¹ Mungeno,liiwalyolithila, oshe akulu noapositola naakulu noanu keo alelithana omunokwipaela o Jesu. ² Namukwata kumutwala kwako,nakumuleta kwa Pilato omubuthithi. ³ Keo apo Judasi, oyo nomubeteka,namona nga Jesu onanyathiwa,keo okunyatha nakuutha omuwayawaya kuma prisita na kuakulu, ⁴ nakuamba ngao, ''Ninatende thibi mukubeteka munu nombula mulandu.'' keo amba, ''Eyoyaike okwetu? oyimone oemute.'' ⁵ Keo oyumba omuwayawaya no silivera mu tempele,nakutunda,kutha kukakunungeela. ⁶ Omupulisita omukulu keo oshimba amapala no silibela nakuamba ngao, ''Kombula mulandu kushimba eyi kupaka musikwama kakuli eteko tho mali. ⁷ Keo aambaula eyoiambo pamweya,keo aleta omali nomuumbi no mbumbo omo nokubuluka aakana kulimukiwa. ⁸ Mwelyo libaka,etho thilwa thinaithaniwa thilwa tha unyinga'' kukuma nageno. ⁹ Keo etho nothiambauliwa kwa Jeremiah omupolofita neli tha talelethiwa, mukuamba ngao, ''Anaimbi omapala no silivera. eteko nothipakiwa kwaana Isilaele, ¹⁰ mane anaapu kwaaumbi,nani omo Mulimu na laelela.'' ¹¹ Keo Jesu oimana papila tho mubuthithi omukulu,kue omubuthithi omuipula, ''Owe oMulena no Majuda?'' Jesu keo omualaba, ''Onaambelemo.'' ¹² Kono apana angethwa kwa akulu no apositola naakulu no,neli njeko eyo naalaba. ¹³ Keo Pilato omuambela, ''Kana kouyuva kao yoshe eyo akuangetha?'' ¹⁴ kono kamutambile shuwa lii limweya kao, mungeyo omubuthithi mwana komoka enene. ¹⁵ Ngeno pamukiti neli muthitho tho mubuthithi omukulu kutunditha olipantiti omweya oyupelo ketiwa kwa aanu. ¹⁶ Petho nako mwanakwata thibangoki lipantinti walithina lya Barabbas. ¹⁷ Apona kuwana pamweya,Pilato keo oamba okoo, ''Mwasaa ngaa nimitundithethe ani? Barabbas,ndi Jesu oyu oithaniwa Kelesite?'' ¹⁸ Alimuka ngao mwana paa Jesu okwaye bakeñitha omuikuumutho. ¹⁹ Kunoyoli pasipula souatuli, ombiyamawae nomutumela mai kuamba ngao, ''Otunde muiyambo yoyumunu okakwite mulandu kao. Kakuli ninathiyelehe pelo bakeñitha okumulota.'' ²⁰ Apobene omukulu noma prisita na akulu naongaula oungi ngaa alombe Barabbas,nakuipaa Jesu. ²¹ Omubuthithi keo oaipula, ''Opi poaa ail oyu muthaa ngaa nimipanithethe?'' keo aamba, ''barabbas'' ²² Pilato keo oambela, ''mwasaa ngao nitende ike na Jesu oyuoithaniwa Kelesite?'' Keo aalaba oshe, ''Akokoteliwe.'' ²³ Keo noamba, ''Ike,mulandu mwike ouana tende?'' Kono kwo akuwelela oinene, ''Mumukokotele.'' ²⁴ Keo Pilato apanamona ngao njeko eyoatwetha kutenda, kono endwa nelithainga kuinguka,keo oshimba omeyu nakukusha omakaa aae pakachi noanu nakuamaba , ''Konukwite mulandu kao kuunyinga woyu munu. mumone.'' ²⁵ Anu oshe naamba, ''Muteneke punyinga wae uikale kotwe naanetu.'' ²⁶ Keo oatundithetha Barabbas,nakunyatha Jesu nakumuapaa ngao amutakhithe. ²⁷ Keo amasoja no mubusisi mwana shimba Jesu kumutwala mupatelo nakukaungeetha oshe amasole. ²⁸ Namutubula nakumupaka liina lyalyo, ²⁹ napanga nakuwani thomiutwa nakuthipaka kumutwi waye,nakupaka othitondo mulikaa lyae,namutongwamela nakumunyepa kuno aamba, ''Oshoo,Omulena no Majuda!'' ³⁰ Namuthipawela,nashimba ositondo nakumuyaa kumutwi tungi tungi. ³¹ Apanamunyepa tungi tungi, nashimba othiapalo thaye nakumupa thatho thoo,nakumutwala kukukaipaiwa. ³² Apanapan,mwana wana omulume noku Cyrene noithaniwa Simon, Oyo napindameketha kutha noo nagao ashimbe othifapano. ³³ Mwanawiya kusibaka esiithaniwa