¹ ''Keo o mubuso no ku wilu mbo ukufeka na tuombeli likumi ana shimba a malambi oo na ku tambauka oyu no kulamiwa. ² Mutanu neli yanganu mutanu neli aku talifa. ³ Eyanganu no tuambeli apa no ishimba a malampi oo, naimwa ku kushimbela maathi apasela akuenda nao. ⁴ Kono otuombeli mutanu no kutalifa no tu twesa ku kushimbela maathi apasela mu ikopo yoo. ⁵ Petho nako oyu no kulamiwa njekale akume,oshe mwana kofula na kulala. ⁶ Pakachi no usiku keo ku kuweliwa, ''Mumone oyu no kulamiwa! Mupane mwiye mu mumone.'' ⁷ Keo otu ombeli toshe tuinguka na ku nyanganyisa amalampi oo. ⁸ Otuombeli no yanganu keo tulomba aongola ngao, 'Mutupeko ma mweya ku maathi enu a malampi etu atamba kuthima.' ⁹ ''Otuombeli no kutalifa keo tu alaba ngao, 'Kakuli a maathi ka tukwanisa toshe kao, muthe kwa ulisi muka kulele.' ¹¹ ''Etho nako naatha kuka ula,oyu no ku lamiwa no kuma mi keo awo na kutukisa natwesa ku theela nae ku silika no kulama,popo keo nasikwalo sishokiwa. ¹⁰ ''Mumanyima otuombeli otukwato tuka kuthika na kwiya kwaamba ngao, ''Molyange,Mulyange,mutushokwele ko.' ¹² ''Keo o alaba ngao,'Ya sikuma na mi ambela ngao, ''Koni mi limuka kao.'' ¹³ Mutone ngao, kakuli ko mulimuka elyo liiwa kamba etho nako kao. ¹⁴ ''Kwa kufeka na mulume yoli pepi ngao athe mu litunga lya lyo. Mwaisana oshe apika aye na kwa tapela eyetanu yae yoshe. ¹⁵ Ku munu omweya no mupa mali mutanu, ku mukwae keo omupa twiili,mi ku mukwae no mupa ka mweya. Yo munu yoshe no piwa a mali kutha mu mata ae, keo oya munu okuthela mu mwendo wae. ¹⁶ Oya no piwa amali no kutha mutanu notha ku ka sebesisa naku twesa ku waena po kame mali akutha pa mutanu. ¹⁷ Mu nthila noku kufeka oyo no piwa twiili no twesa ku ekethapo kame twiili. ¹⁸ Kono omupika no piwa kamweya no twesa kutha,ku ka shima likwina na ku bumbeka a mali a molyae. ¹⁹ Mu manyima no nako thile o molyo no kauka ngao awiye a mone oinu a pika ae na belekele. ²⁰ O mupika no piwa no kutha pa mutanu no twesa kuleta kame mutanu peulu. keo oamba ngao, Molyange mo wo nipa mutanu wa mali. Omone ina twese ku ka waena po mali akutha pa mutanu kame. ²¹ ''O molyae keo omwambela ngao, 'onatende siwana,o mupika omuwa kame omukwa ku sepala! Ona twese kusepala pa inu inyonyo. Moni kupaka kuendisa inu ingi. O ikale mu tabo thi mweya na molyoe.' ²² ''O mupika oyu no piwa otwiili keo owiya na kwaamba ngao, 'Muolyange,mo no unipa twiili ambu. O mone,ina twese ku ka waena po kame twiili.' ²³ ''O molyae keo omwambela ngeya, ''Onatende siwana,owe omupika o muwa kame o mukwa ku sepahala! Onatwese ku sepahala pa inu enyonyo. Moni kupaka kwendisa inu ingi. Oikale mutabo thimweya na muolyoe.' ²⁴ ''Keo o mupika no piwa kamweya naye no wiya na kwaamba ngao, 'Molyange,na limuka ngao o munu mukalu yonene. Mowa wananga omu nakana ku kuna kame mo