¹ Mkabhaga kayo isiraeli agaabheye mumura namwendere, nimubhirikira omwena wani okusoka misri. ² Rwa kutyo bhabhabhirikiye, kutyo bhasokene kwaanye mbabhakorera ebhimwenso sitaani, mbaronda ebhirange kwisusano. ³ Nawe anye namwigisishe Efraimu okuri bhata. Nibho nabhemusishe kwe ebhigwato bhwbhwe, anwe bhatamenyare ati nagambendele. ⁴ Nabhayambarie okwagingiye egyomwana munu, omutima ogwo bhwendwa. Anye nariga mbebhwe, ninama nimbarisha? ⁵ Angu bhatukusubha mkongo kya misiri? Angu Ashuru bhataritunga iguru webhwe kwokubha bharemere okusubha wanye? ⁶ Ebhigwato bhiriragana iguru wemisigyebhwe nginyamura gimpate ginyigi, iribheta kwa amangana gemwe abhene. ⁷ Abhanu bhani bharamuye akunsiga. Enu abhabhirikira unu atiguru atariwo omunu owokubhasakira. ⁸ Enitura kutiki okukusiga, Efraimu? Enitura kutiki okwakusire, Israeli enitura kutiki okukukora rwa Asma? Enitwura kutiki okukukora rwa Seboimu? Omtima gwainduka mndayani, ekigongo kyani kyone kyasogera. ⁹ Nitakukora risungu nyani rinene, Anye nitakubha eta Efraimu kweki. Kwa kubha anye ndi nyamuwanga, ntari munu, Anye ndi owo omutime mweru agati yeemwe, noone nitakuja kwe-risungu ¹⁰ Baharinyangara, raatabhugenyi. Niriunguruma rwa inyati. Noone ndisurumbara, abhaanu bharija mbayarara okusoka ebhungwi esubha. ¹¹ Bharija, mbayarara rwa ginyonyi okusoka misiri, rwa ginguti okusoka mukyaro kya Asuru. Ndibhekura bhekere munyumbe gyeebwe. Rinu miryo ringana erya Raatebhugenyi. ¹² Efraimu kanyisunguno okwe amagamugo rurimi, na inyumbe eye Israeli. Kwo orubheeyi. Nawe Yuda akyani abheeye nanye, nyamuwanga na ni owe ekimari kwaanye, owo omutima omwere.