¹ Keo nimona liñeloi ni mata lyolitundelela kuwilu.Mono lifekiliwa mulinui kame mono likwata namba mutalaiti peulu no mutwi, Osifateo salyo wendi liiwa namaulu alyo kame wendi liangalilo lya mulilo. ² Mono likwatela buka thakutata etho nothi feluliwela mulikaa lalyo mana lyata eliulu lyae no silyo muli wate naliulu lyae no simowe pali kamba no liwate. ³ Keo likuwelela na lii elikulu wendi ndee yo bopa. ⁴ Apa emishika no mitanu na twiili nobuma moino nikala pepi nakuñola,keo ni yuba elii kutundela kuwilu lya kwamba ngao, ''Osaye etho mishika nomutanu na mbiili ethiamba,konaiñola.'' ⁵ Keo eliñeloi nonimona lyo linaimana kuli wate mane lyolyi naimeke nalikaa no silyo kuwilu. ⁶ Keo okutama kwaye kuya kuile,oyu no umba eli wilu na inu yoshe eipila kuwilu neyo yoshe iyoya kuwilu,pakaye neyo yoshe iyoyapo,mane na liwate neiyoshe iyoya po, keo eliñeloi lyamba ngao, ''Kokuswanela kulieiwa kao. ⁷ Kono mwelyo liiwa eliñeloi no mutanu na twiili lolili pepi nakushika etolombita,keo esitangu sa Mulimu mbositendaala,wendi apo nambaula omai mawa kwapika aae ama polofita.'' ⁸ Elii noniyuba kutundeela kuwilu lyoliambaula kwange kame, ''Othe okaimbe ebuka etho thili mulikaa no liñeloi elyo linemana muliwate napa likamba.'' ⁹ Keo nitha kuliñeloi nakukaliambela ngao linipe ebuka thinyonyo no kukutata.Keo liniambela ngao oimbe ebuka othilye. Mothi kukolisa mulibumo,kono mothi tobala mukanwa koe endi uki.'' ¹⁰ Keo nishimba ebuka thinyonyo mumakaa no liñeloi nakuthi tafuna.Mono thiyubaala kutobala mukana kange, kono mumanyima nokuthu tafuna keo mulibumo lyange mukola.'' ¹¹ Keo munumweya oniambela ngao, ''Waswanela ku polofita kame eino no anu amatunga emishobo mane na malena.''