¹ Israeli ni manabibu mujomu gunu agwibhura amatunda gagwo. Kutyo amatunda gagwo agongesheka kwo kutyo ogumbaka amadhabao nyafu. Kwo kubha Ekyaro kyaye kyebhuriwa muno, kwaboreshibhwe ginguzo gyaye. ² Omutima gwebhwe ni mujimirofu, woori abhendwa okugega ebhikoro bhyebhwe. raata bhugenyi kajo okunyamura amadhabahu gebhwe. Kajookunyanura gingano gyebhwe. ³ Kwo kubha ahajo okwaika, kitari na mukama kwo kubha kitamumenyere raata bhugenyi a omukama akaturire okukikorera kiya? ⁴ Abhaika amangana tupu na abhaora amaagano go okuraira orubhei wori kutyo obhurengeresi obhujo okuja rwa amagugu ga isumu ku ruji rwa amasambu. ⁵ Abhekasi bha samaria abhajookubhaya ku-songa ya ekimoori kya Beth Aveni. Abhanu bhaye bhaomborezaga iguru yabhwe, rwa kutyo bhakorere abhashengesi bharya na amasusano ganu gariga gajomewe iguru yabhwe na obhugungyo bhwebhwe, nawe bhatariwo kweki. ⁶ Abhene abhajo okugegwa okuja Ashuru rwa isadaka ku-mukama omukuru. Efraimu kajo-okubha na giswaro kwa risusano ryebhwe. ⁷ Omukama wa samaria kajo-okwitwa, rwa ichafu ya gikwi iguru yo obhusu bhwe amanji. ⁸ Gimbara gya iguru ebhikayo egijo-okunyamurwa. Kinu nikyo kya Israeli, amatina ebhisaka ebhijo-okubhwira ebhima, kufundire eswe! na kwe ebhima, makigwire" ⁹ Awe Israeli ukorere ebhikayo kubbhwambiro bhwa Gisiko gya Gibea, Heyo usigaye woori Ebhita Ebhijo okubhana abhana bhe ebhikayo eyo Gibea? ¹⁰ Anu nikasokeo enibhaadhibu. Abhe bhyaro abhajo okuimbana amwi nabhwo na akubhatura kubhibhoyo bhye ebhikayo abhene mora kubhiri. ¹¹ Efraimu ni bhimanwa bhya ameigisho ganu agendwa okuura ebhiro, woori kutyo enijo okutora ljozi iguru ya ishango yaye injonu. Efraimu enijo okutara Yuda kajo okuyamba, Yakobo kajaoku kurura ripigo wa anasi yaye. ¹² Mwiigire obhurengerezi muvune anatunda go obhwikisirisha bhwa Indagano, musimbe iisi yemweinu itakuyabhwa ku-songa ni kabhaga ko-okumwagara raata bhugenyi, mpaka onu akejire okwimusha abhurengeresi iguru yamwe. ¹³ Murimire ebhikayo, muvunire obhudharimu muriye amatunda go-obhujimifu ku-songa wekirishishe ku-mopango gyawo na ku-bhaasikari bhafu. ¹⁴ Woori kutyo omuripako gwe ebhita ogujo okwerurwa agati ya abhanu bhawo, na emisi gyawo gyone egya ingome eijo-okunyamurwa. Eijo-okubha rwa shalmani anyamuye Beth Arbeliku-rusuku rwe bhita ku-kabhaga mama abbhutakire bhipande bhipande na abhana bhaye. ¹⁵ Woori kutyo eijokubha kwake, Betheli ku-songa ye ebhikayo bhyawo bhinene ku-kabhaga ku-mumoisi omukama wa Israeli kaja-okubhuturwa muno.