¹ "Ali, ntong malaikat jemaat tei Sardis tulis lei: ² Betaha lei, ali penahap lei se aran ye kea naan, iye ane mate, leka Aap male manang-muni pengkoe kam semperaka suang pengite Allah. ³ Leka iro, keno lei se iye apu ahan ali dinga kam, unau iro ali betobat lei! Kaye kam sa betaha, Aap sagar sulet nget erai keulun maling ali kam sa sagar ketoan jam senu Aap sagar sulet ntong kam. ⁴ Tapi sagar, naan sesenu konge ke kam tei Sardis iye male pesompoi pama dali; ali dali sagar malan sendro-Aap ali nunang pama bura leka dali menenung. ⁵ Ulun iye kuret sagar na tunang pama bura ali Aap sa sagar pejaweh aran da ke Buku Pemolum. Aap sagar mege aran da tei one wae Ma-Aap ali tei one wae malaikat-malaikat-Da. ⁶ Da iye naan kelinge oboh lei ngeringa se iye na ulek Juus nengkawe jemaat-jemaat." Surat ntong Jemaat tei Filadelfia ⁷ "Ali, ntong malaikat-malaikat tei Filadelfia tulis lei: ⁸ Aap ketoan deo pengkoe kam. Teneng lei, Aap apu nengau jaweng di ngkam, iye sa sunah erai konge mahan nangkep ye leka kam godo, tapi kam apu ngeringa engan-Aap ali sa menyangkal aran-Aap. ⁹ Teneng lei, Aap sagar ngene kawan runa Iblis iro, iye mengaku nget ulun Yahudi, tapi sepuna iye ba, je ngopau, Aap sagar ngene dali sulet ali nyemah tei poo ko, ali ngene dali ketoan mpe Aap ngerereu kam. ¹⁰ Leka kam apu melihara firman kesangkal-Aap, Aap sagar melihara kam ke kede kenyusah iye sagar sulet ntong kawus denia, dian nguji dali iye nono tei tana. ¹¹ Aap lekah sulet. Ege lei se iye naan tei kam dian sa mpe sunah erai konge sagar ngepe kekuasaan kam. ¹² Da iye kuret, Aap sagar pejaji da ori penyanga Runa Berasih Allah-Aap, ali da sa sagar tulak eso ke ro; ali Aap sagar nulis lei ntong da aran Allah-Aap nyang aran kota Allah-Aap, iye iro Yerusalem kado, iye iro dolui ke surga, ke Allah-Aap, nyang aran-Aap iye kado. ¹³ Da iye naan kelinge oboh lei ngeringa se iye na ulek Juus ntong jemaat-jemaat." Surat ntong Jemaat tei Laodikia ¹⁴ "Ali, ntong malaikat jemaat tei Laodikia tulis lei: ¹⁵ Aap ketoan se aran pengkoe kam, mpe kam sa ringin atawa ade layeng. Mper leen buen ye kaye kam ringin atawa layeng. ¹⁶ Jaji, leka kam layeng kulun, sa layeng atawa ade ringin, Aap sagar pelosek kam ke bowa-Aap. ¹⁷ Leka kam ngulek, 'Aap tatau, bepengelewi, ali sa bepengurang se-se,' ali sa ketoan mpe sepuna iye kam nyaya, beloh untung, bepengurang, posa, ali belawoi. ¹⁸ Aap ngenasehat kam dian moli ke-Aap amas, iye na berasih lalo apui dian kam tau tatau, ali pama-pama bura dian kam tau nunang iye mpe penyaan mangen leka leen belawoi kam sa sagar tepeite, ali ngusuk salap nreng mate kam dian kam tau kite. ¹⁹ Dali iye na kerereu-Aap, na tagur-Aap na ajar-Aap; leka iro, lewa lei aseng kam nyang betobat lei! ²⁰ Teneng lei! Aap jakat tei bowa jaweng nyang nelitik. kaye naan ulun keringa engan-Aap pelos nengau jaweng, Aap sagar letep nyeruku da ali man sendro da, nyang da sendro-Aap. ²¹ Da iye kuret, Aap sagar ngelewa da tuet sendro-Aap tei runa-Aap, sama nget Aap apu kuret ali tuet sendro Ma-Aap tei runa-Da. ²² Da iye naan kelinge oboh lei ngeringa se iye na ulek Juus ntong jemaat-jemaat."