¹ Endi komu limuka kao,(kakuli naamba kwa anu a alimuka o mulao),ngao o mulao wa endisa o munu yoshe mu nako thoshe ayoya? ² O mukathi wo kulamiwa o na mangiwa ku mulao ku mukwathi wae yo shiyoya,kono endi o mukwathi wae onafu,O mukathi ona lukululiwa ku mulao no maluo. ³ Mungeyo,mu nako shiyoya mukwathi wae, endi mukathi a yoya na mulume wao,mwa isaniwa mubuki.Kono endi mukwamuthi wae afa,o na lukululwa ku mulao,keo ka mubuki kawo apa ikala na mulume wao. ⁴ Mukwikala ngeyo,akwange alume,na mwe mushe mono muipaiwa ku mulao mulutu lwa Kelesite.kwa ikala ngeo elingeyangoo o wanekiwe kumukoye,kutalusa ngao,okwaye oyu no ingukisiwa kwa afu,eli ngeya ngao to pake yuyanu ya Mulimu. ⁵ Apo no tuikala munyama,o matakatho no sibi,nanyangu muniwa ku mulao,mono ibeleka oilama yetu ngao ipake yuyanu ya lifu. ⁶ Kono pano tuna lukululiwa ku mulao.tunafu kwetho nothitumanga.Kwa ikala ngeyo elingeya ngao tubeleke mumepo ethipwa,ethino muliñolo no kale. ⁷ Ei pelo twambani ike? O mulao sibi? kakunaikala ngeyo.Mukwi kala ngeyo,ngeya nga in ayemwa kulimuka sibi,ngeya nga omulao nouyemwa kuikala ko. Ngeya nga no niemwa kulimuka takatho,kenti o mulao apa no wamba ngao ''kona lakatha.'' ⁸ Kono sibi keo sishimba thibaka mu milao na na kuleta etakatho thoshe okwange.Kakuli oku kukana kuikala mulao,sibi sinafu. ⁹ Munako thimweya mononi yoya oku nombula mulao,kono apa e milao nothiwiya,sibi keo siwana upilo kame nifa, ¹⁰ E milao etho no thiswanela kuleta oupilo,keo ipiluka lifu okwange. ¹¹ Kakuli sibi monosishimba sibaka mu milao na kuni onga.Mu milao no ni ipaiwa. ¹² Mulao ukenu,na mataelo makenu,kuluka na kuwapa. ¹³ Cwale einu iwa inalete lifu okwange? ko kuneekala ngeyo.kono sibi,kwamba ngeya ngao thimonahalithiwe kupiluka sibi,inatunditha lifu okwange mwetho ethiwa mi mu mataelo sibi tha swaneela kupiluka sibi kupiteela sikala. ¹⁴ Kakuli twa limuka ngao mulao wa moya,kono ome niwa nyama.Ina ulithiwa mu utanga ku sibi. ¹⁵ Kaluli eyi nitenda koni iyubithitha thiwana kao.Kakuli eyi nithaela kutenda,koniitenda kao,kono ei ni na nthimbi yonyiko nitenda. ¹⁶ Kono apa nitenda einikana kuthaela naendelela na mulao kumonisa omulao ngao uwa. ¹⁷ Kono oni kome kao oyu nisitenda,kono esibi isi sipila okwange. ¹⁸ Kakuli nalimuka ngao okwange,omu munyama nthange,komu pila inu iwa kao. Kakuli etakatho tho kuwapa thekala okwange,kono koni twetha kuitenda kao. ¹⁹ Ouwa owu ni thaela ka onyiko ni tenda kao,kono ounyangunyu owu nikana kuthaela,onyiko ni tenda. ²⁰ Cwale apa ni tenda einu nikana kuthaela kutenda,cwale kome niitenda kao, kono esibi esii thiyoya okwange. ²¹ Cwale na wana ou mulao;apa nithaela kutenda iwa,o unyangunyu wekala nange. ²² Kakuli na wapeela mu mulao wa Mulimu na unu wange wo mukachi. ²³ Kono na mona mulao wao mu ilama yange.Ya lwitha o mulao upya ou uli mumongo wange.Wanishimba kupiluka mutanga wa mulao wa sibi ou uli muilama yange. ²⁴ Ni mulume wa kunyanda; Oyu tamba ku ni lukulula molu lutu lo kufa? ²⁵ Kono kukutumela kwa Mulimu mulithina ly Jesu Kelesite o Mulena wetu; mukwikala ngeyo ome na emwa na buluka mulao wa muñabupilo na ongo wange.Shiwanga ngeyo,mu nyama na buluka o mulao no sibi.