¹ Motu amba ike ngao Abrahama, iwaa ka iwetu munyama,kuwana? ² Kakuli Abrahama nga mwana pakiwa wa ku luka,nga no wana libaka lya kuku kuumusa,kono ka potho tha Mulimu kao. ³ Omañolo amba ngepi? ''Abrahama mwana etana kwa Mulimu,mwana baliwa ngao wa kuluka.'' ⁴ Kwoyo munu u sebetha otifo thaye kithibaliwa ngao thaku piwa kao,kono sikoloti. ⁵ Kono kwoyo oshimwa kuthebetha na ku lumela ambu kwoyo kenisa a nombula kuluka,otumelo thae mothi baliwa ambu ngao waku luka. ⁶ Davida mwa naamba ofuyawethi kwa munu oyu Mulimu nabala ngao wa kuluka kwa nambula muthebethi. ⁷ Noamba, ''Fuyawethi tha wo akupaka kushi no mithebethi thoo ethi thina swaleliwa,kame uyi woo una fekiwa. ⁸ Fuyawethi tha munu oyo Mulimu kamba mu waine uyi kao.'' ⁹ Okokonyiko ku fuyawethiwa kuambiwa noanu no kutha ku mukande,kamba na a nombula ku tha ku mukande? Kakuli twaamba, ''Tumelo neli tha baliwa kwa Abrahama ngao wa kuluka.'' ¹⁰ Mono thi baliwa ngepi okwaye? Neli njekale athe kamba apa na katunda ku mukande?neeli ka yo katunda ko kao,kono yo shiulwa na ku tha! ¹¹ Abrahama mwana amuhela sisupo sa mukande wetini liswayo la kuluka etho na amuhela na tumelo yo shikana kale na kutha ku mukande.Libaka ambu neli ngao amu alule iwa anaitana kono kashitha kale ku mukande kao,keo ngo nga baliwe ngao nao akuluka. ¹² Neli kame iwa anathi kumukande naa ana shimwa kutha kumukande kono aa enda munthila tumelo tha iwetu Abrahama ethi naikala natho yoshikana kale kutha ku mukande. ¹³ Kakuli osepiso kwa Abrahama na aaikulyae ngao mwa yola litunga ko kwa shikeya na mulao kono na kuluka kwa tumelo. ¹⁴ Kakuli nga litunga mono lipiwa na mulao,nga tumelo kothi kwite tutho kao,na sepitho nga no thimanithiwa. ¹⁵ Kakuli mulao waleta uungu,kono apa no kuulwa mulao nje ku twethahala kuyomboka mulao. ¹⁶ Mwelyo libaka nelitumelo ngao tumelo thipiwe mu sishemo nga thitwethe kuwaniwa kwa ikulu oshe aendela na mulao kao,kono na kwao oshe amonisa etumelo tha Abrahama. Yonyiko mushemi wetu toshe. ¹⁷ Ina omu kunañoleliwa, ''Ina kukete owe ngao opiluke iwa no anu oshe. Abrahama mwana ikala potho thaye oyo na thepa,ngao, Mulimu.Oyu po moyo kwa afu na ku ithana unu shamba tanga yaikala ko nakuwiya ku monaala. ¹⁸ Musepo oye mwanaitanina omunombula sepo,ngao apiluke iwa anu angi,kutho mu na ambeliwela, ''Na aikulyoe monyiko mwatamba kuikaela.'' ¹⁹ Kukana ku fokola mutumelo,mwana kuyuba ngao olutu lwae lunafu. Kakuli eilimo yaye neli ya shenyena ku mwaanda na uuma wa Sara. ²⁰ Kono mulibaka no sepiso tha Mulimu,Abrahama nashimwa ku kakanya eyi na kana ku itan.mulibaka lya ngeyo no tiiswa mutumelo na ku kulumba Mulimu. ²¹ Mwana yubisiwa enene ngao ethi ana sepisa Mulimu,atwetha kui taleletha. ²² Apo bene eyokame ''Keo mwana taleliiwa kwaa nokuluka.'' ²³ Kono mañolo. ''Ana ñoleliwela oye'' nayi mwa ku ñoleliwela oye yofoti. ²⁴ Mono iñoleliwela natwe,monoibaleliwela natwe aa naitana munthuwo tha Mulena Jesu kutunda kwa afu. ²⁵ Oyu yonyiko no piwa okwetu ngao atu lukulule kame mwana letiwa pano pashi ngao tutwethe ku kenithiwa.