¹ Muomu kuechela Kilistu ua tuechelele. Ngocho vene yimaneni na ndhili, keti muhilukile ku mukambo ua vundungo. ² Taleni, yange, Paulu, nji mileka nguange nga uli hana yove vavenya linga ulovoke, Kilistu ka kala na mulyo ku nkala vyoshe. ³ Ange njambulula vukaleho ku nkala muntu alihana linga alovoke yikeye atakametha mashiko oshe. ⁴ Eni muna litunditha kuli Kilistu, yeni vova thambuetha ku mashiko muna litunditha ku kavumbi. ⁵ Muomu ha Mpundi, ku lutcelelo, tuna tatelela na ndhili muku tcelela mu vuchili. ⁶ Muli Kilistu Yesu nambe kulovoka ndi vulima ku vya kele na mulyo, vuno kutcelela kupanga kuhitila mu chidhango. ⁷ Eni mua shatukile muachili. Yiya ua mivindikile linga keti muthingimike vungulu? ⁸ Chishoti chino ko cha tundile kuli uye ua mithanene! ⁹ Ka hingo kakandende ku futumuitha muakama. ¹⁰ Njili na lutcelelo muli Kalunga linga keti muthinganyeke vyeka. Ouo aka mitanganetha aka yanda kuchi mpangulo, nkala uoshe. ¹¹ Vamunanana, nga yange nolo kanda njambulula kulovoka, muomu vika ange nolo kanda vanji yandetha? Mu chifua chiye chilindakano vana chitunditha ko. ¹² Ngue ovo vami tanganetha, njina thinganyeka vali vatule yavo vavenya. ¹³ Muomu va mithanene ku kuvutuka, vamuna nana. Vuno keti mupangethe kuvutuka cheni kuchikati chamu villa; vuno, kuhitila muchidhango kuli kuatha ku umo na mukuavo. ¹⁴ Muomu majui oshe alishiko va ashulitha mu lijui limolika; "Yongola lishangambo lyove ngue moua liyongola yove vavenya." ¹⁵ Vuno nga muli shumanga na kulidthakina umo na mukuavo, vipangeni linga keti muli tanganethe umo na mukuavo. ¹⁶ Vuno nji kuanya nguange, endeni mu Mpundhi keho komu kambata chidhango cha ntcitu. ¹⁷ Muomu lya chidhango cha ntcitu yi vindika vya Mpundhi, na chidhango cha Mpundhi chi vindika vya ntcitu. Muomu evi vya lidhinda chimo na chikuavo, ngocho linga keti mupange vyuma vi mua yongola. ¹⁸ Vuno nga Mpundhi ya Kalunga yiku tuamenena, keho ku muakele muintci lya lishiko. ¹⁹ Ngechi vipanga vya ntcitu vya yomboloka: vukuidhi, madhilo, mashungu akuvihya, ²⁰ kulemetha mahamba, vulodhi, vundungo, kuli kuanya, lifuua, vukalu, kuli tepetha, kuli hangula, kushangumuna, ²¹ kuliveya, kupenda, muyoyo ua ku vi uano, na vyuma vyaku lifua nevi. Nji mi nangula, ngue omo nja minanguile laya, ngechiye voshe veku vipanga ovyo kuva kahingi vumuene vua Kalunga. ²² Vuno vushuka vua Mpundhi vukevo chindhango, liyango, chivovo, kulithimpitika, vuhuanga, vua ngulu, kutcelela, ²³ kukonkama, kulitakamesa yove vavenya; kuato majui alishiko a vindika evi. ²⁴ Keho voshe vana kala vana va Yesu Kilistu va na kulika vuntcitu hamo na kuli thimpitha na chindhango. ²⁵ Nga tu kala mu Mpundhi, mu Mpundhi lalo tuenda. ²⁶ Keti tuli hamethe na ku lishangumuna umo na mukuavo na ku liveyela umo na mukuavo.