¹ Mono kwikala ngao Jesu apa na mana kwambaula a mai,keo o ambela alutiwa ae ngao, ² ''Mwa limuka ngao mu manyima no maiwa meli epaseka nga thitendale omwana no munu mbotwesa ku piwa ngao akepaiwe.'' ³ Keo akulu no maprisita na akulu no anu na ku wana pamweya mu muleneñi no mu prisita omukulu,noisaniwa Caphasi. ⁴ Na lela pamweya omuno kumangela Jesu na lunya na ku mwipaa. ⁵ Na kuma pa kwamba ngao, ''Ko thinekala enako no silika ngao, e ndwa ka thine nguka mu kaci no anu.'' ⁶ Mwetho nako Jesu yoli ku Betani mu nthuwo tha Simoni o siole no mbingwa, ⁷ Yoli pa tafule, o mukathi no iya yona kwatele ebotela no maathi no kutula yonene,keo othi mwaela ku mutwi waye. ⁸ Kono alutiwa ae apa na mona ngeyo,na lwana na kwaamba ngao, ''Kandi e libaka lileta owu usinyi lya ike? ⁹ Mokuna lukele ngao a ulisiwe na mali mangi na kupiwa kwa no kunyanda.'' ¹⁰ Kono Jesu,mukulimuka ngeyo,keo oambela ngao, ''Ike apa munyatha oyu mukathi ngeya? Kakuli esi ana tende okwange sinu sikulu. ¹¹ Mo mwekala na no kunyanda ambu mu kuaci kenu,kono ko mbo mwikala nage kao. ¹² Kakuli apa na sele amaathi pa lutu lwange,mwana tende ngeyo kutha na lifu lyange. ¹³ Ya sikuma na miambela ngao, mwetho elii liwa likutathiwa mu litunga lyoshe,eso anatende oyu mukathi naso mbo sikutathiwa mu ku mwanuka. ¹⁴ Keo omweya kwa no likumi na iili,no lithina lya Judasi sikalioti,notha ku ma prisita akulu. ¹⁵ na ku kaamba ngao, ''Ike mutwesa kunipa ni leta ngao mu mukwate?'' keo a muweitela makumi maatu a muwaya waya no silivers. ¹⁶ Kutunda petho nako keo osaela omwikaelo no kwaamba ngao nga twese ku mukwata. ¹⁷ Mu liwa no matatekelo no silika no singwa nombula kupaka Omumela a lutiwa na wiya kwa Jesu na kwaamba ngao, ''Kupi okaku lukela ngao tu lukise o lye leko esilya no paseka? ¹⁸ Keoamba ngao, ''Mushelumuke mu muleneñi ku mulume omweya muka mwambele ngao, 'Omuluti amba ngao, ''Enako thaye thekala pepi. Mi ainga kuleta e paseka mu nthuwo thoe na alutiwa aye oshe.'' ¹⁹ Alutiwa keo atenda omo Jesu na ambela,na ku lukisa eilya no paseka. ²⁰ E singolangola apa no sikuma keo otomana kulya nalutiwa ae no likumi na iili. ²¹ Alya ngeyo,keo oamba ngao, ''Yasikuma na mi ambela ngao omweya okwenu mwa ni beteka.'' ²² Na monala ku komoka yonene,keo akalisa ku mwipula ngao, ''Yasikuma kome kao, Mulena?'' ²³ Keo o alaba ngao, ''Oyu chupwa elikaa pamweya nange amu katuo yonyio o tamba ku ni beteka. ²⁴ O mwana no munu mboimbiwa,weti omukuna ñoliwa eyae. Kono o umai woyo munu ngao mu lithina lyae momba twesa ku betekiwa omwana no munu. Kunawapa ngao oyo munu nga no imwa kwelekiwa.'' ²⁵ Judasi,oyu tamba ku mubeteka keo o amba ngao, ''mwendi ome ndi,Muluti?'' Keo o mwambela ngao, ''Ona ambele mo ofoti bene.'' ²⁶ Alya ngeyo,Jesu keo oshimba singwa,ku silapela,naku sicholaula.Keo osipa a lutiwa ae na kwambela ngao, ''Mushimbe mulye.Olu lo nyio olutu lwange.'' ²⁷ Keo o shimba e komoki na ku lomba kulapela kwa tambeka na kwaamba ngao, ''Munwe,moshe. ²⁸ Ou wonyiko unyinga