¹ Motuamba ike eni? Tuekethe mu sibi ili ngeya ngao sishemo sibule? ² Kokunatendaala ngeyo.Otwe tunafu musibi,motutwetha kupilelamo ngepi kame? ³ Komulimuka ngeya ngao angi aana kolobethiwa kwa Jesu mwana kolobethiwa mulifu lyae? ⁴ Mono tubumbekiwa mwetho nako,naye mukukolobethiwa mu lifu.Eyi monoitendaala ili ngeya ngao wetiini Kelesite apa naingukithiwa kwaa no kufa mu litwa lya Tate,mukwikala ngeyo natwe nangu tuende mu upwa wo upilo. ⁵ Kakuli apo ngeya ngao tunapiluka naukuwana naye mu kukufeka kwo lifu lyae, motukuwana kame na mu kuinguka kwaye. ⁶ Twa limuka ethi,ngao o munu wetu no kale mwana kokoteliwa naye ili ngeya ngao olutu lo sibi nangu lusinyiwe. Eyi mono itendaala ili ngeya ngao kotu napakiwa mu utanga wa sibi. ⁷ Oyu onafu aambiwa ngao wa kuluka mu kwamana na sibi. ⁸ Kono haiba ndi tunafu na Kelesite,twa itana ngao motu pila pamweya naye. ⁹ Twalimuka okumone Kelesite ona ingukithiwa kwa afu,katwethe kufa kame kao,lifu kalikwite maata opaye kame kao. ¹⁰ Mu kutha mulifu ngao mwanafa mu sibi mwa nafa kamweya na ku maneena.Shiwango ngeyo,o upilo owuaa pila,a pilela Mulimu. ¹¹ Munthila tho ukufeka neetho na mwe mwaswaneela kukumona ngao munafu ku sibi,kono mwa pila ku Mulimu kwa Jesu Kelesite. ¹² Mukwikala ngeyo komuna tenekela sibi ku busa mu lutu lwenu lo kufa kuamba ngao mukuteke ama takatho aao. ¹³ Kamuna pa eilama yenu ku sibi ku piluka sa kukututhitha mu kukana kuluka.Kono mukupe ku Mulimu shinani awo ana tundithiwa mu lifu kualeta mu upilo,kame mupe eilama yenu kwa Mulimu kupiluka yaikuthitha mu kuluka. ¹⁴ Kamunaitanitha sibi ku mi busa.Kakuli komuli mushi no mulao kao,kono mushi tho sishemo. ¹⁵ Ngepi eni apa? Twarwetha kutenda sibi kakuli kotuli mushi tho mulao kao, kono mushi tho sishemo? kokuneekala ngeyo. ¹⁶ Komulimuka ngao apa mukupa ngao mwa atanga,mwa atanga koyu mu kuteka mwatwetha kupiluka atanga kwa sibi wthi thitwala ku lifu kamba atanga ku kukuteka eyo itwala ku kuluka. ¹⁷ Kono twa kutumela kwa Mulimu! kakuli muno muikala atanga kwa sibi,kono muna kuteke mu muchima o mutendelo wo kuluka owu no mupiwa. ¹⁸ Muna lukululiwa ku sibi,mane muna pakiwa atanga mu kuluka. ¹⁹ Naamba wendi munu mu libaka lyo kufokola kwo nyama thenu.Kakuli apa mupa e nyama thenu kupiluka atangaa nombula kuluka na kana kukwata mulao,ei ileta kulyangana,munthila tho ukufeka,pano mupe enyama thenu kupiluka mutanga mu kuluka kuamba ngeya ngao mukenithiwe. ²⁰ Kakuli apa no muikala atanga no sibi, mono mu lukuluha mu kuluka. ²¹ Petho nako luyanu mwiku ei nomukwata o inu ei mutendela lishamwa? Kakuli eyo inu yaleta lifu. ²² Kono pano kakuli muna lukululiwa ku sibi,mi mutapakiwa atanga ku Mulimu mukwite eiyannu yenu yo kukenithiwa.Mu ileta upilo wo mbula kupwa. ²³ Kakuli muputho wo sibi lifu,kono mpo tha Mulimu upilo wo mbula kupwa mu Jesu Kelesite o Mulena Wetu.