Nyimpun Persembahan Kasih Di Ulun-ulun Kudus ¹ Nehe, kawan erai butung, kain kakan ko ketoan nget anugerah Allah ye apu na akoi tong jemaat-jemaat te Makedonia. ² Nget suang ke deo ye ujian kesusahan, kelimpahan ego ali solai ke susah dali apu belimpah suang penatau ke tulus aseng ate dali. ³ Ab besaksi nget dali ngokoi sesuai ali pengahan dali, leka deo ke kemampuan ye suang ke rela dali gales. ⁴ Dali kaweng, bene tong kain, et anugerah dian siut mahan bagian suang pelayanan ulun-ulun kudus. ⁵ Ali, ihe ye na ene kain, sa nget ye kain harap, pertama, dali ngokoi unuk dali gegales tong Allah, uli kero tong kain ade nget na ga Allah. ⁶ Jaji, kain ngedesak Titus, nge me da apu nyentela ye, nget iro ade da sagar nyempunah pengkoe anugerah ihe te botuk ko. ⁷ Et, sama nget ko berkelimpahan suang segala hal, suang iman, papanderan, pengetoan segala usaha, ali suang kasih ko terhadap kain, buen ye ko ade berlimpah suang anugerah. ⁸ Ab sa ngulek hal ihe nget perintah, et dian nguji lalo gagah ulun bali ali ke iklasan kasih ko . ⁹ Leka, ko ketoan anugrah Tuhan taka Yesus Kristus, et nget me da tatau, da hukun jaji susah dian ko tau lalo kesusahan Da , ko jaji tatau ¹⁰ Ali, suang hal ihe ab ngakoi pendapat ab , hal ihe dian keuntugan ko ye ke taun one , ko sa je ngene ye , et ade bepenyeng kana dian ngegawi ye. ¹¹ Jaji , nehe, tempunah ade pengkoe iro dian sama ali kerelaan ko dian nyempunah se ye naan te ko . ¹² Leka, aka naan kesiapan ngakoi, pengakoian iro sagar na terima, nget dasar se ye na tempun erai ulun, ali sa bedasar se ye sa na tempuun da. ¹³ Hal ihe sa dian penean ulun bali ali jaji pedoyat dali , et dian naan keseimbangan . ¹⁴ Dion lah kelewian ko nehe nyesukup ke kurangan dali dian kesimbangan . ¹⁵ Nget iye te surat suang kitab suci ,ulun ie ngumpul deo, sa kalewian ali ulun ye ngumpul idis sa kekurangan . ¹⁶ Syukur tong Allah ye ngondok suang ate Titus kebenean ye sa ma ali ye naan te ab tong ko. ¹⁷ Leka, Da sa je nerima anjuran kain, et ali kebenean ye solai, da sulet tong ko suang ga da gegales . ¹⁸ Sendro Titus , kain ngutus erai butung ye na puji-puji te botok kawus jemaat suang hal pemberitaan Injil . ¹⁹ Sa iro ade ,da ade na tunru ene jemaat jemaat dian tulak sendro kain suang pelayanan anugrah ye na , ene dian ngoit kemuliaan tong Tuhan ali dian nundru kerelaan kain . ²⁰ Kain harus berhati-hati dian sa naan ulun ye sagar pesala kain suang hal kain ngatur pengakoi ye solai ihe. ²¹ Kain beusaha ngene se ye bene, sa je suang pandangan Tuhan, et ade suang pandang meresia. ²² Sendro dali, kain ngutus erai butung kain ye apu gagah kain uji ali tabukti rajin suang deo hal-hal, lewi eso nehe da makin rajin leka da ali keyakinan ye solai terhadap ko. ²³ Nehe nget leen Titus da ye pasangan ali uyang mengkoe ab ye sagar beguna dian ko nget ali erai butung taka ye bali, dali utusan jemaat-jemaat, kemuliaan tong Kristus. ²⁴ Jaji, tundru tong dali, te hadapan jemaat-jemaat, bukti kasih ko ali kebanggaan kain suang ko.