¹ No nipiwa litaka lyo kukututhisa kupima wendi muala. Keo ani ambela ngao oimone opime e tempele tha Mulimu na katala kaye, aa mba lapelelamo. ² Kono kona pima e lilapa liipathe no tempele, kakuli thina piwa kwa Malicaba. Omunthi wo kukena no mbaulyatingela pa makwethi akukwana makumi mane na mpili. ³ Moni pa apaki ange aili maata no ku polofita mumaiwa oku apa 1260, oku kumanga liina lyo saka." ⁴ Aa apaki yonyiko eyitondo yoyiili ya olive na pa pokupa malambi meeli anaima potho tha Mulena no litunga. ⁵ Endi kwali wa ku kengeela kwa tenda wuyi, mulilo mboutunda mukanwa koo na kutumbe a kwaithimbo yoo. Yoshe oyukengeela kwatenda uyi alukanela kuipaiwa munthila thongeya. ⁶ Apaki akwite maata no kukwala liwilu ngao kokuna loka mvula enako tho maiwa a ku polofita. A kwite maata a ku alula meyu ngao a piluke unyinga na kufula pashi na mufuta wupi no koto poshe apasahelela. ⁷ Ana mana o kupa owu paki, e thianthama eyimboitundeela kushi tho likwina nokunon'a mbothiletela e ndwa tho kualwisa. Mbo a kama na kuaipaa. ⁸ O malutu o mombalala mu likululu lyo mulenen'i oukulu (owuwi malena sosdoma na Engepita) oko na kokotela o Mulimu woo. ⁹ Pa maiwa maatu na licika a mweya kwanu, lulimi, mushobo, litunga mbo litopeela pa malutu oo. Komba itanisa ku apaka mu mbumbo. ¹⁰ Ayoya pano pakaye mba wapela na kutabela. O mba kupanga na miputho baken'isa a mapolofita omeeli ana nyandisa ao no ku yoya pano pa kaye. ¹¹ Mu manyima o maiwa maatu na licika o moyo no upilo kutunda kwa Mulimu mouengena, keo mwaimana na maulu oo. Mbaiyapa enene a mbaamona. ¹² Keo mba yuba mulumo ukulu kutundela kuwilu kuambela ngao, "Muwiye kuno!" Keo mbatha kuwilu mulibui, eila yoo shamba ya topeela. ¹³ Petho nako mo mbo kuikala lya mundandamo, thimweya kweyi yo likumi siemba tho mulenen'i mbo thiumbuluka. Miandanda tho mutaanu na mbili tho anu mbaipaiwa kulya mundandamo, amba panduka mbaiyapa na kulumbangetha kwa mulimu wo kuwilu. ¹⁴ Oumai wo wili noupwa kale. Omone! Oumai wo uatu wa wiya wangu-wangu. ¹⁵ Keo e lin'eloi lyo mutaanu na maiwa meeli no lishika e tolombita, no ku yubaala mai makulu kuwilu, na amba ngao, "O mubutho wo pano pa kaye una piluka mubutho wo kuwilu wa Mulimu na Kelesite waye: Momba butha kutwalela potho." ¹⁶ Keo akulu makumi meeli na mane, atomana muipula no ulena potho tha Mulimu, angisa a mapala oo naku lapela Mulimu. ¹⁷ Mwa na amba ngao, "Twa kutumela okoye, Mulena Mulimu no Maata, owe oliko, no ikalako, kakuli ona shimbi a maata oye na kubutha. ¹⁸ A macaba nalwana, kono owulwani woo una kumu. Enako thina kumu kumu tho afu no kuatuliwa kame ethoye tho kupa o muputho kwa apika oye a mapolofita na anu a mulimu oku kena, nao naiyapa elithina lyoye, ombula utokwa no akulu. E nako thothina kumu tho sinya a petha-petha akaye." ¹⁹ Keo e tempele tha Mulimu no thi shokoliwa ku wilu na aleka tho uonyi waye no nthi moniwa mutempele. No kuikala myetho, mavuma, mvula, mishisha, na lyamundandamo, na namvula wa mbewewe.