¹ Leka kain ketoan aka kemah, runa ondo taka te denia ihe ne bungkar taka ne sedia erai bangunan ke Allah, erai belai ya sa na ene ali kami, ye kekal te surga. ² Seola taka naan suang kemah ihe, taka epu sang leka taka kesonggo runa nondo surgawi taka. ³ Leka, kede taka makai taka sa eso belawoi. ⁴ Se usang taka naan suang kemah ihe , Taka pusang uyuh leka boyat leka taka sa kakan belawoi et be pama dian ye sementara iro ye na tolen ene bolum . ⁵ Nehe , Da ye nyiap taka dian tujuan iye tong Allah, ye ngokoi Roh tong taka dian jaminan . ⁶ leka iro , kain seleur tabah ali menyadari kain naan te belai suang unuk ihe ,kain naan nondo te onggon Tuhan ⁷ Leka , kain bolum ene iman sa leka kite. ⁸ Leka iro kain tabah ali tamam ego nondo te onggon unuk ihe pelor nondo sendro Tuhan . ⁹ Leka Iro , kain beusaha dian kain bekenan tong Da , kede kain nondo te belai ihe se naan te onggon. ¹⁰ Leka, taka kawus ne hadap te muka kursi pengadilan Kristus dia senu ulun mahan nerima eso hal-hal ye na ene suang unuk da, sesuai ali se ye apu na ene da , se iro buen atau pun daat. ¹¹ Leka kain ketoan, arti ye takut ali Tuhan, leka iro kain meyakin ulun bali. Eto, kain apu nyata dian Allah ali ab beharap pasti ade tong ate nurani ko. ¹² Kain sa beusaha eso muji-muji unuk kain tong ko et kain ngakoi ko kesempatan dian ego tong kain. Leka iro, ko sagar naan nge jawab dian dali ye ego suang hal-hal lahiriah ali sa mundan se ye naan suang ate. ¹³ Aka kain sa jaji unuk kain, hal iro ye dian Allah. Aka kain jaji unuk kain iro dian kepentingan ko. ¹⁴ Leka kasih Kristus nguasai kain kede kain nyimpulkan aka erai ulun mate dian kawus, maka dali kawus ye mate. ¹⁵ Ali, Da matei dian kawus ali dali ye bolum sa eso bolum dian unuk dali gegales, et dian Da, ye apu mate ali na te muet dian dali. ¹⁶ Leka iro, ke nehe kain sa ketaru sunah erai ulun menurut leen ye nyata, bele ye kain pini ketaru Kristus ali kite unuk tongga, et nehe kain sa eso menilai Da nget iro. ¹⁷ Dese, ye naan te suang Kristus, da ye ciptaan kado. Hal-hal ye one apu lalo, teneng hal-hal ye kado apu sulet. ¹⁸ Kawus hal ihe ye ke Allah, ye pedamai taka ali unuk Da laloKristus ali ngakoi taka pelayanan pedamaian iro, ¹⁹ Ye iro suang Kristus Allah mendamaikan denia ali unuk- Da gegales, ali sa ngehitung kesala-kesala dali ali apu percaya kabar perdamaian tong taka. ²⁰ Jaji, kain ye he kawus uras utusan Kristus. Allah nundru panggilan Da bepander tong ko leka Kristus, okai unuk ko na pendamai ali Allah. ²¹ Da ye sa ketaru ali dosa apu na ene Da jaji dosa leka taka dian taka na tem buen Allah te suang Da.