¹ Uli kero, aap keringa engan iye wale nget bekerumung deo ulun tei surga bepaner, "Haleluya! Keselamatan, kemuliaan, nyang kekuasaan naan lei tempuun Allah taka ² leka penghakiman-Da bene nyang adil; leka Da apu mengadili pelacur tamam iro, iye ngerusak tana ali pengedaat da, nyang apu ngebales daya hamba-hamba-Da ntong pelacur iro." ³ Mpe kedue kali iye, dali bepaner, "Haleluya! Otut pelacur iro apu mengket mpe kengola iye. ⁴ Belalu, kedue pulu opat kawan tuha* nyang keopat makhluk iro sujud nyang nyemah Allah, iye tuet tei munan takhta, nelang bepaner, "Amin!* Haleluya!" ⁵ Uli kero, tepedinga lei engan ke takhta, "Puji lei Allah taka, ooi kam kawus iye melayani Da, me iye idis atawa iye solai, iye menghormati Da!" Pesta Peruku Anak Domba ⁷ Ayu taka beego-aseng nyang besurak-rami, nyang ngokoi kemuliaan ntong-Da leka olo peruku Anak Domba apu sulet, nyang penganten bawe-Da apu siap. ⁸ Ntong da apu na okoi kain linen buen iye berasih nyang mileu, dian na pakaileka kain linen iro naan lei pengkoe iye kune iye na ene ulun-ulun berasih." ⁹ Uli kero, malaikat iro bepaner ntong aap, "Tulis lei ihe: 'Naberkati lei ulun iye na undang tei peruku Anak Domba!''' Nyang, da bepaner eso ntong aap, "Ihe naan lei engan-engon iye bene ke Allah." ¹⁰ Belalu aap sujud tei poo malaikat iro dian nyemah da. Tapi, da bepaner ntong aap, "Iya ngetro leka aap ade hamba nget kam nyang kawan uyang kam iye beege tei kesaksian Yesus. Semah lei Allah leka kesaksian Yesus iye lei roh petundru.*" Penungang Kuda Bura ¹¹ Uli kero, aap kite surga betengau, nyang losek lei erai antu kuda bura; Da iye tuet tei munan iye bearan Setia nyang Bene, nyang suang kebenean Da menghakimi ali bulo-bawong. ¹² Mate-Da nget dolan apui, tei utek-Da naan deo mahkota, nyang Da naan aran iye tetulis, nyang sa toan sunah erai konge, je unuk-Da gales. ¹³ Da nunang jubah iye apu na losop ntong suang daya, nyang aran-Da Firman Allah. ¹⁴ Kawus pasukan iye naan tei surga siut Da nelang nungang kuda bura nyang bepama kain linen buen iye bura nyang berasih. ¹⁵ Ke bowa-Da, losek erai bila pedang tarem iye na pakai dian ngelawen bangsa-bangsa. Da sagar memerentah munan dali ali tungket besi. Da sagar miok anggur suang batu gilingan, iye naan pemereket Allah Iye Mahakuasa. ¹⁶ Tei jubah nyang kesapang-Da tetulis aran ihe: RAJA MUNAN SEGALA RAJA NYANG TUAN MUNAN SEGALA TUAN. ¹⁷ Uli kero, aap kite erai konge malaikat jakat tei suang mate olo. Da nyempo ali engan wale nengkawe kawus tempulu iye mensiling tei langit, "Ntong he, bekumpul lei dian siut suang jamuan man bedeo sendro Allah, ¹⁸ dian kam mahan man daging kawan raja, daging kawan panglima, daging ulun-ulun galak, daging kawan kuda nyang dali iye tuet tei munan iye, nyang daging kawus ulun, me iro ulun bebas mpe ade ulun merdeka, ulun idis mpe ade ulun solai." ¹⁹ Belalu, aap kite setua iro nyang kawan raja tei tana ali pasukan dali bekumpul dian bulo -bawong ngelawen Da iye tuet tei munan kuda bura iro nyang ngelawen pasukan-Da. v 20 Maka, setua iro na tulung, sendro nabi palsu da iye apu ngene tanda-tanda moko wauh tei hadapan setua iro, iye ali da pe taang dali iye naan tanda setua iro nyang dali iye nyemah sempatung iye. Dali kawus na timai bolum-bolum ntong suang lautan apui iye desung dolan ene welirang. ²¹ Nyang, sisa iye na bunu ali pedang iye losek ke bowa Da iye tuet tei munan kuda bura iro nyang kawus tempulu na temoting ali daging dali.