¹ Eliñeloi no mutanu keo lishika etolombita lyatho.Moinamono litungwethi linangu ku wilu kungwela mu litunga.Elitungwethi mono lipiwa e kiyii no likwina nomafeleletho. ² Keo likwaulula esikwalo no likwina,keo omuse utunda mulikwinano mulilo ukulu.Keo omuse upilula la oliiwa na mepo lififi. ³ Kutunda mumuse keo ambimba awiya mulitunga,kame mwanapiwa omaata wetini yoowe. ⁴ Mwanaambeliwa ngao kana thinya omuonyi nopa Litunga,kapa yoshe oichalanano, kono aanu ambu aao nakana kukwata eliswayo lya Mulimu pamitwithoo. ⁵ Neli koyapiwa sibaka ngao ipaye aanu. Kono kwapa koto na kwanyanditha mumakwethi mutanu.Ouhali wayo monoufeka wendi wa yoowe. ⁶ Mweetho nako aanu mwa saela elifu kono nje kuliwana,mba saela takatho thikulu thakufa kno elifu nalyo mo lilupuka. ⁷ Embimba monothimonahala endi a mbi akutha ku ndwa. Pa mitwi thoambi mono paikala mishukwe tha gauda,mumapala oo ambii mono kumonahala wendi mwaikala ipoolo yaanu. ⁸ Mono ikwata wuki wendi wuki tha akathi,omayeo wendi mayeo ande. ⁹ Pambando thasa mono ikwata teebe thakuesa wendi sikuwo,Omulumo waso wendi milumo thama koloyi na a mbii a kutha kundwa. ¹⁰ Neeli ya kwata misila tha kulepa wendi soowe, neli yakwata maata akuholofatha kuholofatha anu muma kwethi mutanu. ¹¹ Neli akwata mulena wakwaa enditha eliñeloi nopeulu no likwwina no pashi.Elithina musi Hebelu neli Abaddon,mu si Gerike elithina neli Apollyon. ¹² Omufilifili no pili unapu.Mumone! Mumanyima weyii kushili mifilifili mbiili thiwiya. ¹³ Eliñeloi no mutanu nakameya keo lishika etolombita lyatho,keo niyuba elii lyakutunda ku lubona likulu lili poso tha Mulimu, ¹⁴ lyambela eliñeloi nomutanu na kamweya lye likwite etolombita, ''Olukulule oma ñeloi mutanu na kamweya ana mangeliwa pa liambai likulu lya Euphrates.'' ¹⁵ Omañeloi mane analukisethwa pa thiya nako,liya liiwa thiya kwethi,nasiya silimo nakulukuliwa ngao akaipae anu angi. ¹⁶ Epalo nomalichimende pa mongo no mbii nrli 200,000,000.Neniyuba epalo thoo. ¹⁷ Omu monyiko nonimoena embii mupono thange naa nathithina; eikuwo yamubala wa liwilu na (blue) na mubala a ñundu (yellow), emitwi no ambii thakufeke na mitwi tha ndee,mu milomo thoo keo kupana mulilo,muse na silufula. ¹⁸ Ekalulo thimweya no anu monothi ipaiwa kuu uhali no mulilo,muse na likungu noli ingena mukanwa koo. ¹⁹ Kabakeñitha ngao omata no ambii oo neli aikala mumilomo thoo namu misila-emisila monothifeka wendi mitwi thamayoka ethi akutusisanga kuuma anu. ²⁰ Oungi no anu,anakana kuipaiwa kwa makothi naemwa kubakela emisebethi nomakaa oo naku lapela oma dimona na milimu tho no lundungo no kuumba paitondo,gaida,mawe mane naikuwo ichili ngeyo mane eiikana kumona,kuyuba na kweenda. ²¹ Nabakela eibi yoo no ukebenga mapipo uhule unganga mane naumbuyi.