Gologota,thitalutha ''Thibaka tha Tutendele.'' ³⁴ Namupa waine ethinothikuwana na gall. Kono apa nayuba mo nokwanga okunwa. ³⁵ Apa namupaka amawenge nayataula oyapalo yae,mukuyumba omayumbo, ³⁶ mwanekala kuno amulibelela. ³⁷ Pamutwiwaye mwana paka muñolo wakuamba ngao, ''Oyu Jesu,oMulena noMajuda.'' ³⁸ Ambui aili mwanakokoteliwa naye,omweya kusilyo,omweya kusimowe. ³⁹ Ao anakuendela ambu mwana muthukathana, kuno anyunga omiwi thoo ⁴⁰ nakuamba, ''Owe onotwesa kusinya tempele nakuthiumba mumaiwa maatu,okupilithe! haibandi Omwana Mulimu,odhuluke apo pa sifapano!'' ⁴¹ Munthila thimeya omupulisita apulisita akulu,neli amunyepa,pameya nama Añoli,na akulu nolikeleke,kunoaamba, ⁴² ''Onapilitha akwae, Kono akwanga kukupilitha oye omute. Mulena wa Isilaele. Mumuteneke ashuluke kutunda pasifapano,keo motumulumela. ⁴³ Athepa ku Mulimu,Muteneke Mulimu amupilithe eni,haibandi Mulimu aliyeha kumututha ,kamwana amba ngao, 'Ome nomwana Mulimu.'' ⁴⁴ Munthila thimweya naya ambui anakokoteliwa naye mwanamu tukathana. ⁴⁵ Apoola thau 6 apanothikwana keo kumwiya olifif muthibaka thoshe kukamuma kuhola nou 9. ⁴⁶ Pahola thou 9 Jesu keo olila mulii likulu kuamba ngao, ''Eli,Eli,lama sabachthani?'' Kutalusa ngaa, ''Mulimu wange,Mulimu wange ike apaunitenekela?'' ⁴⁷ amweya kuao naimanako apanuya ngeno keo aamba ngao, ''Aitana Elia.'' ⁴⁸ Popobene omweya okoo keo oituka nakuaimba osiponge,nakusiumbitha tha veine nokulula,nakuthipaka ku thitondo,nakumupa ngaa anwe. ⁴⁹ Ungi woo keo amba, ''Omusiye ofochi. Tumone ndi mwawiya Elia kuwiya kumupilitha. ⁵⁰ Keo Jesu olila nalii likulu nakupa moyo. ⁵¹ Mumone,eliina nomutempele mono liyatuka oakachi kutunda kuwilu kondi pashi,nakaye monokanyanganya,namawe mwana kutapa. ⁵² Amambumbo mwana tatauka namalutu noanu nokukena analalamo mwana ingukiswa. ⁵³ Mwana tunda mumambumbo oo apanainguka,nakukeengena mu muleneñi oupya,nakukamonaahala kuangi. ⁵⁴ Apobene omucentorion naao oshe anakomoka Jesu namona ethikinyeho nainu eyo neitendahala,naiyapa enene nakuamba ngao, ''Yasikuma shemwa neli Mwana Mulimu.'' ⁵⁵ Akathi angi mwanakoñela Jesu kutunda ku Galilea kutha mukubabalela mwaneemane kule noo. ⁵⁶ Amweya koo neli Mary Magadelena,Mary inawa Jakobo na Josefa,nainawa ana a Zebedea. ⁵⁷ Apanothikwana thingola ngola,monokuwiya mufumi wakutunda ku Arimatea, uyunoithania Josefa,oyo naeneli muapositola wa Jesu. ⁵⁸ Keo owiya ku Pilato nakuwiya kulomba olutu lwa Jesu. Keo Pilato olaela ngao alupiwe. ⁵⁹ Josefa keo oshimba olutu,kuluputela mumaina makenu, ⁶⁰ nakulupaka mumbumbo thae ethipya napanga mumawe. keo ombilumwela oliwe likulu kuthelo tho mbumbo nakukuthela. ⁶¹ Maria Magadalena na Maria omukwae mwanekalako nao,kulwa thikwatho mbumbo. ⁶² Muliiwa lyonolitatama,elyoneli liiwa lyelitama elinoutukutho,Aakulu nomapurisita namapharise mwanakuwana nae Pilato. ⁶³ Keo aamba, ''Mukulu,twaanuka ngao oyaa muongi mwanayoya, noamba, 'Mumaiwa maatu moniinguka kame.' ⁶⁴ Mungeyo olaele ngao ombumbo thae thi lithiwe,kupiwiteela mliwa nouhatu, mungwyo aapositola aye atwetha kuwiya nakumwiitha keo ambela aanu nhao, 'Onenguka kuafu; keo ouongi no mafeletho moupilukaukulu kupita ounomakalelo. ⁶⁵ Pilato keo oambela. ''Muimbe omulibeleli. Munthe mukamalele moshe momukwanithetha. ⁶⁶ Keo atha kukama mela kumbumbo,kukakwala eliiwe nakukapaka alibeleli.