¹ Mukuluntu keti umu handekele. Vuno umu mamune ngue yisho, vakuenje ngue vamuna noko, ² vakuluntu va vakentu ngue vayina veni, na vana vavakentu ngue vamunanoko vava kentu, na kuyela kuoshe. ³ Thingimika vakentu vantuluue, vaye va na kala vantuluue vene. ⁴ Vuno nga umo ntuluue ali na vana ndi vatekulu, cha chili vaye va valilongetha ha kulivanga kulemetha Kalunga, ha kati kava vushoko vavo. Pangeni vafuete va kuluntu vavo, muomu evi vye shangaletha Kalunga. ⁵ Vuno uye na kala ntuluue ua vuchili, ali ua ku livanga, va na tcelela muli Kalunga na ku shuametha mu ku shangala na mu ku lomba matciki na mu tanya, ⁶ Vuno uye ue ku lihana vavenya mu ku shuama vya hano hantci yikeye na tci muomu ali na muono. ⁷ Valongethe vakevo mu vyuma evi lalo, linga keti va kale naha ha ku mishauila. ⁸ Vuno nga umo aka yongola vya vushoko vuendi, muakama vene vya vaka njivo yendi vavenya, yikeye na yeneka kutcelela kuye mu ku vihya na ku tuvakana uye katcelelele. ⁹ Naumo uahi va mu thone ngue ntuluue kuvanga na puitha myaka makumi atanu na limo, yikeye lalo ua kele mukentu ua lyala umo lika. ¹⁰ ua tcimana muomu vipanga vyendi vyaku vuaha, nambe endi ua kele na liyango muomu vanike, ndi endi ua kele kuyumbula vangendhi, ndi ua kele kukusha myanja ya vantu va Kuyela vaKalunga, ndi ua kele kukuatha va ka kuyanda, ndi ua kele na kukanyama mu ku panga vipanga vyoshe vya chili. ¹¹ Vuno ngue muomu vya vana vantuluue vaye vali na myaka ya yindende. Muomu vana hungumuka kuli Kilistu va yongola kuambata. ¹² Vali nehela chihitho muomu vana vyana lyuvuathano lyavo lya kulivanga. ¹³ ha ntcimbu yiye vene, va lilongethele lalo kukala na vulua na kuya nkala njivo ya njivo. Keti vaka vulua lika, vuno lalo vaka kuhandeka vya ngocho na vakuavo, na kuhandeka vyuma viye kovya va vuahelele kukuanya. ¹⁴ Ngocho vene yongola vakentu vaye vali na myaka ya yindende linga ua mbate, kuthema vana, ku longetha kunjivo yavo keti va hane vu kovelelo ku chitodhi ngechiye ava kuite vingamba. ¹⁵ Muomu vamo vana tenguluka laya na kukava Satana. ¹⁶ Nga umo mukentu muka kutcelela ali na va ntuluue, cha chili ava kuathe keti mbunga yi lemuue, linga yikeyo yika kuatha vaye va na kala vantuluue va vangulu. ¹⁷ Vakuluntu vaye vaka kulongetha mua chili va va yonguela tuthingimiko tuvali, mua kama vaye vapangele mu lijui na mu ku longetha. ¹⁸ Muomu vithona nguavyo, ''Keti ukute kanua ka ngombe mua lya mbuto'' na ''Mu ka kupanga na vuahela fueto yendi.'' ¹⁹ Keti utave lijui lya ku tambula mukuluntu, kuvanga ku va kaleho vavali ndi vatatu. ²⁰ Vaye vapanga mulonga handekela ku mesho avoshe linga vakuavo vakale nalyova. ²¹ NJi kuishika ku mesho aKalunga, na Kilistu Yesu na tungelo vaye vo vana hangula, ngechiye upange vyuma evi na ku pangula ngocho kuahi, na vimo vyahi vyu kapanga mu ku pangula vulemu. ²² Keti ukambeke mavoko ove ha muntu vuathi. Nambe ku milonga ya veka keti uli hakeko. Litakamethe linga uka yele. ²³ Keti unue lalo mema. Vuno tu vinyu tua tundende muomu limo lyove namu mavedhi aye ue kuvavala nauo ntcimbu yoshe. ²⁴ Milonga vya vamo vantu vika yomboloka , na vi va tuamenena ku lutue ku chipangulo. Vuno vamo viva kava mu nima. ²⁵ Ngechiye lalo ku li vipanga vya ku vuaha vya yombolokele, vikevyo ka vi katha kuvanda.