¹ Ni yuba lii la ku kuweela kutunda mu tempele na kwambela a man'eloi mutaanu na meeli, "Muthe mu ka mwaele pa kaye o tuula mutaanu na twiili no ungu wa Mulimu." ² E lin'eloi lyo matatekelo litha ku ka mwaela a kaula kalyo pa kaye; ilonda ya kwipa na ku kola iwiya pa anu a nakwite e thithupo tho thianthama, ao na lapela e siswaniso. ³ E lin'eloi lyo wiili li ka mwaela a kaula kalyo mu liwate. Keo a piluka unyinga, wendi unyinga wa munu wa kufa, keo yoshe no ikala mu liwate ifa. ⁴ E lin'eloi lyo waatu lika mwaelaa kaula kalyo mu maambai na mathina no kuwelauka a meyu, keo apiluka unyinga. ⁵ Ni yuba e lin'eloi lyo meyu amba, "Omukwa kuluka-oyu liko kame oyu no ikalako, o Mukenu-kakuli o naatula ei inu. ⁶ Kakuli mona mwaa o unyinnga wa unu a Mulimu no ku kena na apolofita ona apu ounyinga ngao anwe; thonyiko thi naathwanele." ⁷ Na yuba a katala ka tambula, "Eni, Mulena Mulimu wo Maata, a makatulo oye a thikuma na ku luka." ⁸ E lin'eloi lyo une lika mwaela a kaula kalyo pa liiwa, na ku piwa sibaka sa ku tatuba anu na mulilo. ⁹ Mona ku kututhiwa na kwimva kukulu, keo a nyefula e lithina lya Mulimu, oyu kwete a maata pa pa kothi thoshe. Na shemwa ku baka kapa ku mupa kanya. ¹⁰ Keo e lin'eloi lyo mutaanu lika mwaela a kaula kalyo pa lubona wa thianthama, keo e milema this bungeela o mubuso watho. A tafunaa malimioo baken'itha ku kola. ¹¹ Anyefula Mulimu wo ku wilu baken'itha ku kola koo na ilonda, kame a kana ku bakela eitenda yoo. ¹² E lin'eloi lyo mutaanu na limweya lika mwaela a kaula kalyo mu lyambai likulu, o Ifulata. A meyu alyo keo aukutakulukithetha enthila a malena no litunga ku tunda ku muthila liwa. ¹³ Ni mona mepo thinyangunyu thiaatu no ku monaala endi imbotwe thi tunad mu kanwa ko Drakoni, na mu thianthama, na mu mupolofita no uhata. ¹⁴ Kakuli mepo tha madimona a monitha a mapipimo na imango. Mo no ithela a Malena no litunga lyoshe kwa ungekela e ndwa tho liiwa e likul lya Mulimu no Maata. ¹⁵ ("Mone! Na wiya endi mbuyi! Wafuyawethi oyu twalela ku libeela, na ku buluka ei kumango yaye ngao kana enda sheshe keo ngao kanamona o uswaniwa waye.") ¹⁶ Na kwa leta pa mweya mu thibaka thi thaniwa Amagidoni mu Thiheberu. ¹⁷ Keo e lin'eloi lyo mutaanu na wili li mwaela akaula kalyo mu mepo. Keo ili lya ku kuweela litunda mu tempele na ku kutunda mu lubona, ngao, "Kuna tendaala!" ¹⁸ Ku wiya mamonyi a kweetha, mai, ku yatauka kwa mishisha, na thikinyeo thi kulu-thikinyeo tha ku piteela oshe kutunda apa no kuwiya munu pano pashi, neli thi kulu thikinyeo. ¹⁹ O mulenen'i o ukulu uku tapa mu ibaka yaatu, na milenen'i tho matunga thi ngwa. Keo Mulimu o ithana ku kungelitha Babilona mukulu, na kupa uya mulenen'i e komoki tho kumba e waine thina tendiwa ku ungi waye. ²⁰ E yoli yoshe itendaala, na malundu na shemwa ku waniwa. ²¹ A mawe no mvula makulu, mu ulemu wa talenta, a tuluka kutunda mu mbyumbylu ku ngwela anu. A nyefula Mulimu baken'isa kothi na mawe no mvula kakuli e kothi neli thikulu enene.