Otoritas Paulus Ye Lah Ke Allah ¹ Ab, Paulus, unuk ab gegales kaweng tong ko ali kelembutan ali kemurahan Kristus-- ab, ye se ronu kede sengkeruku wae ali ko, et ronu kede oro ke ko! ² Ab kaweng tong ko dian kede ab sulet, ab sa perlu jaji ronu ali keyakinan ye ali da ab memperhitungkan dian ronu ngelawen sasenu ulun ye menganggap kain bolum ali deniawi. ³ Bujur, kain kea bolum suang denia, et kain sa bejuang ali nget denia. ⁴ Leka, senjata-senjata bulo kain sa ke denia et neke kekuatan ilahi dian pehancur benteng-benteng . ⁵ Kain pehancur pemikiran-pemikiran ali senu hal ye temunan ye na temuet ene keangkuhan meresia dian ngehalang pengetaruan, tong Allah. Kain ngujut kawan pikiran ali pekaleh ye tong Kristus, ⁶ ali kain siap ngehukum kawus ye sa taat kede ketaatan ko apu sempurna. ⁷ Teneng tong se ye naan te hadapan ko. Aka naan ulun ye meyakini unuk da ye lah na Kristus, dion da memikir mulik hal ihe, ye iro nget me da ade na Kristus, kain ade nget iro. ⁸ Belantak, aka ye ab hantap belewi maragah otoritas, ye Allah akoi tong kain dian ngebangun ko ali sa dian ngehancur ko, ab sa sagar mangen. ⁹ Ab sa kakan nget seolah-olah ab sagar nyentakut-nyentakut ko ali surat-surat ab. ¹⁰ Leka, dali ngulek, "surat-surat iro bujur teges ali tokeng, et nget kehadiran unuk, da lome ali pander da sa bearti." ¹¹ Dion ulun ye nget iro memikir hal iro, ye iro se ye kain ulek ali surat kede kain sa sendro ko, sama nget koe kain kede sendro ko. ¹² Leka, kain sa ronu dian ngelompok ali ngebanding unuk kain ali sasenu ulun ye beperagah unuk ye gegales. Namun, kede dali ngukur unuk ye ali unuk gegales ali ngebanding unuk ye ali unuk dali gegales, dali iro sa memahami ye. ¹³ Et iro, kain sa sagar berbangga nget hal-hal ye lalo batas kain, melainkan suang batas ke ketetapan ye Allah apu na bagi tong kain, ye iro batasan dian nge jangkau empe tong ko ade. ¹⁴ Leka, kain sa ngelampaui batasan kain, se olah-olah kain sa ngejangkau empe tong ko , kain ye nyetela kali empe tong ko ali Injil Kristus. ¹⁵ Kain ade sa beperagah sa lewi batas kain ali berbangga suang pengkoe ulun bali, ali pengharapan nget me leen iman ko temunan wilayah pengkoe kain te butok ko sagar na pesolai eso, ¹⁶ dian kain tau ngabar Injil ke wilayah-wilayah te onggon ko, ali sa beperagah suang se ye apu sempunah tewilayah pengkoe ulun bali. ¹⁷ " Dase ye kakan beperagah, dion da beperagah te suang Tuhan." ¹⁸ Leka, sa ulun ye memuji unuk da gegales ye tebukti tahan uji, beloh lain ulun ye Tuhan puji.