¹ Leka iro tempun janji-janji iro, hei ye na kasih, ware taka ngeberasi unuk taka ke kawus hal ye sabuen ke unuk ali roh nelang ye patut buen sempurna kudus suang takut ali Allah. ² Okoi runa tong kain te ate ko. Kain sa besala tong dase lei, sa ngerusak dase lei, ali sa ngepe untung ke dase ade. ³ Ab sa ngulek ihe dian pesala ko, et se male ye, ab apu ngulek tong ko nget ko naan te suang ate kain, dian mate, bolum sendro. ⁴ Keyakinan ab solai suang ko, kebanggaan ab solai negkawe ko ab na temponu ali penghiburan, ab ngelimpah ali ego suang kawus kesusahan kain. ⁵ Kede kain empe te Makedonia, unuk kain sa mahan kedamaian, je sengsara ke uras geliling, ye irobulo tanteng ke onggon ali ke takut ke suang. ⁶ Et iro, Allah ye ngehibur ulun ye nare aseng, nge hibur kain ali penyulet Titus. ⁷ Sa leka penyulet da, et leka penghiburan ye ngene terhibur te suang ko, nget ye na kesah da tong kain nget ke songgo ko, nare aseng sangat ko dian ab belalu tambah ego. ⁸ Bele, ab ngene ko nare aseng leka surat ab iro, ab sa menyesal bele ab pini menyesali, iro leka ab kite surat iro maka nare aseng ko bele je erep-erep. ⁹ Nehe ab ego, sa leka ko nare aseng et leka ko nare aseng dian betobat, leka ko nare aseng nget ali ga Allah maka ko sa rugi suang hal se ade ene kain. ¹⁰ Leka nare aseng ye sesuai nget na ga Allah ngehasil pertobatan ye sa na sesali ali ngoit tong keselamatan. Et nare aseng deniawi ngehasil mate. ¹¹ Leka, perhati nget me ke deo nare aseng ye samaali na ga Allah iro na kae tong ko se bene ye solai, bukti nget ko sa sala, bereket, takut kesonggo, semangat ali ngebales te suang senu hal, ko apu ngebukti nget ko sa besala suang halmihe. ¹² Jaji, bele nget me abnyurat surat tong ko, hal iro sa dian kepentingan ulun ye ngene sala ali sa ade dian keperluan ulun ye na pesala, et dian kebenean ko terhadap kain na ulek tong ko tehadap Allah. ¹³ Leka iro ye, kain sanang. Tesuang penghibur kain iro, kain deo ka ego eso suang ego Titus leka roh ye apu na pe segar ene ko kawus. ¹⁴ Leka aka ab pini petamam ko tong Titus, ab sa na ene mangen. Et nget me leen kain ngulek se aran hal tong ko suang kebene, nget iro ade ketamam kain te hadapan Titus tebukti bene. ¹⁵ Ali, kasih sayang ye terhadap ko betambeh solai, nget me da ngingat ketaatan ko kawus ye, nget me ko nerima penyulet da ali takut ali hormat. ¹⁶ Ab ego leka suang se segala hal ab naan keyakinan te suang ko.