¹ Nokumoniwa sisupo sikulu kuwelu: tho mukathi noku mangaliwa, na kwethi mushi no mahulu na kuwani no matongwethi likumi nameeli pa mutwi waye. ² Neli mulemu, kame mwa lila, kukuwela pa nako no kueleka no yuba kukola, yo nene pa kueleka. ³ No kumonitha sisupo sikwata kame ku wilu: Omone! No kuikala Drakoni mukulu mukiu oyu no kwata mitwi mutaanu na ili na manaka likumi, No ikwata mishukwe mutaanu na mbili pa mitwi. ⁴ O muthila waye no fiyela kalulo tho matungwethi no kuwilu na kungwela nao pano pa kaye. Drakoni mwanaimana potho no mukathi no tateela okueleka, nga apa eleka, amine mwanaye. ⁵ No eleka mulume mwana mulume, oyu mboenditha e litunga lyoshe na mulamu wo sikuwo. Mwanaye no shombothiwa. ⁶ Keo mukathi oiyapela mu liyungu, oku na lukitheliwa kwa Mulimu, nga akaikale weliko mu maiwa okukwana 1,260. ⁷ Keo no kuikala ndwa kuwilu. Mikaele na mangeloi aye alwitha drakoni, na drakoni na man'eloi aye nao keo alwisa. ⁸ Kono drakoni noshemwa kutiya nga awine. Keo no kushemwa kuwaniwa kame sibaka saye ku wilu na man'eloi. ⁹ O drakoni o mukulu-liya liyoka no kale lisaniwa diabulosi kapa Satani, oyu onga e litunga lyoshe-no yumbeliwa pa kaye, na man'eloi aye nao na yumbeliwa pamweya naye. ¹⁰ Keo ni yuba lii likulu muwilu: "Pano puluso thina kumu na maata na mubuso wetu no Mulimu, na maata a Kelesite, o mwangethi wa apetu ona yumbeliwa pakaye, oyu no angethanga kwa Mulimu wetu mushinonga na usiku. ¹¹ Na mukoma naunyinga no ngu na mai oupaki, nashemwa ku wapela upilo wo mane shiwango ku lifu. ¹² Keo muwapele, mwa mawilu na mwe muna tungumo! Mukwite umai omwe munatungumo mukaye na mawate, kakuli diabulosi ona shelumukele okwenu! Ona ungupa kame a limuka ngao akwata nako thinyonyo! ¹³ Apa drakoni na tosa ngao ona yumbeliwa pakaye, no chitha mukathi oyu no eleka mwana no mulume. ¹⁴ Kono mukathi nopiwa mambabameeli a ngonga mukulu nga atukise athe mu sibaka ana mulukisethe mu liyungu. E tho sonyiko e thibaka atwesa kubabaleliwa, pa manako na lichika no nako-kutunda poso no liyoka. ¹⁵ Eli yoka keo limwaa meyu mukanwa kalyo weti lyambai ngao litende muutha ukulu no ku mukukisa. ¹⁶ Kono kayo noka tusa omukathi. Akaye no kaama mukanwa na kumina e lyambai eli drakoni na mwaela kupanitha mukanwa kaye. ¹⁷ Keo drakoni no ungupela o mukathi naku tha kuka lwisa ana thiala ami kowa thaye, ana kuteka e milao tha Mulimu na kukwata ku upaki wa Jesu. ¹⁸ Keo drakoni oimana pa lishekela lyo munanga wo liwate.