¹ Jesu apa na mona e limbuta, keo o zthina pa lilundu. Omana ku tongomana, alutiwa aye a wiya okwaye. ² O shookola a kanwa kaye na kwa funditha, ngao, ³ "Akwite uyawezthi a botana mu moya, kakuli o mubutho wo ku wilu woo. ⁴ Akwite fuyawezthi ao alila, kakuli mwa ombaombiwa. ⁵ Akwite fuyawezthi a no kungwa o muchima, kakuli mwa yola akaye. ⁶ Akwite fuyawezthi a ku yuba nthala na liwila lyo ku kena, kakuli mwa umbithiwa. ⁷ Akwite fuyawezthi a no thishemo, kakuli nao mwa shemupiwa. ⁸ Akwite fuyawezthi a kenu mu mucima, kakuli mwa ka mona Mulimu. ⁹ Akwite fuyawezthi aa apanga o kuku yuba, kakuli mwethaniwa ana a Mulimu. ¹⁰ Akwite fuyawezthi ao a nyandithiwa pa libaka lya kukena, kakuli o mubuso wo ku wilu wo. ¹¹ "Mukwite fuyawezthi ku mona anu a mi shendaula na ku mi nyanditha na ku mi mangeela einu inyangunyu yoshe mu maluzthi mu libaka lyange. ¹² Muwapele na ku nyakalala kakuli o mupuztho wenu ukulu ku wilu. Kakuli mu nzila thi aanu na nyanditha a mapolofita ana ku tangetha o kuyoya okwenu. ¹³ "Omwe mwa mukele okaye. Kono o mukele ku mona unaamuka, mo ku twethala ku utha muutobi wao ngepi? Njeko kame tuso thao kondi ku uyumbela panthe a ka ulyatangele anu na makondo oo. ¹⁴ Omwe mwa liseli lya kaye. O mulenen'i una pakiwa pa lilundu nje ku olekiwa. ¹⁵ Njeko anu no ku tumbula e lambi na kuthi paka mushi tho thizuma, kono pa katondo katho, na ku munyekela oshe munthuwo. ¹⁶ Muteneke e liseli lyenu li munyekele anu nu nthila tha ku mona e itenda yenu eiiwa na ku lumbeka lwenu o yuli kuwilu. ¹⁷ "Ko muna kengela ngao mwe neyi ku umbula o mulao kapa a polofita. Ko na shi wiyela kwa ubula kao, kono kwa umbithetha. ¹⁸ Mu thikuma na mi ambela ngao kendi e liwilu na kaye ku pwa, njeko ka n'olo kapa mutwi wa zyambo mbo upwa kutunda mu mulao, kupitela einu yoshe ina kwa nene. ¹⁹ Mungeyo oyu yoshe mbo iola shiwa kanyonyo mu milao ethi na ku funditha a kwaye ngao a tende ngeyo mwe thaniwa munyonyo mu mubuso wo ku wilu. Kono yoshe no kuthi buluka na kuthi funditha mwe thaniwa mukulu mu mu mubuso wo kuwilu. ²⁰ Kakuli na mi ambela ngao kandi o ku kena kwenu ku piteele an'oli na Mafalisi, njeko enthila mbo mu kengena mu mubuso no kuwilu. ²¹ "No mu yuba ngao mono ku ambiwa okwo munako tho kale, 'Ko mu ne paa,' kame, 'Woshe o ipaa mwa ingena thiethi tha katulo.' ²² Kono na mi ambela ngao munu yoshe oyu na twaele mu kaye oli mu thiethi tha katulo; kame yoshe o ambela mukwaye ngao, 'Owe munu no mbula tutho!' mwa ikala mu thiethi tha kansulu; kame noyu o amba ngao, 'Owe thianganu!' mwa ikala mu thiethi tha mulilo wa lihele. ²³ Kame endi wa paka e mpo thoye ku aletale kame o anuke ngao mukoye kothili ethi nyangunyu okoye, ²⁴ othiye e mpo thoye potho no aletale, na ku ku thela munthila thoye. Matatekelo mu ku uthe w mucima na mukoye, pendi owiye ku paka empo thoye. ²⁵ Mu kwitanethe noyu no