¹ Jesu mwanatha kutunda mutempele mwanatha muma nthila aye. Aalutiwa aye keo awiya okwae nakumumonitha omuyaho no tempele. ² Kono noaalaba nakuamba ngao, ''Komumona einu yoshe kau? Muniti namiambela,njeko eliwe elipelo lisiyala peulu nilikwalyo.'' ³ Aponaikala palilundu lya Olive,aapositola keo awiya okwae mukuitha nakuamba ngao, ''Otuambele eiinu moitendaala kamwaka? Eimboipiluka isupo yokuwiya koe nakupwa kwa silimo?'' ⁴ Jesu keo oalaba nakuambela, ''Mumamele ngao njeko oyumithikulula munthila. ⁵ Kakuli angi mwawiya mulithina lyange. mwaamba ngao, ''Ome no Kilesite;mane ungi mwa lyanganithiwa. ⁶ Momuyuba mandwa naya mandwaa. Mumone ngao komunabilaethwa,kakuli eyo yaswanela kutendaala;kono mafeleletho njekale. ⁷ Kakuli omibutho mothikupilukela,na masika makupilukela. Mokuikala manthala,nayunganoo nokano kaye muibaka ingi. ⁸ Konoyoshe eyi matatekelo aamanyando. ⁹ Keo mwa mitwala mumanyando kukamiipaa. Momunthimbiwa kulitunga lyoshe mulithina lyange. ¹⁰ Keo angi mwangwa,nakukulwitha. ¹¹ Apolofita nomaluthi mwa monahala nakulyanganitha oungi. ¹² Kakuli kukana kumamema mulao mokuekethea, nalilato lyaangi moliombola. ¹³ Kono oyupelo otundamena kutwala kumafeleletho mwa yoyithiwa. ¹⁴ Amakande mawa aa nomubutho mwa kutathiwa mulitunga lyoshe upiluke upaki,keo mamaneno mwa wiya. ¹⁵ Mungeyo, Apamumona ouyinokusinyeha,ounouambiwa kwa Daniele omupolofita,onemana muthibaka thikenu'' (aoabala alemuhe), ¹⁶ Muteneke aao ali mu Judea aitukele kumalundu, ¹⁷ Oyuoli pakatangando nonthio kanashelumuka kukaimba thinu munthio, ¹⁸ noyo olikuthilwa kanaukela kumwanda kukashimba ikumango. ¹⁹ Kono umai koo alinaikana nao ayamwitha mumaiwa aao! ²⁰ Mulapele ngao ondwa thenu ko thiinekala mupepo kapa elyo no Sabata. ²¹ Kakuli mokuikala manyando mangi, aoshamba lyatanga amoniwa kutundeela kumatatekelo okano kaye, kapa kame kamba aikaleko kame. ²² Kondi apaao maiwa anashenyithiwa,njeko enyama mbo thiyothiwa. Kono mulibaka lyao anaketiwa ao maiwa mwa kusifathwa. ^{23 24} Ndi munu amiambela,mumone,oyu yo Kelesite!,kapa oya yo Kelesite! komuna itana. kakuli a Kilesite nomaluthi mwawiya nakutenda olimakatho mukulyanganitha angi, ndikwakonaala shua awoo nokuketiwa. ²⁵ Mumone,ninamiambele munako. ²⁶ Mungeno ndiaamba ngeyo,mulimuke aikala muliyungu ,komunatha muliyungu, kapa mumone aikala mukachi, komunaaitana. ²⁷ Kakuli wendi omo litheli limonaalelanga kutunda mutulo kutwala upa,mungeyo na kuwiya kwa Mwana Munu. ²⁸ Okokuli siyamana sakufa konyiko kwantha oiunyi. ²⁹ ''Kono apanakunapu eye yo manyando eliiwa moliimona bwii,omatungwethi mwaangwa muilu omata no mawiu mwa nyanganyithiwa. ³⁰ Eisupo no mwan munu moimonaala mumawilu, oshe amasika nomulitunga mwa lila. Mwamona Omwana munu kunoyowiya muliwilu na maata na kanya. ³¹ Mwatuma omañeloi aye nomilumo nomatolombita,mi mwa puta oshe aaye kutundeela mumaneku mane,kundunda oku kutha oku. ³² Mukutute tuto kutunda kusitondo no Feiga. Apa omutai itateka kungwitha omashako cho mwalimuka ngao mupepo waikala pei. ³³ Namwe keo apa pelo mumona yoshe inu,mulimuke ngao aikala pepi,paminyako shemwa. ³⁴ Muniti namiambela nago, oluluthika kalwapita kao kupitela eyi yoshe inu apoitendaala. ³⁵ ELIwilu na lifasi molipita,kono amai ange kaambo kupita kao. ³⁶ Kono kuamana katha nako,naliiwa njeko oyunolimuka,shuwa omangeloi nokuwilu,kapa Omwana,kono kondi oTate. ³⁷ Ina omunokulyele kumaiwa a Nuwe, mokuikalangeyo Omwana no munu apamba wiya. ³⁸ Hinani mumaiwa aya kuthama njekale,mwana na ,nakulama,nakulamitha,kupiteela eliwa Nuwe naingena mu aleka, ³⁹ kame njeko eyo nalimuka kondi apa oshe nathama-mokuikala ngeyo pakuwiya kwa Mwana Munu. ⁴⁰ Mungeyo anu aili mwaikala muthilwa-omeya mwashimbiwa,omweya mwa siiwa. ⁴¹ Akathi aili mwaatwa-omweya mwashimbiwa, omweya mwasiiwa. ⁴² Mungeyo mumamele, kakuli komulimuka eliiwa elyo Mulena mba wiya. ⁴³ Kono mulimuke eii, aibandi ominya nthuwo mwaa limuka enako etho mbuyi awiya,nga mwaikala yolibeela,nga kalumelethe enthuwo thae kupunyiwa mo. ⁴⁴ Mungeyo namwe mukutukithe,kakuli Omwana no Munu mwaiya munako ethomukana kumulibeela. ⁴⁵ Keo ani mutanga nokusepahala nakutalifa oyu mulena napaka mukumona ethuwo thae mukuapa eilya panako thi thwanela? ⁴⁶ Kufuyolwe oyu mutanga pelo owania kuno yotenda eyo mba mulena waye apawiya. ⁴⁷ Muniti namiambela omulena mwa mupaka painu yoshe akwite. ⁴⁸ Kono haiba omutanga omunyangunyu akuambela mumuchimawaye, 'Mulenange onaliyee,' ⁴⁹ miatateka kulwitha atanga akwae, nakulya nakunwa naanokupendaana, ⁵⁰ keo omulena aae mwawiya muliwa elyo akana kulimuka pahola ethoakana kulimuka. ⁵¹ Keo mulena ae mwa mumbataula nakumupa ethibaka naanyefuli, omo mba lila nakukwecha omayeo.