¹ Ab apu bejanji tong unuk ab gales ab sa sagar sulet eso tong ko suang rare aseng. ² Aka ab ngene ko nare aseng, dase ye sagar ngene ab sanang, je da ye apu na ene ab nare aseng iro? ³ Ab nyurat, nget me ye ab ngene, dian kede ab suket ab sa sagar mahan nare aseng ke dali ye tau ngene ab sanang leka ab nge nanam harap tong ko kawus ego ab sagar jaji ego ke kawus. ⁴ Ke deo ye sengsara ali nare ate, ab nyurat tong ko ali deo pitek elu mate, sa dian ngene ko nare aseng, beloh lain dian ko mahan ngen toan kasih ye ab je ye tong ko. ⁵ Aka naan ye ngene nare aseng, da sa ngene nare aseng dian ko batas batantu dian ab sa nge lewi-lewi dian ka kawus. ⁶ tong ulun nget iro, uni ene dali bali saloi ke ko sukup tong ko. ⁷ Leka iro, ko sebalik ye, ware mengampuni ali ngehibur dian ulun nget iro sa leteng leka nare aseng ye tama. ⁸ Jaji, ab nyin ko dian teges kasih tong da. ⁹ Leka, iro ade ab nyurat tong ko ye iro dian ab kate ngetoan bukti ye, se da taat suang kawus hal. ¹⁰ Erai ulu ye ko ampuni, ab mengampuni ade, aka naan ye harus ab ampuni ,ab ngene ye leka ko te hadapan Kristus. ¹¹ Ali ngendro, iblis sa sagar mahan kesempatau nguasa taka lek taka ketoan ga dali. ¹² Kade ab empe te Troas dian ngulek kabar Injil Kristus ali kede jaweng na tenggau dian ab naan suang Tuhan, ¹³ male naan buen aseng tong ab leka sa seng keruku Titus erai butung ab. Jaji, ab ngulek permisi tong dali ab kakan tulak tong Makedonia. ¹⁴ Syukur tong Allah, ye seleur ngoit kain tong kemenangan te suang Kristys ali ngulek ewo ye buen harun nget pengetaruan tong Da te kame runa lalo kain. ¹⁵ Leka, kain ye ewo buen harum Kristus tong Allah, te ekang dali ye na selamat ali te ekang dali ye desung binasa. ¹⁶ Tong ye erai, kain ye ewo mate dian ye mate, ali ye bali, ewo bolum dian ye bolum. Et iro, dase ye mahan dian hal-hal ihe? ¹⁷ Leka, kain sa nget deo ulun lain, ye ngejual Firman Allah. Sebalik ye suang Kristus kain bepander te hadapan Allah ali ketulusan, nget me utusan-utusan Allah.