Paulus Sangkal Suang Pelayanan ¹ Leka iro, ke kain mahan pelayanan ihe, nget me kain nerima belas kasihan Allah, kain sa putus asa. ² Et, kain sa nerima hal-hal ye nasiok ye nondo teruna ye dendem ye maka mangen, sa malan suang pengkoe ye sebuen, ye memalsukan Firman Allah, et ali pernyataan kebenaran, kain petendre unuk kain gegales tong ate aseng sa senu ulun te hadapan Allah. ³ Et, aka Injil kain desung tetutup ade, Injil iro tetutup dian dali, ye sagar binasa, ⁴ ye nondo, ilah denia ihe ye apu naan posa pikiran dali ye sagar percaya empe dali sa mahan kite maa kemuliaan Injil Kristus, ye iro gambar Allah. ⁵ Leka, kain sa ngene kabar nget unuk kain gales, kabar iro ye iro kabar Kristus Yesus nget Tuhan ali unuk kain gegales nget pelayan-pelayan ko leka Yesus. ⁶ Leka Allah, ye berfirman, " Dion ye maa becahaya ke dendem apu becahaya suang aseng taka dian ngakoi maa", pengetoan nget kemuliaan Allah ye naan te wae Kristus Yesus. ⁷ Leka, harta ihe kain miliki suang runa tana liat dian kelimpahan kuasa iro be asal ke Allah ali sa ke unuk kain gegales. ⁸ Kain ye na jejek te geliling et sa empe te jepit. Kain bingung, et sa putus asa. ⁹ Kain ye na aniaya, et sa na ikah. Kain na obet et sa na binasa. ¹⁰ Kain seleur ngoit nempate Yesus suang unuk kain pemolum Yesus ade na ulek suang unuk kain. ¹¹ Leka kain, ye bolum ihe, seleur na akoi tong maka mate leka Yesus dian pemolum Yesus ade na ulek suang unuk kain ye fana iro. ¹² Nget iro maka mate begawi te suang kain et pemolum begawi te suang ko. ¹³ Leka iro, ali nempuun roh iman ye sameh, sameh ye apu te surat, " ab percaya, leka iro ab bepander " kain ade percaya ali iro, kain ade bapender. ¹⁴ Leka, kain ketoan nget Da, ye apu nemulum Tuhan Yesus, sagar nyemulum kain sendro ali Yesus ali sagar ngoit kain sendro ko temuka- Da. ¹⁵ Leka, kawus hal ihe jaji dian ke perluan ko dian anugerah, makin deo ulun, mahan kelimpah ngulek syukur tong kemuliaan Allah. ¹⁶ Iro leka ye, kain sa putus asa. bele unuk lahiriah kain betambah merosot nget ye, et meresia batiniah kain seleur na pe kado olo saban olo. ¹⁷ Leka, sengsara ye sa doyat ye nehe ihe, ngene tong kain erai kelimpahan kekal kemuliaan ye betambah segala-gala ye. ¹⁸ Kain sa je memperhati hal-hal ye na ite, leka kawan hal ye sa ite, hal ye ite ye sementara kawan hal ye sa ite iro kekal.