¹ Wendi apa tupakiwa o ku luka mu tumelo, tu kwite kotho na Mulimu mu ku pita mwa Mulena Jesu Kelesite. ² Ku pita omwaye tu kwite kolo mu tumelo na mu thishemo omu tunemana, kame twa ku lumbaetha mu sepo no kanya tha Mulimu. ³ Ka apa ambu kao, kono kame twa ku lumbaetha mu manyando etu. Twa limuka ngao manyando a leta ku tiithetha. ⁴ Ku tiithetha kwa leta ku thepahala, kame ku thepahala, kwa leta thepo, ⁵ mi thepo kotha leta maswabi baken'itha lilato lya Mulimu lina mwa eliwa mu muchima thetu ku pita mu Mepo e thikenu, oyu no piwa okwetu. ⁶ Kakuli apa no twikala twa ifokoli, mu nako tho ku luka Kilesite ofela a nombula u mulimu. ⁷ Kakuli njeko oyu no ku fela munu wa ku luka, kono mwendi kwali oyu no kwetheka ku fela munu muwa-muwa. ⁸ Mulimu mona tumonitha o ku tu wapela kwaye munthila ethi, kakuli apa no twikala a eza libi, Kilesite otu fela. ⁹ Ku pitela po, ngao, tu na pakiwa a ko luka, baken'isa sa unyinga waye, mwa tu yo yitha ku tunditha ku ukalu wa Mulimu. ¹⁰ Haiba ndi, otuli ila, no tu uthiwa kwa Mulimu ku pitela mu lifu lya mwana ye ku piteela po, mu manyima no kutu utha, mo tu yoyithiwa wa moyo waye. ¹¹ Kethi ambu kao, kono twa wapela kwa Mulimu ku pita mwa Jesu Kilesite, o mwaye tu na a mweele ku uthiwa. ¹² Shiwa ngeyo, pa munu mweya e thibi no thingena pa kaye, mu nthile thi kufa ku nei ku pitela mu thibi. Kame lifu lina yamba anu oshe, baken'itha thibi. ¹³ Nje kale o mulao, ethibi mo no sikala pano pasjhi, kono njeko oyu no piwa ku ku alabela baken'itha mulao no u shemwa kwi kalako. ¹⁴ Shiwa ngeyo, lifu mo no libutha ku tunda kwa Adama ku leta kwa Mushe, mane na pao na kana ku tenda e thibi endini kulwa ku yuba kwa Adama, oyu no ikala wa kumo e nako oyu mbo wiya. ¹⁵ Kono e mpo ko thi kufeka na ufosi. Haiba ndi mu ufosi wa munu omweya angi naafa, no ku kungelela ngepi sishemo tho mulimu na mpo tho sishemo tho yu mulume omweya, Jesu Kilesite, ku eketheela oshe! ¹⁶ Kakuli e mpo kuthi kufeka ni itunda mu thibi tha mulume omweya kau. E katulo mo no thi kon'eela o ufosi na ku leta nyatho, kono e mpo mo no thi kon'eela a mafosisa mangi a ku leta ku luka. ¹⁷ Kakuli haiba ndi, foso tho munu omweya, e lifu no libusa baken' isa ye, mo kwi kala ngepi na mpo tha ku kena ku butha mu moyo kupita mo omweya, Jesu Kilesite. ¹⁸ Shina ngao, endi foso thi mweya no thi twala ku nyatho tha anu oshe, ngeyo mu thitenda thi mweya no ku kena no kwiya ku luka na moyo wa anu oshe. ¹⁹ Baken'itha ku kana ku yuba kwa munu mweya angi na tendiwa a etha libi, mungeyo kupita mu kuyuba kwa omweya anu oshe mwa pakiwa ku kena. ²⁰ O mulao no uwiya ku eketha o ufosi. Kono anu no ku ekethehela thibi, sishemo no thi eketheela kupiteela. ²¹ Ethi mono thi tendeala ngao, wendi, e thibi apa no thi busa mu lifu, ngeyo e sishemo nga thibuthe kupitela mu ku kena kwa moyo wa nako thoshe kupita mwa Jesu Kilesite o Mulena wetu.