¹ Efrahimu kerisha omunyaga okurubha omuyagagwa mashariki, wone kongesha orusimi okunyasha Ashakora indagano na Ashuru na okugega amafuta ga misiri. ² Rata bhugenyi ana ikesi na ruda na kabhasitalaja Yakobo kwa garya akorere, kunulipa kwa bhikoro bhiye. ³ Kutyo munda Yakobo namugwata omunyiri waye ekinoko na kutyo mubhunu bhwaye ekomesishe kunyamuwanga. ⁴ Ashindene na omujuma naiga Aririre na kusabhwa Betheri eyo nyamuwanga aromere nawe. ⁵ Unu niwe rata bhugenyi nyamuwanga wa majeshi yawe ndiyo risina ryaye. ⁶ Basi ribhata kwa nyamuwanga wao. guratu obhungwani na hubhu huru na indagani na umurinde nyamuwanga wao daima. ⁷ Abhakosi bhebhyasara bhana gindengo rgyo rurimi mumabhoko gebhwe ashenda okujimya. ⁸ Efraimu naika kwa bhuwakika anye ni munishi sana, ninyore obhunibhi kwa nafasi yani. Kumirimu gyani gyone bhatakurora bhubhibhi bhone bhone musi kyone kyoke kinu ekisha ekikayo. ⁹ Anye namye ratabhugenyi nyamuwanga wao kwa mbinu kutyo wasokere mkyaro kya misiri Enikukora wikare tena kwikavero,kama gisikugya obhwega inuyutuweo. ¹⁰ Nabhabhwiriye abharagi nibhamaono mafu kwa ajiri yemwe, kwo kushoko kwa abharagi ninsosha enifano. ¹¹ Yakubha bhurio obhubhibhi eyo Gireadi, obhukweri abhanu bhatakufaa. Giirgari abhachinja ing'ombe inkerejia gyebhwe egisha kama emiundo gya ribhuyi okusha mumasambaga natare. ¹² Yakobo nabhirima mpaka mukyaro kya Aramu Israeli akorere emirimu okunyota omugasi nawe narebhe riijo rya ging'ondiiri okunyora omugasi. ¹³ Rata bhugenyi nareta isiraeri okusoka misiri kwo kutumia omuragi wone nabhabhika kwa omanyinga. ¹⁴ Efraimu na mubhikurisha sana rata bhugenyi. Basirata bhugenyi waye natatisha amanyinga gaye, wone kamusubhisha ginsuraro gyaye?