¹ "Mutokomele ngao ko mu na tenda e itendanu yenu yo ku kena pa meo no anu ngao amimone, ngeyo ko mu waya thilifo ku tunda kwa I wenu no kuwilu. ² Cwale apa mupa tha kupa, ko muna ku shikela tolombita wendi aa no ku ku kangabeka mu masinagoge na mu tukwakwa, ngao a lumbiwe kwa anu. Ya thikuma na mi ambela, ana tambula o muputho wa kuumba. ³ Kono apa mupa tho kupa, e likaa lyoye lyo ku thimowe ko lina limuka ethi litenda lyo ku silyo ⁴ ngao ethi mu napu thinu thi piwe mu ku oleka. Keo I wenu oyu mona yo ku olekiwa mwa mipa ethilifo. ⁵ Apa mu lapela, ko mu ne kala endi aya no ku ku tundula, kakuli mwa wapela kwimana na ku lapela mu masinagoge na mu tu kutwana no tukwakwa ngao omoniwe kwa anu. Thikuma na mi ambela, ana tambula a thilifo thoo. ⁶ Kono mwe, apa mu lapela, mu ingene mu kachi ko nthuwo. Mushoke ku thelo na ku lapela kwa I wenu, oyuli mu ku olama. Keo Iwenu o ku mona mu ku olama mwa mipa ethifo. ⁷ Apa mu lapela, ko muna ukaukela yo mbula tuso wendi ni amaendeni mwa tendela, kakuli a kengeela ngao mwa yubiwa baken'isa mai oo no kuvula. ⁸ Keo ko mu na kufeka noo, kakuli I wenu a limuka ethi muthaela kale njekale mu mulombe. ⁹ Keo mulapele ngeya: 'I wetu oli kuwilu, e lizthina lyenu li kutekiwe ngao lya kukena. ¹⁰ O mubutho wenu wiiye. O kuthaela kwenu ku tendiwe pano pashi wendi o mu ku tendeliwa kuwilu. ¹¹ O tupe pelo r ilya yetu yo liiwa na liiwa. ¹² O tu thwalele e milandu thetu, endini o mu tuna thwalele aa no milandu okwetu. ¹³ Kona tuleta mu yetheko, kono otu lukulule koyu munyangunyu.' ¹⁴ Kakuli kumona o thwalela anu o ufothi woo, I wenu wo kuwilu naye mwa mi thwalela. ¹⁵ Kono endi ko mwa thwalela o ufothi wo kao, I wenu wo kuwilu oshemwa ku mi thwalela o ufothi wenu. ¹⁶ "Apa mu ku yumena okulya na meyu, ko mu ne kala na lupala lwa ku kunyenga wendi o mwa tendela ao no ku kutundumula a pilula e ifateo yoo ngao a monahale kwanu ngao aku yumena yo kulya. Thikuma na mi ambela ngao, a na tambula e thilifo thoo tho ku kwana. ¹⁷ Kono omwe apa mu kuyumena yo kulya na meyu, mu ku wethe ku mutwi na ku kusha ku lupala ¹⁸ ngao ko ku na monahala kwa ao ngao mwa ku yumena yo kulya, kono kwa I wenu no ku mukunda; keo na I wenu wo ku mona eino ku kuolama mwa mipa athilifo. ¹⁹ "Ko mu na ku ungekela e thifumu pa no pashi, apo a mambimbi na shingwa ya thinya, omo a mbuyi mwa ingena na kwitha. ²⁰ Kono, mu ku ungekele e thifumu kuwilu, oko a mambimbi na shingwa nje ku thinya, na ambuyi nje kwingena na kwitha. ²¹ Kakuli oko kuli o ufumu woye, kokuli na mucima wayo. ²² E liyo zo lambi tho lutu. Keo ngao, iliyo lyoye lili thiwana, o lutu loshe lwa umba na liseli. ²³ Kono eliyo lyoye ko lili thiwana, o lutu loshe lwa umba milema. Cwale endi e litheli lili o mwenu kandi milema etho milema tha kuma papi! ²⁴ Njeko oyu na ku thebeletha mafumuya meeli, kakuli mwa zthimba o mweya na ku wapela o mukwaye, endi nje mwa ku paka ko moeya na ku nyatha o mukwaye. Ko mutwethe ku belekela Mulimu na ufumu. ²⁵ Keo na mi ambela, ko muna kuthimauka yo moyo wenu, ethi mulya kapa ethi munwa; kapa yo lutu lwenu, ei mu ku manga. Ngao moyo ka upita e thilya kao, na lutu kupita ikumango? ²⁶ Mutopele e iyunyi mu mbyumbyulu. Koya kuna kapa ku kutula kapa ku longa mu matuli, kono o I wenu no kuwilu wa ipa yo kulya. Omwe ka mwa thaeliwa enene ku ipita kao ndi? ²⁷ Opi a penu pa ku bilaela onene ku twetha ku eketha ka mweya mu twaatu ku nako thaye tho ku yoya? ²⁸ I ke apa mubila a mayanga no mu liyungu, o mu a kulela. Ka aathebetha kao, kaatunga ito kao. ²⁹ Ee na mi ambela ngao, shiwa Solomoni mulena waye no shemwa ku kumanga wendi a mayanga. ³⁰ Haiba Mulimu a bateka o muonyi no mu liyungu, owu no kwi kala pelo peuntha wa yumbeliwa mu mulilo, omwe mwa mi vateka ku kuma papi omwe no tumelo thi nyonyo? ³¹ Keo ko mu na bilaela na kwamba ngao, 'Mo tulya ike?' kapa 'Mo tunwa ike?' kapa 'Mo tu ku vata ikuvato mwike?' ³² Kakuli a malicaba a ithaela einu, na I wenu wo kuwilu a limuka ngao mwa ithaela. ³³ Kono mu thaele weli o mubuso waye na ku luka kwaye, keo yoshe einu mo mu ipiwa. ³⁴ Pa libakeli, ko muna bilaela ya peuntha, kakuli peuntha mwa bilaela eyaye. Liwa na liiwa li kwite o unyangunyu wa lyo.