¹ "Ku ling'eloi no keleke the Sardis o n'ole: 'Omaii oyu no kwata o mepo mutaanu na thi iili tha Mulimu nama tungwethi mutaanu na meeli. "Nalimuka eyu no tenda. Wakwata lithina ngao wa yoya, kono kandi onafu. ² Otone na kutitheza neii ninathiyalele shuwango itamba kufaa, kakuli ina wana ngao oitende yoye kaya shipetaala mumeo a Mulimu kao. ³ Okengele, eyi no amuhela na ku yuba. Oimamele, na kubaka. Kono ndi nje nakutona, moni wiya shinani mbuyi, kame oshemwa kulimuka na hola mbo ni wiya okoye. ⁴ Kono mukwite mathina manyonyo mu Sardis akwite ito nombula matopeka, kame mwa enda nange, ona kumanga muito ikenu, kakuli aswanela. ⁵ Oyu mbo kona mwa shimbiwa muito ikenu, kame mbo ni shemwa kutunditha e lithina lyaye mubuka tho upilo, kame moni kuitaena e lithina lyaye potho tha iwange, na potho no man'eloi aye. ⁶ Oyu kwite o litwi, ayube etho Mepo thi ambela makeleke."' ⁷ "Ku lin'eloi oku keleke no mu Philadelphia n'ole: 'Omai oyu no kukena na niti- ona kwata makii a Davida, ashokola kame njeko oyutwetha kushoka, kame ashoka njeko oyutwetha kushokola. ⁸ '"Nalimuka eitenda yoye. O topele, eina paka poso thoye thikwalo tho ku shokoliwaneso njeko oyu tweth kuthi shoka. Nalimuka ngao wakwata maata manyonyo, kono ona mamele olii lyange kame koshikana o lithina lyange kao. ⁹ O topele! Moniletela ngao awaniwa ku ma Sinagoge a Satani, akwithana ngao Majuda kono aa mbuthi - Mboni aithana nakwa fungwamitha ku makondo oye, kame mwa limuka ngao na ku wapela. ¹⁰ Kakuli ona buluka o mulao wange pa nako no utata, keo name moni ku buluka mu nako no miliko, thiwiya kulika ao ali mukaye. ¹¹ Na wiya wangu. Okwatithe eyo kwite ngao kokuna waniwa wa kukuyangela o mushukwe woye. ¹² Oyu mbo koma moni mutenda musumo wa tempele tha Mulimu. Kame mboshemwa kutundamo, kame mo ni mun'ola lithina lya Mulimu, elithina no tolopo tha Mulimu wange (Jerusalema mupya, oyu tunda kuwilu kwa Mulimu wange), na lithina lyange lipya. ¹³ Oyu kwite matwi ayube eyo Mepo thi amba ku makeleke.'" ¹⁴ "Ku lin'eloi lyo ku keleke tha Laodicea no'le: 'O mai a Amen, opaki no ku sepahala na niti, oyu busa yoshe yo pupo tha Mulimu. ¹⁵ "Nalimuka eitenda yoye kame ngao ko inva kao kapa kuombola kao. Na kutakaletha ngao oombole kapa oinve. ¹⁶ Keo, kakuli wa enyaana-ko inva kapa ku ombola kao- Nitamba kuku shanja mukanwa kange. ¹⁷ Kakuli waamba ngao, 'No fumu, Nenikwata ufumu ungi, kame njeko eyo niuulwa.' Kandi ko limuka ngao omai kao, ona nyanda, o mubobatana, o mukwa kufa meewo, kame waikala sheshe. ¹⁸ O teethethe ku keletho thange: O hule okwange gauda no kukunitha mu mulilo ngao ofume, naito ikenu ngao okwange ngao okuye nithiwa koshe thoye ko kuna monahala, kame oule na mutondo wa meo ngao omone. ¹⁹ Ome na kalimela na kupa milandu ao oshe ni wapela. Keo otwaleko o ngana kame o bake. ²⁰ Omone, inemana pathalo na ngongota. Haiba kwali oyu yuba elii kyange na kushokola othelo, moni ingena munthiwo thaye na kulya naye, kame naye name. ²¹ Oyu mbo koma moni mupa swanelo no kutomana ku lubona lwange, shina omu ina ku komela ome na kutomana ku lubona lwa Tate. ²² Oyu kwite matwi , atethethe etho Mepo thi thiamba ku makeleke.'""