¹ Nambe niti ka Jesu,koni onga kao,omunaano wange wani pakela ngao mu Mepo Ethikenu. ² ngao na ku yuba kunyanda onene na ku kola ku mucima enene. ³ Oni naana ngao na twetha ku tutiwa na ku tundithiwa kwa Jesu bakeñitha akwange,na amukowa wange ku nyama. ⁴ Ao ana Isilaele. Ana yolo,olu lumbi,e tumelo, e polofiti no mulao,o mubutho no mu tempele na ma sepiso oshe. ⁵ Ao onyio akulu omu na pitela Kelesite mu likute kwiya mu nyama-oye oli o Mulimu ku yoshe. A lumbekiwa ka kuma ku mafeleletho.Amen. ⁶ Shuwa kutenda ngao elii lya Mulimu lina shemwa ku yubala,kakuli ka oshe ali mu Isilaele osha a Isilaele kau. ⁷ Kame ka oshe a waniwa ngao a silulwela kwa Abulama ka oshe ana Abulama kau. Kono ''Kupitela mwa Isaka omu kowa woye mo mbo upitela. ⁸ Kame ngao ana no kweleka ku nyama ka ana Mulimu kao. Kono ana no sepiso onyio ethaniwa ngao a mu kowa waye. ⁹ Elii lyo nyilo e lii no sepiso. ''Pethi na kweli moni wiya,kame mo nipa mwana kwa Sara.'' ¹⁰ Kei ambu kao,kono Rebeka kame no piwa mwana wa mulume, oyiwetu Isaka- ¹¹ Kakuli anikana apo njekale elekiwe kame njekale atende unyangunyu kapa iwa,ngao o munano wa Mulimu omu na ketela utendale,ka ka mata kau kono mu libaka lyaye oye oyu ithana- ¹² Mona mwambela ngao, ''Omu kulu mo mba endithiwa ku mwanikana.'' ¹³ Ye kala wendi umu no i ñoleliwa, ''Jakobo yona wapela,kono Esau yona thimba.'' ¹⁴ Keo mo tu amba ngepi? Kana Mulimu wa ketululo? Ka ngeyo kao. ¹⁵ Kakuli mona mbela Mushe ngao, ''Mo ni kwata sishemo kwoya ni kwatela sishemo, kame mo ni kwata silila ñeke kwoya ni kwatela ilila ñeke. ¹⁶ Keo pano,koye yo nyiyo wa wapelamo kao,kapa oye yonyiyo yenditha,kono bakeñi Mulimu ominyo ñeke. ¹⁷ A mañolo amba ngao kwa Faro, ''Peli libaka eli yo nyiyo no ni ku kulithetha,ngao angu mbo ni monithe a maata ange okoye,kame ngao e lithina lyange li limukiwe mu litunga lyoshe.'' ¹⁸ Keo, Mulimu mwa kwata ñeke ko ywa na thaela,kame kwa mweya ana thaela a tenda ibangoki. ¹⁹ Keo wa mba ngao okwange, ''Keo ike kame athaelela milandu? Kwaya ana kwikala ku mucima waye?'' ²⁰ Mu mwambelo wao,owe mulume,owe no ku twetha o ku kanana na Mulimu? kana thiya no thi umbiwa tha twetha kwa mba ngao,ike no ni umbela ngeya? ²¹ Kande oya mumbi no himwa ngena ku twetha ku cinja hina himweya ku sikopo sa mbula ku thepahala na thikwaso tha sebethitha liiwa na liiwa? ²² Haibandi Mulimu,oyuthaela kumonitha ouhali ae nakutenda maata aae ngao alimukiwe,athwalelela ouhali wae ounalukisethwe esinyeo? ²³ mwetho onatende ngeyo ngao alimukithe oufu nokanya thae musikopo no thishemo,etho analukithethe okanya? ²⁴ mwendi onatende eiyoshe kututendela, otwe naithana,kutunda ku Majuda,nakua Malichaba? ²⁵ Inani omuambela kame mu Hosea, ''Moniithana anuange awoo aneli kaanu ange kao, naalatiwa aao aaneli kaalatiwa kao. ²⁶ Keo mokuikala ngao omo nokuambeliwela okoo, 'Komwanu ange kao; oko mwaaithania ngao 'Ana aa Mulimu nokuyoya.'' ²⁷ Isaya alila bakeñitha oIsilaele, ''Shiwango ngao oungi waana Isilaele neli wendini omushabati no muliwate,mokupiluka amasiyaleti onyio amboyoyithiwa, ²⁸ kakuli oMulimu mwaatula olifasi lyoshe mukukana kuliyeha.'' ²⁹ Inani omo Isaya naambeela, ''Haibandi Mulimu nolimpi nga autisya otwe,nga motupiluka wendini omonalyele Sodoma, nga twafeka Gomorrah.'' ³⁰ Motuamba ike eni? Aalichaba,aonakana kuthaela kuluka,anawana kuluka, kulukwa kwa tumelo. ³¹ Kono Isilaele,oyunothaela mualo nokuluka,njekale akumepo. ³² Ike eni,Kakuli kaathitendile na tumelo ndi,kono mumithebethi. Athithathala pamawe akuthithathalitha, ³³ inani omukunan'oliwele, ''Mumone napaka mu Sione eliwe lya kuthitathalitha na liwe lya milandu. Oshe oyupelo olumela melyo kambo thwabithiwa kao.''