¹ Mono ni topeela keo ni mona ngu oneemana pa lilundu lya Sione. Naa naikala naye akukuma pa 144,000 aa na kwata lithina lyaye na lithina lya Yaye lina n'oliwa pa lupala. ² Mono ni yubalii lya kutundeela kuwilu lyaku kufeka shinani mulomo wa meyu mangi na mishisha ukulu. Owo mulumo no ni yuba wa kufeka shinani ma alepa apa shikiwa kwa ashikanga. ³ Mwa neemba liimbo lipya potho lubona na potho no ibupiwa ine yo ku yoya na akulu. Njeko oyu no kutwetha ku ku yeetha e liimbo kendia 144,000 aa na uliwa pa kaye. ⁴ Aa onyiko ana kana ku ku thilafatha na akathi kakuli mwana kukenitha ku kenitha ku uhule. Onyiko a kon'eela ngu koshe kwatha. Aa mwana liululiwa mukachi ka anu no mutamuno wo yuyano wa Mulimu na ngu. ⁵ Kakwite maluthi mukanwa koo kao; Njeko apa nyathaala. ⁶ Mono ni mona lin'eloi lyolituka pakachi ko mbyumbyaulu eli no likwata evangeli no ku apwa ku thiambbela aali mukano kaye-kuli litunga lyoshe mishobo na lulimi, na anu. ⁷ Mwana kuwa kuithana, "Muiyape Mulimu na ku mulumbangetha. Kakuli enako thaye tho kuatula thina kumu. Mumu lapele, oyu no umba e liwilu, na kaye, na liwate, na meyu aku sika." ⁸ Lin'eloi likwalyo-lin'eloi lyo wiili- no likon'eela, na kuamba, "Onangu, onangu o Babilona mukulu, oyu na susuethe litunga ku nwa ku waine no uhule." ⁹ Lin'eloi li kwalyo-lin'eloi lyo waatu-no lia kon'eela, no liamba na ku kuweela, Haibandi munu a lapela thianthama na siswaniso thatho naku amweela a nombolo thatho pa lupala kamba pa likaha, ¹⁰ naye kame mwa nwa kuungu wa Mulimu, o waine nombula kupesuliwa mu komoki thaye no ku lwana. Munu oyu mbo tamba kunwa ko mwa yubi siwa ku imva mu mulilo no silufula potho tha man'eloi a Mulimu na Ngunyana. ¹¹ O muthe no manyando oo moutha muwilu kutwaleela, kame kamba wana nako tha ku ku oyokitha kao usiku kamba mushinonga- ano ku lapela thianthama na siswaniso thatho, nao oshe ana amuhele nombolo no lithina lyatho. ¹² Ethi thonyiko pitho mbo kumonahalela kutisetha kwa alumeli na tumelo thoo kwa Jesu." ¹³ Noni yuba lii kutunda kuwilu lyo liamba, "On'ole eyi: Fuyawethi tha afu anafele kwa Mulena." "Eee," no thiamba Mepo, "keo ngawa aka ku oyokithe ku misebethi thoo, e misebethi thoombo thia kon'eela." ¹⁴ Noni topeela, kame mono kuikala libui likenu. Oyu no tomana pa libui wetini mwana munu. Ona kumanga mushukwe wa gauda na chekesi mulikaa. ¹⁵ Keo lin'eloi likwalyo no litunda mu tempele na kukuweela na lii likulu kwoyu no tomana pa libui: Oshimbe chekesi thoye otateke ku kutula. E nako tho kukutula thina kumu, kakuli e nako tho kutulo okaye thina kumu." ¹⁶ Keo oyo no toomanapo libui oyumbela chekesi thaye pa kaye, na kaye no no ka kutuliwa. ¹⁷ E lin'eloi likwalyo no litunda mutempele no kuwilu, nalyo mono likwata chekesi thiungu. ¹⁸ Lin'eloi likwalyo no litunda ku aletale tho insense, elyo no likwata maata a mulilo. Mono lithina na kukuweela kwoyo no kwata cheksesi thiunga, "Oshimbe chekesi thoye no kutwa na kuwanatheka omakayawela oyi chalo no veine no pakaye, kakuli makayawela anemvu." ¹⁹ Lin'eloi no liyumbela e chekesi pa kaye na kukutula amakayawela opa kaye. Keo o thiyumbela mu thiupa tha veine, no uungu wa Mulimu. ²⁰ E thiupa no thika pwaculiwela pathe no munthi, keo mupana unyinga wo kukumapa ule wa munu nathini pa mbii wo mumunthi, pa mwendo wa kukuma pa 1600