¹ Apa ngunyana na lamuna oliswayo lyo mutaanu na twiili,muwilu mono mu mwena kuluu lichika lya ola. ² Keo noni mona mañeloi mutaanu na meeli anemana poso tha Mulimu anapiwa matolombita mutaanu nameeli. ³ Likwalyo liñeloi noli wiya,lina kwateele ngauda tha isense mukanyungu, linemana kukatala na isense mungi keo ngao, litwale pa katala kueketha ku matapelo no aanu oshe akenu a Mulimu, ''no katala ko ngaunda no isense akakali poso tho lubona. ⁴ Omwise wo insense -na matapelo no aanu akenu a Mulimu-watuka kutha poso tha Mulimu kutunda mulikaa no liñeloi. ⁵ Keo oliñeloi no lishimba okanyungu no insense,kukaumbisa na mulilo wa kutunda pa katala. Keo likayumbela pashi no kaye, keo kuiwiya myeso tha mvula, mishishsa,mai na thikinyeo tha kaye. ⁶ Keo omañeloi mutaanu na meeli na kwateela omatolombita mutaanu na meeli, keo akutukisetha kwa ashiya. ⁷ Oliñeloi olitangi nolishiya otolombita tha lyo,kame no kwikala liyeele na mulilo unaku waneke na unyinga. Mono uyumbeliwela pashi no kaye mono kwinva lichika kame no kwiinva lichika lyo itondo,na lichika lya mwoonyi no winva woshe. Keo liya likaa lyoshe nilinva. ⁸ Oliñeloi no wiili nolishiya otolombita thalyo,na sinu sa kukufeka na lilundu linene nolinva ku mulilo na kuyumbeliwela muliwate.Olichika noliwate monolipiluka unyinga. ⁹ Olichika lyo ibupiwa iyoya mu liwate monoifa, na lichika lyo isepe noisinyiwa. ¹⁰ Oliñeloi lyo waatu monolishika otolombita thalyo,nali tungwethi likulu mono lingwa kuwilu,kumunyeka shina tachi,palichika lyo tullongana twa mbaiana to meyu. ¹¹ Olithina lyo litungwethi neli kunyuwa. Olichika lyo meyu mono lipuka kunyuwa kame aanu angi mwanafa ku meyu aya na piluka kulula. ¹² Oliñeloi lyo une mono shiya otolombita thalyo,keo oliiwa,noli tumbekiwa lichika,kame na lichika lyo matungwethi keo muwatu wayo noipiluka milema;kame olichika lyo mushinonga na lichika lyo usiku yoshe noikala mu milema. ¹³ Keo mononitopeela,na kuyuba ongonga yo tuka muwilu okuweela onene, ''Umai,umai,umai kwao ayoya mukaye,akwite umai mulibaka lyo matolombita anasiyalele kushiiwa na mañeloi maatu.''