¹ ''Kona atula,mi nawe oshemwa kuatuliwa. ² Mo etho katulo oatula nawe monyiko oatuleliwa,na muthetepiso ethi otepitha,mwa thiku tepithitha nawe. ³ Ike apa otopeela okaomyi kanyonyo aka kali mulithio lya mukoye,kono njekulemuha elishingwa eli lili mulithio lyoye? ⁴ Moamba ngepi kumukoye,'Tumome nikutundithe okaonyi aka kali mulithio lyoye,' apo ambu olishingwa kuno lili mulithio lyoye? ⁵ Omwe nouku pakameka! mutateke weli kutunditha ethishingwa mulithiwo lyenu,penji mutwethe kumona thiwana kutunditha okaonyi aka kali mulithio lya mukwenu. ⁶ Komunapa yo kukena kwambwa,kome kamunayumbela amapelela pa potho no angulu,enda apa ailyatangela na makondo,na kuku pilukela kuku yataula ipalapala. ⁷ ''Olombe,mi moipiwa okoye.Othaele,mi mo wana.Ongongote mi mwaku yathululela. ⁸ Oyu yoshe olomba,atambula,yoshe oyu othaela,awana,mi na kumunu oyu ongongota,mwa yanthululelwa. ⁹ Kamba ani okwenu,omwanaye omulume apa amulomba eithima,mwa mupa liwe? ¹⁰ Kamba apa alomba thii,mwa mupa liyoka? ¹¹ ''Mukwikala ngeyo,haiba ndi omwe mwa anyangunyu mwa limuka omu nopela einu iwa ku anenu,oiwenu no kuwilu mwapa ainu ingi iwa kwaa amulomba.'' ¹² Mukwikala ngeyo,ei yoshe ei othaela ngeya ngao anu akutendele,oiatendele nao,kakuli owu onyiko omulao na apolofita. ¹³ ''Muingene mukathelo no kathina-thine.Kakuli lithelo likulu na linthila elyo no kuyandumuka lya twala ku kufa,mane kwekala anu angi a aenda mo. ¹⁴ Kono e thelo tha kathina-thine na nthila ntha kukulupa entho nthi twala ku upilo,mane anyonyo aa anthiwana. ¹⁵ ''Mumamele a polofita no makuli,aa awiya okwenu mu ikubato yo ngu kono shemwa iwii yo kushombontha. ¹⁶ Mo mwaa limuka mu iwuyanu yoo.kwaali anu aa atwetha ku kayula veine ku thitondo tho mikakani kamba feiga ku mikona? ¹⁷ Mwentho nthila ntho ukufeka,thitondo na thitondo thoshe thiwa tha paka iwuyanu iwa,kono ethitondo tho kwipa tha paka iwuyanu ya kwiipa. ¹⁸ Thitondo thiwa nje kushema iwuyanu inyangunyu kamba thitondo thi nyangunyu kushema iwuyanu iwa. ¹⁹ Thitondo thoshe ethi thikana kushema iwuyanu iwa tha temwa na kuyumbelwa mu mulilo. ²⁰ Mukwikala ngeyo,mo mualimukela mu iwuyanu yoo. ²¹ Ka munu yoshe oyu onitoya ngao,'Mulena,Mulena;oyu otamba ku kengena mu mubuso wo kuwilu.Kono kendi awa atenda eyi athaela Tate oyu no kuwilu. ²² Anu angi maamba okwange mweelyo liiwa, 'Mulena,Mulena ,notushemwa kupolofita mulithina lyoye,mu lithina lyoye monon tunditha omandimona,mane mulithina lyoye no tutenda ikomokitha ingi-ingi. ²³ Keo pa meo no anu moni aambela ngao,'Kana mulimuka kao! mutunde okwange,omwe no kutenda einu yombula o mulao! ²⁴ ''Mukwikala ngeyo,yoshe oyu oyuba omai ange na kua koñeela mwa feka wendi munu oyu no utali oyu no umba enthuo nthae pa liwe. ²⁵ Omvula apa na aloka,o muuntha apa no uwiya,mane omepo nthi kulu apa nonthi wiya naku nthalya pa nthio,kono nonthi shemwa kungwa,kakuli mono nthiumbiwa pa liwe. ²⁶ Kono oyu yoshe oyuba omai ange naku kana kwa koñeela mwa feka wendi thianganu oyu no umba enthio nthae pa lishekeela. ²⁷ Omvula apa na loka,o muuntha apa nonthiwiya naku nthalya pentho nthio,keo nthingwa,mane okuthinyeha kwanto neeli kwa kumaneena.'' ²⁸ Mono kwikala ngeya ngao Jesu apa na mana okuamba aa mai oungi no anu mwana komoka a matuto aye. ²⁹ Kakuli mwana aluta wendini munu oyu okwite maata, kupita aañoli oo.