watwesa ku cholanga omu na kana ku aasa. ²⁵ Mono ni yapa yonene,keo nitwesa kutha na ku ka bumbeka o mali oye mu mumvu. Omone,pano wa wana esoe muya no sipela. ²⁶ ''Keo o molyae o tambula na ku mwambela ngao, Owe o mupika o munyangunyu nu kuba yonene,mono limuka ngao mona wana omu na kana kukuna kame na ku chola omu ina kana ku aasa. ²⁷ Keo kandi nga mono paka a mali ange kupanga ngao, pano ina kauka ngeno nga inei kuwana a mali ange na ñambekelo. ²⁸ Keo kandi mu muyangele a mali mwape kwoyo mupika okwite elikumi. ²⁹ Ku munu yoshe oyu kwite mu ungi mbo piwa kame,mane akwate mu ungi yonene. Kono kwoyo okana ku kwata shimwa simweya mbo yangeliwa shiwa esi mweya a kwite. ³⁰ Mu yumbele oyo mupika nombula tuso mu simbwi,o muli oku bokola na ku kecha o mayeo.' ³¹ ''Mona omwana no munu mbo wiya mu litwa lyae na ma ñeloi aye,mbo tomana pa lubona lwae no ku kena. ³² Poso thae mbo pa ku wanekela anu oshe, mi mbo tapa tapa anu amweya ku tunda ko mweya weti o mulisana yo tapa angu kwatundisa kwa membe. ³³ Mbopaka angu ku likaa lyae no silyo mane na membe ku likaa lyae no simowe. ³⁴ Keo o mulena mbo ambela awo no ku likaa lyae no silyo, 'Muwiye,omwe mu na fuyawethiwa kwa tate,mu yole o mubuso owu no mupiwa ku matatekelo e litunga lyo lyumbiwa. ³⁵ Kakuli mo no mfa nthala keo munipa ya kulya,mono lifa liwila keo munipa meyu; mono nikala no ngenda keo muni amuhela; ³⁶ Mono nienda sheshe keo munipa ikubato; mono nikola keo muni kolisa;Mono nikala mu tolongo keo muni lekula.' ³⁷ ''Keo a kuluka mba alaba kwaamba ngao, 'Mulena,mono tuku mona kupi onafu nthala keo tu kupa ya kulya? ofa liwila keo tu kupa meyu? ³⁸ Motu mona kupi ungenda mane na ku ku amuela? kapa ku kumona na wila keo ku kupa iku mango? ³⁹ Mono tukumona kamwaka okola kapa kwi kala mu tolongo keo tu ku shenyena? ⁴⁰ ''Keo o Mulena mbo alaba na kwaamba Okwoo ngao, 'Yasikuma na miambela ngao yoshe ei no mutenda anu ange no ku kaliketha,Ome yo no tenda ngeyo.' ⁴¹ Keo mbo ambela ano kulika lyae no simowe, 'Mutunde okwange omwe no sikuto muthe mu lyangalilo eli lina tendeliwa ndiyabulothi na mañeloi aye, ⁴² Kakuli mono nifa nthala,kono mwimwa kunipa sa kulya;mono nifa liwila keo no mwimwa ku nipa meyu. ⁴³ Mono niikala no ngenda,kono no mwimwa kuni amuela;kwi kala sheshe,kono no mwi mwa kunipa ikubato;kukola na kwikala mu tolongo,mi no mwimwa kuni tokomela.' ⁴⁴ ''Keo mba alaba kwamba ngao, 'Mulena,mono tukumona kupi ofa nthala kapa ofa eliwila kapa oli ongenda,kwi kala sheshe,kapa ku kola,kapa kwikala mutolongo,keo tu kwanga ku kutendela ngeyo? ⁴⁵ ''Keo mbo alaba kwamba ngao, 'Ya sikuma namiambela ngao, yoshe oyo no mukana ku tendela anu ange nokukaliketha,ome yono mukana kutende ngeyo.'' ⁴⁶ A omba tha mukuthiethi nombula kwapwa,mi a no ku luka athe mu upilo no mbula kupwa.''