¹ Eyo apa noipwa no ni mona e liñeloi lyo lishuluka ku wilu. Mono likwata maata manene,mane na kaye koshe mono kaesa na kanya thaye. ² Mono likuwela na lii no maata,kwamba ngao, ''O nangu,onagu O Babilona no maata! Mwana pilukanga munthi no mepo no mbula kukena,mane na tolongo no ungi yo mathilo. ³ Kakuli oungi no litunga linanu ku waine no uungu no uule waye. A malena no kano kaye ana tende ouule naye. Mane a no mileko muno mukaye ana fumu ku unene no unyangunyu uo upilo waye.'' ⁴ Keo niyuba kame lii likwalyo kutundeela ku wilu na kwaamba ngao, ''Mutunde okwaye,omwe mwanu ange,ngao ko muna kwata siambo na ibi yaye, kame ngao komuna tambula ku unyangunyu no kothi thaye. ⁵ Ebi yaye inongana kulepa ku kakuma na ku wilu,mane na Mulimu ona anuka e miikaelo thaye no sibi. ⁶ Mu mutende ngeyo wetini omu na tendela a kwaye,kame mu mwike twiili kutha mwitenda yaye;mu munwise twiili mu sinwelo saye. ⁷ Bakeñisa oku nuneka kwaye na ku wapela o kupila siwana kwaye,mu mupe o kunyanda na ku lila;kakuli mumuchima waye o kwambisa ngao, ina tomana weti no Mulena; ka no mu kathafela kao kame kombo ni mono lifu kao. ⁸ Kakuli ngeyo mu liiwa limweya e kothi thaye mbo thiiya; lifu,ku lila,na nthala. Omba sinyiwa ku mulilo,kakuli Mulena Mulimu okwite maata,kame yonyiwo o mwatuli waye.'' ⁹ A malena no kano kaye a na tenda naye ouule na ku pitela e sibaka mba nashoshona na ku bokoola kuno amona o muse no kwinva kwaye. ¹⁰ Omba emana kule naye,kwiyapa a manyando,kwamba ngao, ''O mai,omai ku muleneñi o ukulu, Babilona,O muleneñi no maata! Kakuli mu ola thimweya e koto thoye thi thinakumu.'' ¹¹ Ano mileko no kaye a shoshona na ku lila kakuli njeko shima o mweya oyu ula ku mileko thoo- ¹² Emileko no gaida,no silivera,a mae no utokwa,e yoyi a maina no line,na maina no shombo, na siluki,na maina a makiu,na itondo no ku nuka,neyo no manaka no andambi,na inu no itondo no ku nuka,na kopa,neyi no bulonthi,neyi no sikuwo,na mawe no mufuta no lime. ¹³ Nasinamoni,na minuko no ku nukisa,na sende na isense,na mira,na maathi,na waine,na oli,n unga no ku tendisa e singwa,na uloto, e ngombe na angu,na ambii,na sikochi kala na malutu no anu,mane nanu no ku yoya. ¹⁴ E yuyanu eyo no mu wapela na maata enu oshe ina tundu okwenu. O ku yoya kwenu siwana na uwa wenu woshe ina ku yongo,kame kombo iwaniwa kao. ¹⁵ A ulisi no ufumu a natwese ku fumisiwa okwaye omba kemana kule naye pa ka tambamena bakeñisa o umowa noku nyandisiwa kwaye,ku bokoola na ku lila ku kuwaela. ¹⁶ Mba amba ngao, ''Tawe, Tawe omuleneñi ounene owo no ukumanga eito no line ethiwa,na ito no shombo,na ito e ikiu, mane mwana kaba ku mikabo no gauda,na mawe no kuwapa, na yoyi! ¹⁷ Mu ola thimweya keo soshe eso sifumu sina umbuluka.'' ¹⁸ Nabokola apa na mona o muse no kunva kwaye. Nanmba ngao, ''Meleneñi upi ou ukufeka na muleneñi ounene?'' ¹⁹ Naku fufwaela munvu ku mitwi thoo,na ku kuweela,ku bokola na ku lila, ''Tawe, tawe o muleneñi oukulu omo oungi na kwata e isepe pepi na liwate,na ku fuma ku tundeela pa ufumu waye. Owo ufumu munako thimweya mbu keo una shandauka.'' ²⁰ Owe o liwili, o wapele. omwe no ku luka,mwa mapositola na mapolofita a Mulimu omwe muna lete e kalulo thenu okwaye!'' ²¹ E liñeloi no maata keo linanula e liiwe pa katambamena na ku liñata mu liwate na kwamba ngao, ''Mwou mikaelo,Babilona,O muleneñi oukulu,ombo umbuliwa na mu fili fili kame kombo umonaala kao kame. ²² O mulumo noku tundeela kwa no ku shika amaharepa,kwa imbi,kwa no ku shika apala na matolombita ko itamba ku yubaala okwenu kao,ko kunekala munu wa musebethi upi kamba upi oyu tamba ku waniwa okwenu. kokuna yubaala mu lumo wa kutwa mukachi kenu. ²³ E litwa no lampi kombo limonaala mukachi kenu kao. Elii noyo no kulama noyo no ku lamiwa kombo liyubaala okwenu kao, e mwilo thenu thonyiko e mikwae no kano kaye,mane na matunga mwana ongiwa ku ulothi wenu. ²⁴ Mushi thaye o unyinga no ma polofita na anu a Mulimu no kuluka no uaniwa,mane na unyinga no awo nepaiwa pano pa kaye.''