¹ Ku liñeloi lyo Keleke thiili mu Ephesus oñole; ''Amai oyu ona kwatele amatungwethi mutanu na meeli mulikaa lyae no silyo kame oyu enda enda mukaci no apa mokupaka malambi mutanu na meeli no gauda. ² Nalimuka eitenda yoye,kutiya koye mutenda,kame akapinda nokwa teneka wangu,kame ngao kotwesa kupepanga naa no unyangunyu,kono ona liki aa akwisana apositola kono ka onyiko,kono awana ngao amaluthi. ³ Ona kwatele na pindamena kaye lithina lyange,kame kowa shikwanga kao. ⁴ Kono na kulwisa elibaka kakuli ana teneke elilato lyoye no malangetha. ⁵ Oanuke omu nangu.Obake na kutenda ei no tendanga weli. Ndi kobaka,Muniwiya okoye na kutundisa a mikalo no lampi musibaka satho. ⁶ Kono wa kwata ei; wa thimba eitenda no Nicolaitans, eina thimbi name. ⁷ Muteneka oyu no matwi,ayube esi mepo thi amba kuma Keleke.Koyu koma monipa etukelo tho kulya kusitondio no upilo,esii mu Paradisi tha Mulimu.'' ⁸ Ku liñeloi lya Keleke tha Smyrna oñole; Amai oyu no matangetha na mamaneno,oyu no nofa na kuyoya kame; ⁹ ''Nalimuka oku nyanda koye nanjebwe,kono ona fumu. Nalimuka na kapopo kaa kutoya ngao Majuda,kono ka onyiko a Sinagoge tha Satani. ¹⁰ Kona iyapa eitamba kupitamo.Omone diyabulothi atamba kunake amweya enu mutolongo ngao mulikiwe,kame momunyanda maiwa likumi. Osepahale kutwala ku lifu, kame munikupa mushukwe wa upilo. ¹¹ Muteneke oyu kwite matwi, ayube esi mepo thiamba kumakeleke. Oyu koma oshimwa kwi paiwa mu lifu no wiili.'' ¹² Ku liñeloi lyo Keleke tha Pergamum oñole; Omai oyu kwite mukwale wo kutwa noku noku; ¹³ Inalimuka oku wekala,oko kwekala olubona lwa Satani. Kono ana ongotha ku lithina lyange. Inalimuka ngao noshimwa kukana etumelo thoye okwange, shiwango mumaiwa, Antipas opaki ange,oyu no kusepaala;oyo noipaiwa mukaci kenu,oko kwekala Satani. ¹⁴ Kono ni kwite inu inyonyo nikulwisetha; Mwakwata amweya ana kwatela kututo tha Balaam,oyu no luta Balak kuyumbela kuthikela kwana Isilaele ngao alye eilya ana paele maswaso kame atende uhule. ¹⁵ Muku kufeka mukwite aa ana kwatele etuto tha Nicolitans. ¹⁶ Obake,ndikobaka,moniwiya wangu okoye, na ku tateka ita ya kwa lwisa na mikwale wo mukanwa kange. ¹⁷ Muteneke oyu kwite matwi, ayube esi mepo thi amba kuma Keleke kwa akoma,mbo monipa liiwe likenu na lithina li[pya linañoliwa pa liie,lithina eli njeko omweya atesa kulilimuka keti oyu analitambula.'' ¹⁸ Ku liñeloi lya keleke tha Thyatria oñole; Aa mai Omwana Mulimu, no meoshina malimi amulilo na maulushina bronthi thi nakenisiwa; Nalimuka eitende yoye; elilato lyoye natumelo na tuso na kapinda nokukwatela koye. Ina limuka esi natende pano ngao ya pita ei no tenda weli. ¹⁹ Nalimuka eitende yoye; elilato lyoye natumelo na tuso na kapinda nokukwatela koye. Ina limuka esi natende pano ngao ya ei notenda weli. ²⁰ Kono ni kwite esi ni kulwisetha. Onaleteke oyu mukathi Jezebele,oyu kwisana mupolofita wa mukathi.O matuto aye aonga apika ange ku tenda uhule na kulya ku ilya nokuku shubele maswanisa. ²¹ Inamupu nako tha kubaka kono kasaela kubakela ouhule waye. ²² Omone! muni munakela mumu mbeta noku kolela naa atenda ehule naye mu kunyanda enene,kenti abake kuitenda yoo. ²³ Moni likula anaye na kwepaa,kame ama keleke oshe mwa limuka ngao ome ni limuka eminahano na micima. Monipa munu na munu kutha mu itenda yaye. ²⁴ Kono kuungi wa Thyatria,ku oshe akana kukwata ethi tulo kame nje kulimuka ike amweya aisana einu no kunoña tha Satani-okoye namba,koni paka mushimbo kame opoye. ²⁵ Shiwango ngryo wa swanela ku kwatisa enene kupitela ni wiya. ²⁶ Oyu mbo koma na ku buluka eitenda yange kupitela amamaneno. Okwae mbo ni pa maata pa matungi. ²⁷ Mbo abusa na mulamu wasikuwo, shina lima lya tuula mwa cholo mutumithi mithi; ²⁸ shina amu inatambwele kwa Tate,name kame mbo ni mupa litungwethi lyo masiku siku. ²⁹ Muteneke oyu kwite matwi,atethethe esi mepo tha amba ku makeleke.''