¹ Jesu apo naa shelumuka kutunda pa lilundu. ² Mumone oyu no mbingwa keo owiya okwaye na kukubama poso thae na kwaamba ngao,''Mulena endi wa wapela,wa twetha kuni kenitha.'' ³ Jesu keo oondolola elikaa lyae na ku mukwata,na kwamba ngeya ngao,''Nathaela.O Kene.'' Apobene keo okenithiwa ku mbimngwa thae. ⁴ Jesu keo omwambela ngao,''Omone ngao kona ambela munu,Okunthele,okaku monahalithe kuma pulisita na ukapa empo entho na laela Mushe,kupiluka upaki okwoo.'' ⁵ Apa nawiya mu Kapenauma,o mukulu no masole keo owiya okwaye,ku munyepa ⁶ na kwaamba ngao ''Mulena o mutanga wange ona shendama ku mwanda nje kunyanganya mane aikala mu utata ukulu. ⁷ Keo Jesu omwambela ngao, ''Moniwiya na kuka muyoitha.'' ⁸ O mukulu no masole keo oalaba ngao,''Mulena,koni swanela ngao kendi okeengene muntiwo thange kao.Oambe ambu lii keo omutanga wange mwa yoya. ⁹ Name no munu wa kwikala mu maata,mi nikwite masole mushi thange. Na ambela oyu ngao, 'Othe keo otha na kumukwae ngao,'Owiye mi owiya,na kumutanga wange ngao,'Otende ethi,mi athitenda.'' ¹⁰ Apo Jesu nayuba eyi keo okomoka na kuamba kwao na mukoñeela,ngao, ''Thikuma na amba okwenu,kanashiwana watumelo tha ngeya mu Isilaele kao. ¹¹ Na miambela,oungi wa anu mwa pana ku upa na ku wiko, mi mwa tongomana pa tafule na Abrahama,Isaka na Jakobo,mu mubuso no kuwilu. ¹² Kono ana no mubuso mwa yumbeliwa mulififi lyo kupanthe,oku kuli lililo na likwecha mayeo.'' ¹³ Keo Jesu oambela omukulu no masole,othe! omu onaitaene,mo kutendaala bene ngeyo okoye.'' Omutanga keo oyoithiwa bene petho nako. ¹⁴ Apo Jesu neengena munthio tha Pita,keo omona omukwenyani wa Pitolosi wo mukanthi ona shendama akola lithiki. ¹⁵ Keo Jesu okwata elikaha lyae,keo olithiki limuthiya.Keo oinguka na kutateka kumuthebeletha. ¹⁶ Omangolangola apa na awiya,anu keo aleta kwa Jesu snu angi anakwatiwa ku mandimona.Keo ochitha-chitha o mioya na lii lyae na kuyoyitha oshe ana kola. ¹⁷ Mwethi thila mono kutalelethiwa etho no thiambiwa ku mupolofita Isaya,ngao,''Oye shemwa no shimba omatuku etu na kukutweka omakulanu etu.'' ¹⁸ Apo Jesu naamona oungi wo anu ouna mupotoloha,keo olaela ngao athe muthibaka thikwatho tho liwate lya Galilea. ¹⁹ Keo omuñoli owiya okwaye na kumwambela ngao, ''Muluti,moni kukoñeela koshe okutha.'' ²⁰ Jesu keo omwaambela ngao, ''A mawawa akwite mithima,na iyunyi yo muwilu ikwite mashwa,kono omwana munu kakwite naapa no kuthamitha omutwi waye kao.'' ²¹ Omweya kwa alutiwa keo omwambela ngao, ''Mulena,oniitaene weli ni kabumbeke aka tate.'' ²² Kono Jesu keo omuambela ngao, ''Onikoñeele,oteneke anokufa abumbeke afu oo.'' ²³ Apo Jesu na ingena muthithepe,a alutiwa aye keo amukoñeela mo. ²⁴ Mumone,keo kuwiya liñungwa likulu pa liwate,mane o thithepe tha kwaheliwa ku mañasha.kono Jesu mwa nalala. ²⁵ Alutiwa keo awiya okwaye na kumwingukitha,ngao ''Otuyoyithe,Mulena;twaafa!'' ²⁶ Jesu keo oaambela ngao,''Ike apa muiyapa,omwe no tumelo thinyonyo?'' Keo oimana na ku kalimela e mepo na liwate keo kuikala kumwena kuluu. ²⁷ Anu na komoka na kwamba ngao,Oyu mulume wa ngepi,oyu tenda ngao e mepo na liwate ya mukuteka.'' ²⁸ Apo Jesu na kuma mushambwa liya mu litunga lyo Madarene,anu aili a na ingeniwa ku mandimona keo a kopana naye.mwana atundeela ku malende mi mwana kwata uhali,ngao njeko oyu no thipita etho nthila. ²⁹ Mumone,keo akuwa ngao,''Motutenda ike noye,owe mwana Mulimu? Mona wiyele kutunyanditha enako njekale thi kume?'' ³⁰ Mono kwiikala mulaka wa angulu owu no utafunena pepi noo. ³¹ A mandimona keo aeketha kulomba Jesu ngso, ''Haiba ndi watutunditha otutwale mumulaka no angulu.'' ³² Jesu keo wa mbela ngao, ''mututhe! kuangulu; keo mumone,o mulaka oshe uitukela kushi no lilundu kuka kuyumbela mu liwate na kukafela mu meyu. ³³ Ao na lithanga awo angulu keo aituka na kutha mu munthi ku kabiya yoshe thiulu eyi inatendaala kwa anu awo na ingeniwa ku mandimona. ³⁴ Mumone,o munthi,oshe keo uwiya kukuwana na Jesu.Apo na mumona,keo amunyepa ngao atunde muthibaka thoo.