¹ Keo ni mona e liwilu lipya na litunga lipya, kakuli e liwilu lyo kale na litunga lyo kale lina piti kame na liwate njeko. ² Keo ni mona o mulenen'i upya, Jerusalema o mupya, ou no uwiya ku shelumuka kupana ku wilu kwa Mulimu, ana ulukisa wendi mwalanjo yo wiya kwa mukwamunthi waye. ³ Keo ni yuba lii likulu kutundeela ku lubona lyamba ngao, "Mumone! O munthi wa Mulimu unei kwa anu, kame eya kwikala noo. Awiya ku piluka anu aye, na Mulimu yon'ene awiya kwi kala noo kame eya ku piluka Mulimu woo. ⁴ Mwa wiya ku kumuna e miothi thoshe ku meo oo, kame ku shemwa kuwiya kwikala lifu, kap pilaelo, kapa kulila, kapa ku yuba kukola. Eyi yo kale yoshe ina piti. ⁵ Oyu no ikala pa thipula keo amba ngao, "Mumone! Na tenda yoshe upya." Keo wa amba, "On'ole yoshe kakuli amai aku sepahala kame a niti." ⁶ Keo ni ambela ngao, "Ei inu ina tendala! Ome no Alpha kame no Omega, matatekelo kame na mamaneno. Oyu yoshe ofe liwila mo ni mupa ya kunwa yo mbulo kuula kutunda ku liwelu-welu lyo meyu no upilo. ⁷ Oyu yoshe okoma mwa yola einu yoshe, kame moni piluka Mulimu waye, kame mwa piluka mwanange. ⁸ Kono kwa no lyowa, ano mbula tumelo, na no upilo unyangunyu, na no kwipaa anu, na maule, na alothi, na lapela e milimu ao na ko kwonga, mwa waniwa mu thibaka tho liyonga yonga lyo mulilo. Eli lyo lifu lyo wili. ⁹ Omweya ku man'eloi o mutaanu na meeli owiyo kwange, oyu no kwata o tuula to mutanu natwiili ei no kumba no milandu, keo o amba ngao, "Owiye kuno, niiye ni ku monithe o mwalanjo, mbiyama wo Ngunyana." ¹⁰ Keo onishimba kutwala kwako mu Mepo ku lilundu linene kame lile na kuka nimonitha o mulenen'i wa Jerusalema wo u wiya pashi ku tunda ku wilu kwa Mulimu. ¹¹ Jerusalema wa kanyatha Mulimu, wa kweetha shinani liwe lya kwetha-etha, wendi liwe lya Kristale-Jasipe mukenu. ¹² Mo wa kwata lya kutiya, limati lile na yelo likumi na yiili, na man'eloi likumi na meeli pa yelo. Apo pa yelo mo pa n'oliwa mathina likumi na meeli o mishobo likumi na mbili tho ana a Isilaele. ¹³ Ku muthila liwa kwe kala yelo yaatu, ku mbwela kwe kala yelo yaatu kame ku mwika liwa kwe kala yelo yatu. ¹⁴ E limati lyo mulenen'i lya kwata mifunda likumi na mbili, apa pana n'oliwa mathina likumi na meli no ma apositola a Ngunyana. ¹⁵ Oyu no ambaula nange mwa na kwata mulamu wa kupimiwa tho ku pangiwa pa gauda no ku pima o mulenen'i, e yelo yao, na limota lyao. ¹⁶ O mulenen'i wa ku umbiwa mu ku ku yelela, muule wao wa ku ku yelela na muwipi. Mona pima o mulenen'i na mulamu wateni, ma thauzande likumi na meli mitazi muule. ¹⁷ Kame keo opima e limota lya teni, 144c cubitisi ku yelela mu ku pima no anu(eyi ku yelela na ku pima ko man'eloi). ¹⁸ E limota lya kumbiwa na mawe a jasipe no mulenen'i wa golide, kweetha wendi gilasi. ¹⁹ O mu funda no limota mono umbiwa na mishobo thingi tho mawe. E litangi neli lya jasipe, elyo wili neli sapphire elyo waatu neli agate, lyo une neli emeraudi, ²⁰ lyo utaanu neli onikisi, lyo mutaanu na kamweya neli cameliani, lyo mutaanu na twili neli Krisolite, lyo mutaanu na twatu neli beril lyo mutaanu na tune neli topathi, lyo likumi neli krisofare, lyo likumi na kamweya neli jacinth na likumi na wili neli amethysti. ²¹ Eyelo likumi na yili neli ya ma pealusi; selo na selo mono i umbiwa na pealusi thi mweya. E mikwakwa tho mulenen'i tha kumbia na golide, tho kufeka na gilasi tha ku mona na ku shambwaliya. ²² No ni shemwa ku mona mo tempele mu mulenen'i, kakuli oye Mulena Mulimu na Ngunyana thonyitho tempele. ²³ Ou mulenen'i no ushemwa ku kwata liwa kapa kwethi ngao ipe litwa kakuli e kanya tha Mulimu yo nyiko i monitha, kame e lambi thateni yo nyiyo Ngunyana. ²⁴ A matunga oshe mwa enda mu liseli lya uya mulenen'i. A malena no litunga mwa leta e kanya tho o mubene. ²⁵ Eyelo ya ten'i njena ku ishoka o mushinonga woshe, kame njeko usiku muya. ²⁶ Mo mba leta e kanya na likute lyo litunga muya, ²⁷ kono njeko ya manthilo eyi mboingena muya, kap wa kutenda unyangunyu kapa ku onga, mo mbo mwingena mbu aya ana n'oliwa mu Buka tho Moyo tha Ngunyana.