¹ Uwa mwike ou nawana a Majuda? Kame tuso no mukande zipi? ² Thinene yonene mu mikaelo.Pa kutateka, a Majuda mwa napiwa amayi na pana kwa Mulimu. ³ Mokuikala ngepi haiba ama Juda nje kusepahala? Kana okukana kusepahala koo mp ku fosisa okusepahala kwa Mulimu? ⁴ Ko kunekala ngeyo. Kono,muteneke Mulimu aikale wa niti, shuwa ngao munu yo munu yoshe aongango. Weti eni omu ku nañoleliwele, ''Ngao mo monahala ku luka mu mapulelo oye, make ngao ngombo monahale ku koma apo mbo atuliwa.'' ⁵ Endi ngao oku kana kuluka kuleta kwa monitha okuluka kwa Mulimu, motu amba ngepi? Motu amba ngao ngao Mulimu ka wa kuluka kao apa leta owuhungu Okwetu? ( Nakutusisa Likañi lya unu.) ⁶ Kombo ku nekala ngeyo! Kumona kune kala ngeo keo Mulimu mwa atula ngepi elitunga? ⁷ Kono haiba eniti za Mulimu mu mbuthi zange za kulisa ekanyazae, inu mwike apo ni atuliwa weti no muezalibi? ⁸ Ike okukana kwamba ngao,weti omu ambela ngea ngao twanu twa ka kufosahala,kame amweya aongweza ngea ngao, ''Tutende uyi ngao ouwa ukeye''? Oku nyaziwa koo ku naluka. ⁹ Ike eni? Twa kutundithako ndi? Ka ngeo kao, Kakuli tu namana kunyaza ama Juda nama Gerike,oshe , pa kuikala mu sibi. ¹⁰ Apa monyiyo ku nañoliwele .''Njeko wa kuluka,shiwanga omweya njeko. ¹¹ Njeko shiwanga omweya oyu yubisisa. Njeko shiwanga omweya oyuthaela Mulimu. ¹² Oshe na mupilukela. Oshe ana piluka ambula tuso. Njeko shuwanga omweya oyu tenda iwa-iwa,njeko,shiwanga omweya.'' ¹³ ''Emilyuu zoo lilende lyakufekeliwa. A malimi pp anahongo. Ou huungu no mayoka wekela mu milomo zoo.'' ¹⁴ ''Eyambo ipana mu kanwa koo ina umbu ku kutaana na unyangunyu.'' ¹⁵ ''Ama kondo oo anyangupela ku mwaa unyinga. ¹⁶ Kusinya na manyando yekala mu manzila oo. ¹⁷ Aa anu nje kulimuka emikaelo no kozo.'' ¹⁸ ''Ka kwite umowa kwa Mulimu mu meho oo kao.'' ¹⁹ Ngeno twa limuka ngao esi wamba omulao soshe , sa ambiwa kwao aali mushi no mulao. Sa ikala ngeyo ngao omulomo woshe ukumume,kame elitunga lyoshe likualabele kwa Mulimu. ²⁰ Yekala ngeo kakuli njeko munu mbo pakiwa wa kuluka bakeñisa misebezi no mulao poso za Mulimu. Kakuli mu mulao kwa keya zibo za sibi. ²¹ Kono kwanda mulao oku luka kwa Mulimu kuna monahala. Moku na piwa upaki wa kupanena ku mulao na sipulofita, ²² Kuamba ngao, okuluka kwa Mulimu mu tumelo kwa Jesu Kresite kwa alumeli oshe,kakuli njeko shutano. ²³ Kakuli anu oshe natenda sibi keo ana taelele kukanya za mulimu, ²⁴ Kame ana pakiwa kuluka kwa mahala mu sishemo no puluso kupanena kwa Kresite Jesu. ²⁵ Kakuli Mulimu mwa napa Kresite Jesu kufela anu ngao apiluke sitabelo soyu kwata tumelo mu unyinga waye. Mwa napa Kresite ku monisa upaki mu kuluka kwae, bakeñisa okukana ku topeela esibi no matangezo, ²⁶ mu kukuteka kwae. Eyi yoshe mono ikala ku monisa okuluka mwa zino nako. Amoniwe ngeya ngao wa ku luka, na kumona ngao munu oyu kwite tumelo kwa Jesu Mulimu amupaka ku luka. ²⁷ Cwale heni oku kulumba kwe kala kupi? Kunapu. Mu mulao upi? Mu misebezi? Batili,kono mu mulao no tumelo. ²⁸ Twa manena ngeya ngao munu apakiwa wa kuluka ba keñisa tumelo isiñi ngao mu misebezi no mulao. ²⁹ Kapa Mulimu wa ma Juda amu? ka Mulimu na wa malicaba kao? ee, na wa malicaba. ³⁰ Haiba,shemwa, Mulimu omweya, mwa paka mukande ngao wa kuluka na tumelo, na ku no mbula mukande mu tumelo. ³¹ Cwale kanti twa takula o mulao bakeñisa tumelo? Koku nekala ngeo! Kono, tu kuteke o mulao.