¹ Keo nimona thianthama no thitunda mu liwate. Mono thi kwata manaka likumi na mitwi mutaanu na mbiili. Ku manaka atho mono kuikala mishukwe likumi, kame ku mutwi na mutwi watho mono ku n'oliwa lithina lya kanyiso. ² Esi thianthama no ni mona sa kufeka wetini nthoo. O maulu atho akufeka wetini maulu a beele, o kanwa katho wetini kanwa ka nde. Drakoni mwana thipa maata atho, na sipula tha ulena, na maata maneene no ku busa. ³ Mutwi umweya no etho thianthama mono ukwata sikenya tha silonda, kono etho thilonda mono thipala. E litunga lyoshe mono likomoka apa na kon'eela thianthama. ⁴ Mwana lapela Drakoni, kakuli mwanapa thianthama maata. Mwana lapela thianthama, kame na kuamba, "Ani o kufeka na thianthama?" kame "Ani otwetha kuthilwitha?" ⁵ Etho thianthama mono thipiwa mulomo wa ku ambitha mayi akuku kuumutha na kanyatho. Mono thipiwa maata aku etenda musebethi mu makwethi makumi mane na makwethi meeli. ⁶ Keo ethianthama no thi fekula ku kanwa na kuamba ya ka nyatho kwa Mulimu-kunyasa lithina lyaye, na tabanakale, a ayoya ku wilu. ⁷ Ethianthama mono thipiwa kulwitha aana Mulimu na kua koma. Kame, maata napiwa okwatho pa mishobothoshe, anu, lulimi, na litunga. ⁸ Oshe a yoya mu kaye mwa thilapela, oshe anakanaku n'oliwa mu Buka no upilo, tha Ngunyana no ipayiwa ko ku matatekelo akaye. ⁹ Oyu kwite litwi, ayube. ¹⁰ Kumona munu ona twaliwa mu uthike, mu uthike mo mbatha. Kumona omweya ona yipayiwa na lionga, e lionga mbo li mwipaa. Thino pitho kwa no michima tho ku tatekela naku ku ongweetha kwa ana Mulimu no kukena. ¹¹ Keo ni mona thianthama thikwatho no thitunda pano pa kaye. sakwata manaka meeli shinani angu, kame no thiamba wetini Drakoni. ¹² Nosiku tuthitha oshe maata akusebetha wetini thianthama thitangi tho thina topeela. Ka me no thi letela kano kaye na ayoya mo oshe kulapela thianthama ethitangi-thiya nothi pala sikenya sasilonda. ¹³ Monothi tenda ma makatho makulu. Monothi tenda mulilo ku ungwithetha pa kaye kutunda kuwilu anu ana topeele. ¹⁴ Mweyo yitupo mono thipiwa maata muthibaka no thianthama, mono thionga awo na yoya pa kale, kua ambela ngao a umbe siswaniso tha thianthama-etho nothi olofala kwa lionga, kono no thiyoya. ¹⁵ Mono thipiwa sibaka no kupa moyo ku siswaniso no thianthama keo ngao etho siswaniso thi twethe kuamba na kuletela awo akana ku lapela thiantham ngao ayipaiwe. ¹⁶ Mono thi apiliketha anu oshe, na nombula utokwa na no kutiya, afumu na abotana, alukuyi na apika, ku amuhela o nombolo pa likaa lyo thilyo kamba pa lupala. ¹⁷ Nokushemwa ku twethala ngao munu aule kapa kuulisa keti oyu kwite etho nombolo tho thianthama, otho nombolo, tha emaena elithina lyatho. ¹⁸ Eti thi tokwala utali. Oyu no utali, awaneke e nombolo no thianthama. Kakuli nombolo tha munu. E nombolo thatho 666.