Paulus Ali Rasul Ye Sa Bene ¹ Ab beharap, ko sabar terhadap ab suang idis kepengegake ab, ali ko bujur sabar terhadap ab. ² Leka, ab nginam ngewoyu tong ko ali ngewayu ilahi, leka ab apu betunangan ko ali erai ulun bene, ye iro napersembah ko dian bawe ye suci tong Kristus. ³ Et iro, ab takut, ya-ya sama nget kede Hawa bayuh tegoda leka tipu nipe, nget iro ade pikiran ko sagar na petaang ketulusan ali kemurnian pengabdian suang Kristus. ⁴ Leka, ko sabar a kede erai ulun sulet ali ngambar nget Yesus ye lain, ye belain ali ye kain berita, ali kede ko nerima roh ye belain, ye male pini ko terima, ali Injil lain, ye male pini ko terima. ⁵ Menurut ko, ab sa kurang ke kawan rasul luar biasa iro . ⁶ Bele ab sa pandai suang hal be pander, et sa ngetro suang hal pengetoan, leka nget me cara, kain apu nundru ye tong ko suang segala hal. ⁷ Se, ab ngene dosa kede merendahkan untuk ab gegales dian ko mahan di tinggikan leka ab ngabar injil Allah tong ko ali cuma-cuma? ⁸ Ab ngerampas jemaat-jemaat bali ali merima upa ke dali dian melayani ko. ⁹ Ali, kede ab sendro ko ali susah ab sa pedoyat, erai ulun ye leka kawan erai butung ye sulet ke mekadonia nyedia se ye na perlu ab. ali suang segala hal, ab nge jaga untuk ab dian sa janji pedoyat tong ko ali sagar seleur ngelak sana ye. ¹⁰ Nget me kebenean kristus te suang ab, ke ego ab ihe sa sagar na halangi ye wilayah-wilayah Akhaya. ¹¹ Nget me? se ye leka ab sa ke tasi ko? Allah ye Ketoan ¹² Et ihe, ab sagar seleur ngeme se ye na ene ab empe ab tau motek kesempatan ke dali ye kakan kesempatan dian na sengkeruku sa manget kain suang hal-hal ye dadi ego. ¹³ Leka, ulun-ulun nget iro ye lah rasul-rasul palsu, pengkoe-pengkoe ye sa bebujur, ye meyamar nget rasul-rasul Kristus. ¹⁴ Hal iro sa ulun wau tengkejut leka iblis ade mayamar jaji nget malaikat maa. ¹⁵ Leka iro, ngene tengkejut aka kawan pelayan ye ade meyamar nget kawan pelayan ye bene, dali ade sagar nerima upa ye sama ali kawan pengkoe dali. ¹⁶ Sendai eso, ab ngulek ya naan erai ye nganggap ab he galu. bele nget iro, terima lei ab nget ulun ye galu dian ab ade mahan idis sanang ego. ¹⁷ Se ye na ulek ab suang hal keyakinan sagar kesanangan ihe, ab sa ngulek nget na ga Tuhan, beloh bali nget suang bagian-bagian be pander nget ulun galu. ¹⁸ Deo ulun ye beperagah nget denia. Jaji, ab ade sagar meragah. ¹⁹ Leka, ko nget ro bijaksana pelos ali sanang ate ko besabar ali ulun galu. ²⁰ Ko besabar, aka naan ulun ye nge jongos ko, nolen ko, ngepe keuntungan suang ko, bepengaruh unuk da, nelang rono nampar ade ko. ²¹ Ali tamam mangen ab harus ngulek nget kain tamam lome nget hal ihe ! se ade ye ulun bali ronu dian peragah..ab bepander nget ulun galu ab ade ronu . ²² Se ye dali keturunan Ibrani? ab ade. Se ye dali ulun Israel? ab ade. Se ye dali keturunan Abraham? ab ade. ²³ Se dali ngelayani Kristus? ab lewi eso-- ab ngulek nget ulun gila. Uyuh seranta ab lewe deo, lewi eso suang penjara, pupuk penare ye sa ahan na reken, ali lewi gagah naan suang bahaya mate ²⁴ Ke ulun-ulun Yahudi, ke deo lime kali ab apu nerima opat pulu kurang erai cambuk. ²⁵ Tolu kali ab na pupuk ali uwe, sindai kali na tumbuk batu, tolukali ab nondo te kapal kayem, erai malem ali erai olo ab na oir gelombang te laut. ²⁶ Deo kali suang perjalanan ab, ab terancam bahaya ke sunge, ke kawan perampok, ke pihak ulun-ulun Yahudi, ali ulun-ulun sa Yahudi. Ab na ancam bahaya te jaa, te alas alen te laut, alinade bahaya ke kawan erai butung palsu. ^{28 27} Ab apu besusah payah ali begawi doyat, tetap bejaga, keket lau ali sengo, gagah sa naaan pengokan, suang menhkoyan, ali sa bepama. Ali ye ba ke jal-hal ihe, naan ade masalah be olo-olo ye jaji tanggung jawab ab dian pemeliharaan suang kawus jemaat. ²⁹ Da se ye lome, ali ab sa lome? dase ye lotu, ali ab sa nare aseng? ³⁰ Aka ab harus paragah, ab sagar paragah suang hal- hal ye nundru kekurangan ab. ³¹ Allah ali Ma Tuhan Yesus, ye harus na puji se ola-ola ye, ketoan nget ab sa ngopau. ³² Te Damaskus, gubernur te wa Raja Aretas ngejaga jaa Damaskusdian demakep ab. ³³ Et, ab na pedolui suang runa keranjang ke luang jendela te dinding, leka iro ab muntis ke kami ye.