhe lokutsengisiwe kulelifa. ⁹ Nasefikile eveni lapho Simakadze Nkulunkulu wenu aninika lona, ningafundzi kunaka lokubi lokwentiwa ngule tive. ¹⁰ Kute lokumele atfolakale enta umhlatjelo ngendvodzana yakhe noma ngendvodzakati yakhe emlilweni, nomangubani losebentisa milingo noma acoce ngemandla, noma afundze timphawu letitfolakala enkomishini, noma ente butsakatsi, ¹¹ nome ngukuphi lokulingako, noma ngubani locabanga ngemimoya, noma munye lowenta imilingo, noma lokhuluma nemimoya yalabafile. ¹² Loyo lowenta tonkhe letintfo leti ungulonyanyekako ku Simakadze; kungenca yalokunyanyeka kutsi Simakadze Nkulunkulu wenu abakhiphe embikwenu. ¹³ Ningasolakali phambi kwa Simakadze Nkulunkulu wenu. ¹⁴ Ngoba letive nitawutsatsa indzawo nilalele labo labenta imilingo phindze netimphawu; kepha nine, Simakadze Nkulunkulu wenu akanivumeli nente loko. ¹⁵ Simakadze Nkulunkulu wenu utawuphakamisa umphrofethi ekhatsini wenu, munye wabomnakenu, njengami. Nibomulalela. ¹⁶ Loku ngilenikucelile ku Simakadze Nkulunkulu wenu e Horebi ngelilanga lekuhlanganyela, atsi, 'Asingaliva futsi liphimbo la Simakadze Nkulunkulu wetfu, nome sibone lomlilo lomkhulu phindze, noma sitokufa.' ¹⁷ Simakadze watsi kimi, 'Labakushito kuhle. ¹⁸ Ngitawuphakamisa umphrofethi abe wabo kubo mnakabo, njengawe. Ngitofaka emagama ami emlonyeni wakhe, phindze utokhuluma kubo konkhe lengikulayetako. ¹⁹ Kutokwenteka kutsi nangabe kukhona longalaleli emagama ami kepha lokhuluma egameni lami, Ngitawumjezisa. ²⁰ Kepha umphrofethi lokhuluma ligama kabi egameni lami, ligama lengingakamlayeteli kutsi alikhulume, noma lokhuluma egameni lalabanye bo Nkulunkulwana, loyo mphrofethi kumele afe.' ²¹ Loku ngilokumele ukusho enhlitiyweni yakho: 'Sitokwati njani kunaka umlayeto lokhulunywe ngu Simakadze?' ²² Nitawunaka umlayeto lokhulunywe ngu Simakadze nangabe umphrofethi akhuluma egameni la Simakadze. Nangabe lentfo leyo ingaveli nome yenteke, ngako yintfo Simakadze langakayikhulumi phindze umphrofethi ukhulume kabi ngako, ngako ningamesabi.