Tabe ke Paulus ¹ Paulus, erai ulun rasul Kristus Yesus ye na akan Allah ali Timotius, erai butung taka, tong jemaat Allah ye naan te Korintus sendro kawus ulun kudus ye naan te kawus Akhaya. ² Anugerah dian ko damai sejahterah ke Allah Bapa taka ali Tuhan Yesus Kristus. ³ Diberkati Allah ali Ma Tuhan taka, Yesus Kristus Bapa ye ponuh belas kasihan ali Allah ali penghiburan, ⁴ ye ngehibur kain suang kawan kesusahan kain nget kain ade ngehibur dali ye naan suang kesusahan ali penghiburan,, ye kain gegales ne hibur ene Allah. ⁵ Et, sama nget kesusahan- kesusahan Kristus ponu suang kain, ngetro ade penghiburan kain ponu lalo Kristus. ⁶ Aka kain kesusahan, hal iro dian penghiburan ali keselamatan ko. Aka kain na hibur, hal iro dian penghiburan ali keselamatan ko, aka kain na hibur, hal iro ye dian penghiburan ko, ye bagawi suang ketabah suang kesusahan-kesusahan ye sama, ye na inam kain. ⁷ Pengharapan kain suang ko iro teguh leka kain ketoan nget me leen ko siut nanggung suang kesusahan-kesusahan kain, nget iro ade kain siut nanggung suang penghiburan kain. ⁸ Kawan eroi butung kain sa kakan ko sa ketoan nget kesusahan ye kain inam te Asia. Kain tamagu doyat lewi kekuatan kain nget kain putus asa dian tau bolum. ⁹ Et, kain naan hukum mate suang unuk kain gegalas dian kain sa yakin tong unuk kain gegales et beloh bali tong Allah ye ne muet mate. ¹⁰ Da apu ngelamat kain ke bahaya mate ye maka akut iro ali sagar nyelamat kain eso tong Da sagar ngelamat kain eso. ¹¹ Ko ade siut ngawet kain lalo doa-doa ko nget deo ye sagar be syukur suang aran kain leka kasih karunia ye na okoi tong kain lalo doa deo ulun. ¹² Kain ego, ye kesaksian ate aseng ye buen nget kain bolum te denia ihe, ye utama tong ko, ali ketulusan ali kemurnian ke Allah sa suang hikmat denia, belah bali suang angerah Allah. ¹³ Leka, kain sa nyurat hal-hal ye sa buen tongko ye kain surat ye tau nabaca ali na pentaru ab beharap ko sagar ketaru sepomu ye. ¹⁴ Nget iro ko apu memahami bali nget leen kain, suang olo Tuhan Yesus. ¹⁵ Suang keyakinan ihe, ab berencana one sulet tong nuna ko dian ko tau mahan anugerah dian ke due kali ye. ¹⁶ Ab kakan koteo ko suang alan ab tong Makedonia, belalu mulik eso tong ko uli ke Makedonia dian ko tau ngawat ab suang alan ab ke Yudea. ¹⁷ Leka iro, se ali keraguan ab ngerayang hal iye? se ye ab ngerayang, an ngerayang ye nget deniawi maka dian ab besendro " oi, oi" ali "sa, sa"? ¹⁸ Sama nget Allah ye setia, pander kain tong ko " oi" ali "sa". ¹⁹ Leka, Tia Allah, Yesus Kristus, ye na kabar tong ko neke kain, ye iro ab, Silas, Timotius, "oi" ali " sa" , beloh bali " oi" te suang Da. ²⁰ Leka, kawus janji Allah "oi" te suang Kristus. Iro ye ngene , lalo Da, kain ngulek "Amin" kain dian kemuliaan Allah. ²¹ Allah ye meneguhkan kain sendro ali ko te suang Kristus ali ye apu mengurapi taka, ²² Ye da apu nyegel taka ali ngakoi Roh Da suang ate taka dian jaminan. ²³ Et, ab nook Allah nget saksi tong aseng ab nget iro dian ore suang ko ab male sulet eso tong Korintus. ²⁴ Sa leka kain nyiu munan iman ko, et kain ye mengkoe sendro ko di ego leka suang iman ko, ko jakat naham.