¹ Uli kero, aap kite malaikat dolui ke surga, ngoit kunci jurang maut nyang erai ti rantai solai tei kami da. ² Da nulung naga iro, da Nipe Tuha, iye iye lei Setan nyang Iblis, nyang nyuruk da kengola seribu taun, ³ nimai da ntong suang jurang maut, nangkep iye, nyang nyegel iye dian da sa sagar petaang deo bangsa eso, mpe seribu taun iro sunek. Uli kero, da na untis dian erai desung. ⁵ Tapi sagar iye, ulun-ulun mate iye bali sa bolum li kaye male kede sefrikbu taun iro sunek. Ihe lei petemuet iye pengeone. ⁶ Na berkati berasih lei ulun-ulun iye mahan bagian suang petemuet* pengeone iro. Nengkawe ulun-ulun ihe, pengedate kedue beloh kuasa, tapi dali sagar jaji imam-imam Allah nyang Kristus, nyang sagar memerentah sendro Da kengola seribu taun. Kengaleh Iblis ⁷ Uli masa seribu taun sunek, Iblis sagar na untis ke kurungan iye. ⁸ Da sagar tulak dian petaang bangsa-bangsa tei keopat penjuru tana, Gog nyang Magog, nyang nyimpun dali dian bulo-bawong. Kedeo dali nget jone tei laut. ⁹ Dali sungket ntong munan tana nyang menyarang runa ulun-ulun buen nyang jaa iye na kerereu. Tapi, apui dolui ke langit nyang pesoya dali. ¹⁰ Belalu, Setan iye apu petaang dali na timai ntong suang lautan apui nyang welirang, tei biduh lei setua nyang nabi palsu iro ade na timai. Dali sagar na siksa jolo nyang malem mpe kengola iye. Penghakiman tei Hadapan Takhta Bura ¹¹ Uli kero, aap kite takhta bura iye solai nyang Da iye tuet tei munan iye, iye ke hadapan-Da tana nyang langit jaweh nyang beloh eso runa di nali. ¹² Ali, aap kite ulun-ulun mate, solai nyang idis jakat tei hadapan takhta iro. Belalu, na tengau lei buku-buku nyang erai buku iye bali, iye iro Buku Pemolum, nyang ulun-ulun mate iro na hakimi ngetme leen iye tetulis suang buku-buku iro, sesuai pengkoe dali. ¹³ Laut nyarah ulun-ulun mate iye naan tei suang iye, maut nyang Hades ade nyarah ulun-ulun mate iye naan tei suang iye ali dali na hakimi, asing-asing ngetme leen pengkoe iye. ¹⁴ Belalu, maut nyang Hades na timai ntong suang lautan apui. Ihe lei pengedate iye kedue -- lautan apui. ¹⁵ Kaye kede dase iye aran da sa tetulis suang Buku Pemolum, da sagar na timai ntong suang lautan apui iro.