¹ Keo ni mona thithupo muwilu, thi kulu ku komokitha: Neli man'eloi mutaanu nameeli ana kwateele makothi mutaanu nameli, eili makothi no mamaneeno, a payo po pa ma maneeno no ungu wa Mulimu. ² Ni mona ethi nothi monaala wendi liwate lya thiponi lina wanekiwa na mulilo. Ane mana kunyonga no liwate ao na wina e thianthama na thi siswaniso natho na pa nombolo e ithimaena elinthina lyatho. Ana kwateele maharepa aa na apa Mulimu. ³ Mone imba e limbo lya Mushe, o mupika wa Mulimu, na liimbo lya Ngu: "Ikulu ku komokitha eitenda yoye, Mulena Mulimu, wo Maata oshe. A kuluka na uniti a manthila oye, Mulena no matunga. ⁴ Oyu kana ku kwiyapa ana, Mulena, na ku kenitha elithina lyoye? Owe ofochi o Mukenu. Matunga oshe mwa wiya na ku lapeela okoye kakuli emithebethi thoye tho kuluka thoye tho ku luka thina monithiwa." ⁵ Munyima tho inu ni topeela, na tempele thi kwite e tabanekele tho upaki no thi shokoliwa muwilu. ⁶ Panthe no tempele ku wiya man'eloi mutaanu na meli ana kwateele makothi mutaanu na meeli. Ana ku manga maina mawa na kwetha na makanda a gauda pa miili tho. ⁷ Thi mweya peyo e ibupiwa ine yo ku yoya thi pa a man'eloi mutaanu na meeli tuula mutaanu na twwili twa gauda twa kuumba oungu wa Mulimu, oyu no ku yoya e nako thoshe. ⁸ O tempele thi nombu tha muthe ku tunda ku ku kena kwa Mulimu na ku maata aye. Njeko no kwi ngena mo kupiteela a makothi mutaanu na meeli kutunda ku man'eloi mutaanu na meeli inapu.