¹ Keo Jesu Otwaliwa mu lialaupa na moya ku kalikiwa kwa Diabulosi. ² Apo na ku yumena e ilya mu maiwa likumi na mane na usiku likumi na tune, keo oyuba nthala. ³ Kono oyu no ku mulika apa neya okwaye keo owiya kwamba ngao, ''ndi omwana Mulimu o laule ngao, ''a mawe apiluke ithima.'' ⁴ Kono Jesu keo omwalaba,na kwamba ngao, ''Kuna ñoliwa ngeya, 'Munu kamba yoyo ithima ambu kao,kono na lii lyoshe elitundela mu kanwa ka Mulimu.'' ⁵ Keo Diabulosi o kambamisa Jesu mu Muleneñi no kukena,na ku mutaleka pa muongola no tempele, ⁶ Keo o amba,okwaye ngeya, ''Ndi emwa o mwana Mulimu o ngwele pashi.Kakuli ku na ñoliwa ngao; Mwapa a mañeloi ae mata peulu thoye, 'mane 'mwa kutambwela mu makaa oo,ngao kona twesa ku kulenga ku liwe.'' ⁷ Jesu keo o mwambela ngao, ''Kuna ñoliwa kame ngao, 'kona paka Mulena Mulimu woye mu miliko.'' ⁸ Kame Diabulosi keo omutwala peulu no lilundu na ku ka munangisa e mileneñi thoshe na uwa wateni. ⁹ Keo o ambela Jesu ngao, ''Mo ni kupa yoshe ei na mono aiba ndi mo tongwama kuni lapela.'' ¹⁰ Keo Jesu omambela ngao, '' Opane apa Satani! kuna ñoliwa ngao, 'otongwame ku lapela Mulena Mulimu woye,na ku mu sebethela.'' ¹¹ Keo Diabulosi omusiya,na mañeloi keo ,amushenyena kwambaula okwaye. ¹² Jesu apa na yuba ngao Joani ona pakiwa mu tolongo,keo ofunduka kutha ku Galilea. ¹³ Apa na siya Nathareta,Jesu keo owiya kwi kala mu Kapenauma pepi na liwate; mu litunga lya Zabuloni na Nafetali. ¹⁴ Ngao ku tendale eso nosiambiwa ku mupolofita Isaya ngao; ¹⁵ ''Elitunga lya Zabuloni na litunga lya Nafetali, eli lina kuata na liwate,muyambwaliya wa Jordani,Galilea oyu nwa no mu litunga; ¹⁶ Anu anatomana mu simbwi ana twese kumona e liseli kono ao natomana mu litunga no mu thimbi no lifu,e liseli linatwese kwa silela.'' ¹⁷ Kutundelapo,Jesu keo okalisa ku kutatha na kamba ngao, ''Mubake,kakuli omubuso no kuwilu pepi po uli.'' ¹⁸ Jesu apa na enda ku kulisa e liwate lya Galilea, Keo omona o munu na mukulwae Simoni no lithina lya Pitolosi,na Andreasi o minae alaleka e lyothi mu liwate,kakuli neli mandui. ¹⁹ Keo o ambela ngeya, ''Muni koñe,kakuli nasa kumi pilula mandui anoku yamba anu.'' ²⁰ Wangu wangu keo a siya a maothi o na ku koñela Jesu. ²¹ Apa na enda kame kutundapo,keo o mona a munu na mukulwae mu wili wo,Jakobo o mwana thebedea,na minae Joani,ali mu wato na iwo Zebedea,na minae Joani,ali mu wato na iwo Zebedea,atha na kuonga a maothi o.Keo o isana, ²² Wangu wangu keo asiya owato na iwoo,na ku koñela Jesu. ²³ Jesu keo otha mu Galilea yoshe,kutha na kuluta mu Masinagoge,kutha na kwambaula e Evangeli no mubuso,kuno yotha na kuyoisa anu ku ikola yoshe mane na ku matuku oshe mu kachi no anu. ²⁴ Kona kuli a kapupo kae keo ka yubala mu Siria yoshe; mi keo ku letiwa okwae ano kukola a matuku no ku kushutana,na no kuoneya, ano mepo e thinyangunyu,ano ku pwelelanga; keo oshe otwesa kwa yoisa. ²⁵ Oungi no anu keo atha na ku muendisa ku tundela ku Galilea,na ku Dekapilisi,na ku Jerusalema na ku Judea,mane na muyambwaliya wa Jordani,keo oshe atha na kumu koña.