wange no u onyiku mwalela o ungi no anu ngao eibi itwese ku swaleliwa. ²⁹ Kono na miambela ngao,kombo ninu kame o waine nesi suyana kao kendi elyo liiwa mbo ninwa mu upya nenu mu mubuso wa Tate.'' ³⁰ Mu manyima no kwimba e liimbo,keo atha ku lilundu lya Olive. ³¹ Keo Jesu oambela ngao, ''Moshe pelo mo muni yaya enako no usiku kakuli kuna ñoliwa ngao, ombo ni bakula mulisana ngao o mukana no angu ngo utwese ukushandaula.' ³² Kono mu manyima mbo binguka ombo bikala poso thenu paku ingena mu Galilea. ³³ Keo Pitolosi omwambela ngao, ''Shiwa ngao oshe pelo mwa twesa ku ku yaya,ome nje ku twesa ku ku yaya.'' ³⁴ Jesu keo o mwambela, ''Yasikuma na kwambela ngao, Ousiku pelo,njekale o ndemba ku tambeka,moni yaya tuatu.'' ³⁵ Pitolosi keo omwambela ngao, ''Shiwa ngao, kufa noye,konitwese ku kuyaya kao. ''Oshe a lutiwa keo ambela mu mweya. ³⁶ Keo Jesu otha noo kusibaka sisaniwa Gesemane na ku kambela alutiwa ae ngao, ''Mutomane apo pano nitha ku ka lapela.'' ³⁷ Keo oshimba Pitolosi na ana aili a Zebedea na ku tateka ku komoka na ku katatheya yonene. ³⁸ Keo oambaula okoo ngao, ''Omoyo wange una komoka yonene,mane na muneku no lifu. Musisale pano ngao mu tone nange.'' ³⁹ Keo otha kakambamena ku kanyongamisa olupala na ku lapela. Keo oamba ngao ''Tate,nga kwa twesala nga wa teneka ngao ethi komoki thini piteele. Kokuna tendaala omu ina wapele,kono omu wapela. ⁴⁰ Apa naka ukuluka awiya kuwana ngao alutiwa ae ana lala keo oambela Pitolosi ngao, ''Kandi ike eyi mukana kutoena nange panako thimweya ambu? ⁴¹ Mutone na ku lapela ngao komuna ingena mu miliko. E mepo emwa tha wapela,kono e nyama tha fokola.'' ⁴² Keo oku thika kame munako no wiili na ku ka lapela. Keo oamba ngao, ''Tate ndi ngao ethi komoki ko thini pitela kao keti ni thinwe,omu wapela ku tendale ngeyo.'' ⁴³ Keo oka kuthika kame na kwiya kwa wana ngao ana lala,mane na meo omwana monala yonene tulo. ⁴⁴ Keo oasiya kame, na ku kuthela ku kalapela aka no atu,na ku kaamba amayi no ku kufeka. ⁴⁵ Keo Jesu okeya kwa lutiwa ae na kwiya kwamba ngao, ''Kandi mwilala nangeno na ku pumula emwa ngeya mone,enako thina kumu ngao, omwana no munu ona betekiwa mu makaa noa no sibi. ⁴⁶ Mu yoyoke twende,mu mone oyu na nibeteke seli ekala pepi.'' ⁴⁷ Petho nako yo imbanga,Judasi,yomweya.Kwanilikumi na iili,keo owiya.Anu angi mwana mukoñela munyima ku tundela ku ma prisita akulu mane nakulu no anu oshe. Mwaneya na mikwale na ma sabule pamweya. ⁴⁸ Kakuli omulume no beteka Jesu nomana kwa monisa aka limukelo kwambela ngao, ''Oyu pelo mumona ni thipita keo yonyiko mu mukwate.'' ⁴⁹ Mu wangu wangu keo owiya kwa Jesu na kuwiya kwamba ngao, ''Olumele,Muluti'' popo keo omuthipita. ⁵⁰ Jesu keo omwambela ngao, ''Muonyi,otende esi oneyele kutenda.'' Apo bene keo awiya,kukwata Jesu,na ku mutwala. ⁵¹ Popo,keo omweya oyu no ikala na Jesu ochomona omukwale waye na ku mbatula e litwii no mupika no muprisita o mukulu,keo lingwa. ⁵² Keo Jesu omwambela ngao, ''Ousethe omukwale woe oku utundisa