sithimbo thoye wangu omuli mu nthila kuza ku kuta, kapa o mukwa sizthimbo thoye mwa ka kupaka mu makaa a muatuli, mi o muatuli ku kupa kwa oyu no ofisi, keo mwendi mwa ka ku yumbela mu tolongo. ²⁶ Mu thikuma na mi ambela ngao, meshemwa ku tundamo muya ku pitela muneki a mali no ma maneeno no thikoloti mu na kolota. ²⁷ "No muyuba omu no kwambeliwa ngao, 'Ko mu na buka.' ²⁸ Kono ome na miambela ngao yoshe o topeela mukazthi na ku mu shukela ona buku naye kale mu mucima waye. ²⁹ Haibandi eliyo lyoye lyo kuthilyo lya ku pemukitha, o litumune na ku li yumbela kwako. Kakuli kuli thiwanangao thilama thimweya the fepo kupitangao o lutu loye loshe lu ka yumbeliwe mu lihele. ³⁰ Haiba ndi e likaa lyoye lyo thilyo lya kuletela ku pemuka, o limbatule na ku liyumba kule noye. Kakuli kuli thiwana okoye ngao silama simweya pa lutu loye thi fepo kupita ngao o lutu loye loshe lu the mu lihele. ³¹ Mono ku ambiwa kame ngao, 'Oyu yoshe o luluula mbiyama waye, a mupe lin'olo lya tukuluho,' ³² Kono na mi ambela ngao oyu yoshe olukuula mbiyama waye, kwand ku laliwa ku mulume wao, ona mu tende thiozwa. Yoshe o mulama kutunda pa ku lukuuliwa naye ona buku. ³³ "Kame, no mu yuba kuambiwa ngao mu maiwa no ku nyima, 'Komu neetha mu kuonga, kono mutende e mbetha thenu kwa Mulena.' ³⁴ Kono ome na mi ambela ngao, ko munetha na kanyonyo pa liwilu, kakuli lyo lubona lwa Mulimu; ³⁵ Kamba pa kaye, kakuli oma lyatelo no maulu aye; kapa pa Jerusalema, kakuli o mulenen/i wa Mulena o mukulu. ³⁶ Ko mu neetha pa mutwi wenu, kakuli omwe nje kutetha ku pilula uki mu mweya ukenu kapa wilu. ³⁷ Kono o mwambelo wenu upiluke 'Eee, ee' kapa 'Nje, nje.' Thoshe ethi thi piteela apa tha tunda koyu munyangunyu. ³⁸ "Mo no muyuba mo no ku ambiwa ngao, "Liyo pa liyo, liyeo pa liyeo.' ³⁹ Kono na mi ambela, ko mu na kaena oyu munyangunyu. Kono woshe o kufula ku litama lyo thilyo, o mu pilukele ne likwalyo. ⁴⁰ Ku mona omweya ona ku thaimona na ku shimba e thiapalo thoyem o muteneke oyo munu a shimbe na chanthi woye. ⁴¹ Yoshe ona ku pindamekethe kutha naye mailo omweya, othe na ye ma mailo meeli. ⁴² Mupe yoshe ona mi lombo, kame ko muna pilukela kwako ko yu yoshe othinga ku wiya ku kalima okoye. ⁴³ "No mu yuba no ku ambiwa ngao, 'Mu wapele ali pepi nenu na ku thimba aa no sithimbo zthenu.' ⁴⁴ Kono na mi ambela ngao, mu wapele ao a minyanditha, ⁴⁵ ngao mu piluke ana i wenu wo ku wilu. Kakuli a panga e liiwa lyaye ku munyekela a nyangumyu na awa, na ku tuma o mvula kwa no ku luka na shimbula ku luka. ⁴⁶ Kakuli ku mona mu wapela aa no ku mi wapela, mo mu wana thilifo mwike? aya no ku telitha a kwoo ka tenda shina thinu thi mweya kao? ⁴⁷ Ku mona mu lumelithanga a kwenu, thike mutenda kupita anu awo? Kana a lichaba ka tenda thina thinu thi mweya ngeya? ⁴⁸ Mu libakeli mwi kale a ku oloka, wendini I wenu wo ku wilu wo ku oloka.