¹ Keo ni mona lin'eloi li shelumuka ku pana kuwilu. Oyu no kwata a makii no ku wina wo mbulo kuula kame mona kwata liwenge linene mu makaa aye. ² Keo kwata Drakoni, e liyoka lyo kale, o diabulosi, kapa Satani, na ku mu manga pa myaka myanda likumi. ³ Na ku mu yumbela mu wina no mbula kuula. Na ku shoka ko na ku kiya ko. eyo ko ku mukwalela ngao kana onga kame e litunga kupita apa mbo ipwa ilimo myanda likumi, kutundapo, peti mba lukululiwa pa nako thi nyonyo. ⁴ Keo ni mona mabona. Panatomana aya napiwa a maata no ku autla. Kame keo ni mona e myoya thaya na mbatuliwa e mitwi apa upaki wa Jesu na lii lya Mulimu. Ana kana ku lapela ethianthama kapa sipolo thaye, kame ana kana ku amwela e liswayo pa lupala loo kapa pa likaa. Keo ayoya kame mona butha na Kelesite pa ilimo myanda likumi. ⁵ Aangi a nafa na shemwa ku yoya kendi apa ipwa ilimo myanda likumi. Oku kunyiko kwinguka ko utangi. ⁶ Wa fuyawethi na kukena yoshe oyu waniwa mu kwinguka ko utangi. Paa elifu lyo wiili njena ku kwatapo maata. Mwa pilulka mapulisita a Mulimu na Kelesite kame mwa beleka naye pa ilimo myanda likumi. ⁷ Apo ipwa e ilimo myanda likumi, Satani mwa tundithiwa mu tolongo thae. ⁸ Mwatha na ku onga anu oshe mu litunga mu ma kona mane oshe o litunga-Gog na Magog- kwaleta pa mweya kwaiya kulwa. Anu angiangi ku thinga ku kuyelela na mushekeela no liwate. ⁹ A tha peulu na ku nthinguluka e litunga na paya nekala anu a Mulimu no kukena-omunthi no ku wapeliwa. Keo mulilo upana kuwilu na ku atumbeka. ¹⁰ Diabulosi, oyu no a onga, keo amu yumbela mu lithiya lyo mulilo no sifungelo thianthama na mapolofita no kwonga na yumbeliwa. Mo mba kalomo na kwinva uthiku na mushinonga kutwlela. ¹¹ Keo ni mona thipula thinene kame thikenu kame oyo no tomanapo. A kaye, na liwilu neliituka kutunda apo ali, kono njeko e thibaka nokuitukela. ¹² Mono ni mona aya nafa, aya no maata na ya no mbula ku baliwa, oshe anemana pa lupala lwaye, na mabuka a kwaluliwa. Kame e buka e thikwatho thi kwaluliwa, e Buka no moyo. A nafa keo a atuliwa ku endela nei no i n'oliwa mu mabuka, ku kon;ela eitenda yo. ¹³ E liwate keo lithipula ana felamo. Lifu na mbumbo nalyo kame apa a nafa ane kalamo, kame a nafa mona atuliwa kukuyelela na itenda yo. ¹⁴ Lifu na mbumbo yoshe mo no iyumbeliwa mulithiya lya mulilo. Elii lyo lifu lyo wili e lithiya no mulilo. ¹⁵ Ku mona lithina lya munu lina kana ku waniwa lina n'oliwa mu buka no moyo, mona yumbeliwa mu lithiya no mulilo.