¹ Ngeno kame ku nyatha aya ali kwa Jesu Kelesite. ² Kakuli o mulao wo moya wo upilo uwa niwa kwa Jesu Kelesite una ku tunditha ku mulao wo thibi na lifu. ³ Kakuli ei no ukwanga ku tenda o mulao no lutu, Mulimu na tende. Mo na tuma mwanaye mu mushobo no lutu lo thibi,kwiya ku fela thibi, na kwiya ku nyathee thibi mu lutu. ⁴ Mona tenda ngeyo ngao ei no i thaeliwa mu mulao itendale otwe no ku kana oku yubela yo mulao wo nyama kono twe kala mu moya ou Kenu. ⁵ Aya yoyela mu mulao wo nyama mwa paka engana tho mweyi no nyama,kono aya yoyela mu mulao wo Mepo Thikenu mwa paka nyama tho mu Mepo Thikenu. ⁶ Kakuli ku sepa e mepo no nyama tha twala ku lifu,kono ku sepa emepo Thikenu tha twala ku upilo no kotho. ⁷ Ku sepa enene mepo no nyama a ku pilukela Mulimu, kakuli ko wa kuyuba na mulao wa Mulimu, kapa ku twetha ku tenda ngeyo. ⁸ Aya no mepo tho nyama njena ku twetha ku tabitha Mulimu. ⁹ Keo ngeno, ko muli mu mepo tho nyama kau, kono mwekala mu mepo thikenu,ku mona omoya wa Mulimu unekala kwenu, Kumona munu nakana ku kwato mepo tha Jesu, oyo munu kali kwa Jesu kao. ¹⁰ Kumona Jesu ne kala koye,olutu loye keo lu na fu ku thibi,kono e mepo thikenu tha yoya ku ku yelela na ku kena. ¹¹ Kumona e mepo thoya no yoyitha Jesu kutwala ku kufa thine kalo kwenu,oya no yoyitha Jesu ku tunda ku lifu mwa mipa upilo namwe ku malutu enu no thibi ku ku tuthitha omoya waye,ou upilo kwenu. ¹² Keo ngeno,mwakwange,twa kwata sikoloti,kono ka sikoloti tho ku nyama kau ngao tupile upilo wa ku nyama. ¹³ Apo yoya moyo wa ku nyama,keo wekala mupepi na kufa,kono kupitela mu mepo wa ipaa e misebethi no lutu,keo mo yoya. ¹⁴ Oshe a endithiwa na mepo tha Mulimu,aa ana Mulimu. ¹⁵ No mu shemwa kwa mwela mepo tha upika ngao mwikale mu lyowa,kono mono mu amweela emepo no upilo, keo tulila ngao, ''Abba,Tate.'' ¹⁶ Emepo Thikenu thoñene thapa upaki wa kwamba ngao otwe twaana Mulimu. ¹⁷ Endi twana,keo kame twana Mulimu shemwa. Kame toshe twana Mulimu toshe na Kelesite, kame twanyanda naye ngao kame angu mbotu tabe naye. ¹⁸ Kame a manyando tumona ngeno ano mayuwa njena ku ku yelela na upilo o uli potho thetu. ¹⁹ Oupilo uwa ouli potho wa tatela ku mona ana Mulimu. ²⁰ O ku mbiwa mono ku twaliwa ku ku thinyea ka ku ku wapela kao,kono bakeñitha ou no leta ngeyo,mu ku sepa ngao. ²¹ O umbo mbou tundithiwa ku tunda mu upika kutha mu kwola,naku shimbuluka ku tha mu tukuluho tho tabo tho ana Mulimu. ²² Twa limuka ngao o umbo woshe wekala mu manyando na mu makama ku leta na pelo. ²³ Ka ngeyo ambu kau,kono shuwango otwe,tu kwite emepo thi tangi, twa nyanda mu kaci ketu,kuno tu tatela oku yola kwetu, oku cinja ko malutu etu. ²⁴ Omu mu sepiso omu mo nyimo no tu yoyela. Keo sepiso tha ku mona ka sepiso kau. Kakuli njeko wa ku sepa ethya na mono. ²⁵ Kakuli mona tu na sepe ethi tuna kana kumona,keo mo tu thi tatela o tuna ku kete. ²⁶ Monyimo kame,e mepo mo tha tu tutha mu ku kwanga kwetu. Kakuli pamweya njena ku limuka mo mu tuswanela ku lapelela,kono moya wa tu tusa omu tuswanela ku tendela. ²⁷ Oyu wa limuka ei no micima alimuka nei yekala mu mepo,kakuli yonyiko we maena anu a Mulimu kwa Mulimu. ²⁸ Twa limuka ngao oshe ao a wapela Mulimu,mwa sebetha einu yoshe mu ku wapa,kwaya oshe ethaniwa mu mu naano waye. ²⁹ Kwao oshe alimukiwa,kame mwa lukisetha ngao afeke mu sipoto tha mwanaye,angu mba piluke o mweli wa anu oshe. ³⁰ Ao oshe na paka ku nyonga,oshe na ithaniwa,ao oshe ne thana,oshe na kenithiwa,ao oshe na kenithiwa,oshe na kanyithiwa. ³¹ Keo twamba ngepi pei inu? Ku mona Mulimu na pitele okwetu,oyu kame no ku tu twetha ani? ³² Oyu no ku twetha ku shimba mwanaye yo foti ku tupa kwiya ku twi maena toshe,mwa kwanga ngepi pa mweya naye na ku tupa einu yoshe? ³³ Ani no ku twetha ku nyatha ana Mulimu ana kuketele? Mulimu yofoti yonyiyo wa twetho ku kenitha. ³⁴ Ani oyu no fa kupitela apo,yo nyiyo no yoyithiwa kame-oyuli ku lika lyo thilyo lya Mulimu, kame yo nyiyo tu lapelela kwa Mulimu. ³⁵ Ani no ku twetha ku tunditha ku lilato lya Mulimu? Mifilifili,Manyando,Kwipawa,Nthala,Wila,Kothi,Mukwale? ³⁶ Thina omu kwa ñoleliwa, ''Mu polofiti thoye twe paiwa liwa na liwa. Mo twa shimbiwa wendi angu aku kepaiwa.'' ³⁷ Shuwa yo yikala kwei otwe twa wina kale ku pitela mwo ya wa tu wapela. ³⁸ Kakuli ome netana ngao,nje lifu,moyo,mañgeloyi,muso,inu ilipo,kapa mu iwiya kapa mata api kapa api, ³⁹ ku noña, kapa yoshe ya kumbiwa,eyi mboyi twetha ku tu tunditha ku lilato lya Mulimu kupitela kwa Kelesite Jesu Mulena wetu.