Nakoi Ali Sukarela ¹ Tong ab, ye belewian aka nyurat tong ko nget pelayanan tong ulun-ulun kudus. ² Leka, ab ketoan kerelaan ko, ye ab beperagah nget ko tong ulun-ulun Makedonia, ye iro nget Akhaya ye siap ke taun ye one ali semangat ko ye apu ngegarak dali bali ye solai. ³ Et iro, ab ngutus kawan erai butung ihe dian kain sa beperagah nget ko sa na jaji sia-sia suang hal ihe. Ali nget iro ko siap sediangetbye apu na ulek. ⁴ Leka, aka sa senu ulun Makedonia sulet sendro ali ko ali dali sengkuruku ko male siap, kain ( sa perlu kain ngulek ko) sagar na ppekagen leka keyakinannihe. ⁵ Leka iro,, ab bepikir perlu dian ngedesak kawan erai butung ihe tulak one tong ko ali nyade pengakoi ye apu ko janji se male ye. Leka iro pengakoi iro siap dian jaji pengakoi sukarela ali sa leka tepaksa. ⁶ Ab ngulek hal ihe: dase ye ngasek bini ye buen idis sagar ngoteu idis ade, ali ulun ye ngasek bini ye buen deo sagar ngoteu deo ade. ⁷ Tiap ulun harus ngakoi nget yebapu na putus suang ate da, sa ali nare aseng ye te mat paksaan leka Allah ketasi ulun ye ngakoi ali ego. ⁸ Ali, allah sanggup ngakoi kawus anugerah tong ko dian ko seleur naan suang kecukupan suang segala hal ali berkelimpahan suang pengkoe ye buen. ⁹ Nget ye tersurat: "Da apu ngebagi, Da apu ngakoi tong ulun susah, kebenean-Da tetap dian se ola-ola ye." Mazmur 112:9 ¹⁰ Nehe, Da ye nyedia bibit tong penabur ali roti dian pengokan, sagar meyediakan ali pedeo bini ko dian na tabur ali sagar nge pedeo hasil-hasil ye buen ko betambeh. ¹¹ Ko sagar na petatau suang segala hal temunan kemurahan ate ko, suang ngelalo kain membangkit ucapan syukur tong Allah. ¹² Leka, bantuan pelayanan ihe sa mencukupkan keperluan ulun-ulun kudus, et iro melimpah ucapan syukur tong Allah lalo deo ulun. ¹³ Lalo bukti pelayanan ihe dali sagar memuliakan Allah leka ketaatan ko tong pengakuan ko te Injil Kristus, ali dali kawus kemurahan ate ko suang berbagi tong dali ali kawus ulun. ¹⁴ Ali, suang doa-doa dali dian ko, dali ke songgo ko ali kasih karunia Allah ye belimpah suang ko. ¹⁵ Syukur tong Allah suang pengakoi-Da ye sa ta otus!