Dewi Suang Lunek Paulus ¹ Puna eloh naan untung ye beperagah. Et ab kakan ade ngulek nget kawan hal ye naan petendre Tuhan tong ab te suang pernyataaan ali tesuang pengite. ² Ab ketoan erai ulun suang Kristus, ye opat belas taun apu na oit tong sorga tingkat tolu--et te suang unuk da, ab sa ketoan; ahe te onggon unuk, ab ade sa ketoan, Allah ye ketoan. ³ Ali, ab ketoan nget me ulun ihe-- se iro te suang atawa te onggon unuk da, ab sa ketoan, Tuhan ye ketoan-- ⁴ da na engket ke Firdaus ali keringga enggan ye sa tau na ulek, ye sa ahan na otus ene meresia. ⁵ Dian ulun ihe ab sagar beperagah, et dian ab gegales, ab sa sagar beperagah je aka suang ke lome ab. ⁶ Leka iro, aka ab kakan beperagah, ab sa sagar jaji golu leka ab sagar ngulek kebenean. Et iro, ab nahan ye dian sa naan ulun ye kite ko deo ke se ye dali teneng ali ye dali dingga nget ab. ⁷ Dian ngejaga ab se telalu beperagah suang penyataan ye luar biasa iro, maka erai dui na akoi suang unuk ab ye iro utusan iblis dian nyusahkan ab dian unuk ab sa sakah. ⁸ Nget hal iro, ab kawen tong Tuhan sedeo tolu kali dian hal iro ngikah ab. ⁹ Da, ngulek tong ab, "Anugerah-Ab sukup tong ko leka kuasa Ab na sempurna suang kelomean." Leka iro, ab lewi senang beperagah suang kelomean ab dian kuasa Kristusnondo te suang ab. ¹⁰ Iro leka ye, inam ab sanang suang kelomean, suang na siksa, suang kesusahan, suang na aniaya, ali suang kepuyean ali Kristus. Leka kede ab lome, leka iro ab gagah. ¹¹ Ab leka ko memaksa ab, apu jaji galu sebene ye kam ye harus memuji ab. Leka, ab sakurang me-me na tanding ali kawan rasul ye luar biasa iro, bele ab eloh naan a ye. ¹² Tanda-tanda ye ngebukti erai ulun rasul apu na petendre te botuk ko suang segala kesabaran, suang tanda-tanda, mukjizat-mukjizat, ali keajaiban-keajaiban. ¹³ Leka, suang hal se ko na remeh aka na tanding ali jemaat-jemaat bali, je aka ab sa jaji nyusah tong ko? maap ab leka kesalahan iro! ¹⁴ Nehe, siap ke tolu kali ye ab koteu ko, ali ab sa sagar jaji nyusah tong ko ab sa ngeto se ye naan te kam, melainkan ko. Leka kawan tia sa harus ngumpul hartadian ulun tuha ye, nget ulun tuha dian kawan tia ye. ¹⁵ Ali, ab sagar ali sanang rela mengorbankan se ye naan na ab ali unuk ab dian ko. Aka ab lewi ke tasi ko, ye se ko sagar kurang ketasi ab? ¹⁶ Bele ab sa jaji beban tong ko, ko ngulek ab ngakal ali ab mahan keuntungan ke ko leka nipu muslihat. ¹⁷ Se ab ngepe keuntungan ke ko lalo ulun-ulun ye na utus ab tong ko? ¹⁸ Ab ngedesak Titus dian tulak ali ngutus erai butung kain dain tulak sendro da. Se Titus ngepe keuntungan ke ko? Se kah kain sa malan suang roh ye sama ali malan suang tujuan ye sama? ¹⁹ Belalu, se ko apu usang memikir dian kain ngebela unuk kain terhadap ko? kain bepander terhadap Allah suang Kristus, et kawanhal iro, hei ye na kasih, ye dian nemuet ko. ²⁰ Leka, ab takut, ahe kede ab sulet, ab sagar sengkuruku ko sanget ye ab harap, ali ko sa sagar sengkuruku ab nget ye ko harap, ahe naan maka sala paham, kesewa, bereket, kepentingan unuk gegales, fitnah, desas-desus, sakah ali kekacauan. ²¹ Ab takut khawatir kede ab sulet eso, Allah sagar ngerendah ab te hadapan ko ali ab sagar nare aseng suang deo ulun ye one apu bedosa se male ye ali tatap sa betobat ke kenajisan, percabulan, ali hawa nafsu ye apu na ene dali.