kakuli a lwa na mukale omba ipaiwana mukwale. ⁵³ Wa naana ngao ko ni twese kwisana Tate kao ngao, keo ni tumene e sikwata no likumi na twiili no mañeloi? ⁵⁴ Kono kandi a mañolo mwa ku taleletha ngepi ngao,keti eyi yo itendala? ⁵⁵ Petho nako Jesu no ambaula ku ungi no anu ngao, ''Kandi mo munawiyi na mikwale na masabule ngao muwiye muni mange weti no mbui? Liiwa na liwa mo ina tomananga ku luta mutempele,kono no mwimwa ku ni manga. ⁵⁶ Kono yoshe eyi ya tendaala ngao o mañolo no sipolofita atwese kuku talelethiwa. ''Popo keo alutiwa ae amu siya na ku mwituka. ⁵⁷ A nawiya kumanga Jesu keo a mutwala kwa Calaphasi o muprisita omukulu, oko ano nyefula na akulu no anu kona kuwaena pamweya. ⁵⁸ Pitolosi keo o mu koñela pale kutha ku lilapa no mu prisita omukulu. Keo ingena mukachi na ku katomana pashi pamweya na malonda ngao amone esi sitwesa kutendala. ⁵⁹ Keo akulu no maprisita na kuta tho thoshe mwana saela upaki wa mbango kutha na kumangiwa kwa Jesu ngao awane pakutwesa ku mwipaela. ⁶⁰ Naimwa kuana shina mulandu umweya,shiwa ngao oungi no apaki no mbula niti natwesa kupa oupaki. Mu manyima keo apaki aili awiya. ⁶¹ na kwamba ngao, ''Oyu munu mwa na amba ngao, ''Ome natwesa ku umbula etempele tha Mulimu na ku thiumba mu maiwa maatu.'' ⁶² O muprisita omukulu keo oimana na ku muambela ngao, ''Ko kwite kalabo kao? Kandi upaki mwike uno a prisita kutha na ufosi woye?'' ⁶³ Kono Jesu keo omwena ambu. Omu prisita omukulu keo Omwambela ngao, Nalaula mu lithina lya Mulimu no ku yoya,otwambele ndi owe o Kelesite,Omwana Mulimu.'' ⁶⁴ Jesu keo omwalaba ngao, ''Ona ambelemo bene ofochi. Kono na kwambela ngao,ku tunda pelo kutha poso mbomona omwana no munu yo natomana ku likaa no silyo no maata, na ku shelumuka uina bui nokuwilu. ⁶⁵ Keo omu prisita omukulu oyataula eito yae na kwaamba ngao, ''Onamba eyi nokanyaso! apaki aike kame atwisaela? Mumone,seli muna kuyubele aka nyaso kateni. ⁶⁶ Mwa nana ngepi?'' keo aalaba ngao, ''Alukanela ambu lifu.'' ⁶⁷ Keo amusipawela ku lupala na ku mufula,mane na ku mu bakaula a mabaka. ⁶⁸ Kuno amba ngao, ''Otu tonwele,oe o Kilesite. Oyu na kubakula ani?'' ⁶⁹ Apo Pitolosi mwana tomana panthi mu lilapa,keo omupika no kaombeli owiya okwaye na kwamba ngao, ''Nawe monekalanga na Jesu no ku Galilea.'' ⁷⁰ Keo okuyaya poso thoo oshe, kwamba ngao, koni limuka siwana eyi oamba kao.'' ⁷¹ Yo panena panthi muselo,omupika no kaombeli omukwae keo omu mona kame na kwambela anu oshe ngao, ''Oyu munu nae mwanekalanga na Jesu noku Nazaretha.'' ⁷² Keo okuyaya kame kuno yo etha ngao, ''Ko ni mulimuka oyo munu kao.'' ⁷³ Mu nako ethinyonyo enemana kumbali keo awiya na kwipula Pitolosi ngao, ''Yasikuma emwa nawe omunu wo kakuli omu oambaulela keo a yubala.'' ⁷⁴ Keo okalisa kuetha kuno yokuyaya, ''Koni mu limuka oyo munu kao,'' keo mu wangu wangu o ndemba otambeka. ⁷⁵ Pitolosi keo oanuka amai ao Jesu na amba ngao, ''Njekale o ndemba kutambeka moni yaya twakutha pa tuatu.'' Keo opaena panthi na ku kalila yobokola.